Author Archives: admin

بە ئامادەبوونی یاریدەدەری سەرۆکی زانکۆ بۆ کاروباری زانستی و بەڕێوەبەری سەنتەری توێژینەوەو بەڕێوەبەری دڵنیایی جۆریی زانکۆ و سەرجەم بەرپرسانی دڵنیایی جۆریی کۆلێژ و پەیمانگەکانی سەر بە زانکۆمان، وۆرکشۆپی بە ئەلیکترۆنی کردنی بەڕێوەبردنی پرۆسەی دڵنیایی جۆریی ئەنجامدرا.

ئامانجی سەرەکی وێرکشۆپەکە خستنەڕووی لێکەوتە ئەرێنییەکانی بە ئەلیکترۆنیکردنی کارەکانی پرۆسەی دڵنیایی جۆریی و کاریگەری لەسەر بەرزکردنەوەی ئاستی ڕانکی زانکۆمان.

هەروەها جەخت لەوەکرایەوە، کە قۆناغ بەقۆناغ هەوڵ دەدرێت بۆ بەئەلیکترۆنی کردنی پرۆسە کارگێڕییەکان لەزانکۆمان.

لە وێرکشۆپەکەدا کە لە لایەن مامۆستا هەردەوان نەقشبەندی و مامۆستا علی عبدالله صالح پێشکەش کرا، بەشێوەی پراکتیکی تیشک خرایە سەر چۆنییەتی بەکارهێنانی سیستمەکە تاوەکو بەرچاوڕوونی تەواو بدرێتە سەرجەم مامۆستایان بۆ بەکارهێنانی سیستمەکە و بونیادنانی بانکێکی زانیاری بەهێز دەربارەی تواناو چالاکییە زانستیەکانی مامۆستایانمان.

ڕۆژی سێ شەممە ڕێکەوتی 16\4\2019 لەژێر چاودێری سەرۆکی زانکۆی پۆلیتەکنیکی هەولێر پ.ی.د.کاوە شێروانی ، پەیمانگەی تەکنەلۆجی هەولێر دووەمین ڤیستیڤاڵی ساڵانەی خۆی لەژێر ناونیشانی (داهێنان و تەکنەلۆجی۲)سازکرد.

ڤیستیڤاڵەکە چەند چالاکیەکی زانستی و هونەری و کلتوری لەخۆگرتبوو، ئامادەبووان راو سرنج و تێبێنی خۆیان خستەڕوو لەسەر پرۆژەکان و هیوای سەرکەوتنیان بۆ قوتابیان و مامۆستایان خواست.

ڕۆژی دووشەمە ڕێکەوتی 15\4\2019 لەژێر چاودێری سەرۆکی زانکۆی پۆلیتەکنیکی هەولێر پ.ی.د.کاوە شێروانی ، پەیمانگەی تەکنیکی سۆران دووەمین ڤیستیڤاڵی ساڵانەی خۆی لەژێر ناونیشانی (کۆمەڵگای پێشکەوتوو بناغەیەکی کلتوری و زانستی بەهێزی هەیە)سازکرد.

لە سەرەتای ڤیستیڤاڵەکەدا کە بەرپرسی لقی ١٠ـی پارتی دیموکراتی کوردستان و قایمقامی قەزای سۆران و ژمارەیەک لە ئەندامانی ئەنجومەنی زانکۆ ئامادەبوون، راگری پەیمانگەی تەکنیکی سۆران مامۆستا پاکستان محمدامین  وتەیەکی پێشکەش کرد کە تیایدا بەخێرهاتنی میوانان و ئامادەبووانی کرد و کورتەباسێکی دەربارەی ڤیستیڤاڵەکە و بیرۆکەی ئەنجامدانی کرد.

دواتر سەرۆکی زانکۆ بەرێز پ.ی.د.کاوەشێروانی وتەیەکی پێشکەش کرد و باسی گرنگی ئەم جۆرە ڤیستیڤاڵانەی کرد هەروەها پاڵپشتی خۆی بۆئەم جۆرە چالاکییانە دووپات کردەوە و دەستخۆشی لە راگر و ستافی پەیمانگەی ناوبراو کرد.

دواتر بەچەند لاوک و حەیرانێک کەشەکە زیاتر رازایەوە ، پاشان میوانان و ئامادەبووان سەردانی گشت پرۆژە زانستی و کلتوریەکانی بەشەکانیان کرد ، راو سرنج وتێبێنی خۆیان خستە روو لەسەر پرۆژەکانیان و هیوای سەرکەوتنیان بۆ خواستن

رۆژی یەکشەممە رێکەوتی 14/4/2019 سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی سەردانی پەیمانگەی تەکنەلۆجی هەولێری کرد و لە لایەن راگری پەیمانگە د. بۆتان مجید احمد و بەرێوبەری سەنتەر توێژینەوەی زانستی د. هێمن کاکەخان، پێشوازی لێکرا دواتر بە ئامادەبوونی  یاریدەدەری راگر مامۆستا هەڤاڵ احمد عبدالرحمن و چەند سەرۆک بەشێک، پرۆژەی خانووی شوشەیی تایبەت بە سەنتەری توێژینەوەی زانستی کردەوە.

هەر لە سەردانەکەیدا سەرۆکی زانکۆ، بەشی رێگاوبانی پەیمانگەی تەکنەلۆجی هەولێری بەسەر کردەوە کە کاروچالاکی پرۆژەی قوتابیانی بەشەکەی تێدا نمایش کرابوو، وێڕای دەست خۆشی لە سەرۆک بەش و مامۆستایان و قوتابیان سەرۆکی زانکۆ پاڵپشتی خۆی بۆیان دووپات کردەوە بۆ زیاتر بەرەو پێشچوونی ئاستی زانستی و پیشەیی قوتابیان.