Monthly Archives: ئایار 2025

دوای ئەوەی رۆژی رابردوو، یاداشتی لێکتێگەیشتن لەنێوان زانکۆی پۆلیتەکنیکی هەولێر و ئەنجوومەنی پارێزگای هەولێر و رێکخراوی سەنەد بۆ گەشەپێدانی ئابووری واژۆکرا، ئەمڕۆ چوارشەممە ٢١ی ئایاری ٢٠٢٥، وەک یەکەم هەنگاوەی جێبەجێکردنی یاداشتەکە، وۆرکشۆپێک لە سەنتەری توێژینەوە و پەرەپێدانی زانکۆمان بەڕێوەچوو.

لە وۆرکشۆپەکەدا پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و د.عەلی رەشید سەرۆکی ئەنجوومەنی پارێزگای هەولێر و د.سامح ئەلمقدادی سەرۆکی رێکخراوی سەنەد بۆ گەشەپێدانی ئابووری و مەسعود کاڕەش جێگری پارێزگای هەولێر و پ.ی.د.بۆتان مەجید ئاسنگەر یاریدەدەری سەرۆکی زانکۆی پۆلیتەکنیکی هەولێر بۆ کاروباری زانستی و خوێندنی باڵا و ژمارەیەک لە ئەندامانی ئەنجوومەنی زانکۆ و نوێنەری دامودەزگاکانی حکوومەتی هەرێمی کوردستان ئامادەی بوون، باس لە هەنگاوەکانی پەرەپێدانی بەردەوام کرا.

لە دەستپێکی وۆرکشۆپەکەدا، پ.ی.د.رەنج سیروان عەبدوڵڵا بەڕێوەبەری گشتیی سەنتەری توێژینەوە و پەرەپێدانی زانکۆمان وتەیەکی پێشکەش کرد.

پ.ی.د.رەنج سیروان عەبدوڵڵا گوتی ئەمڕۆ زۆر خۆشحاڵین بە ئامادەبوونتان لە وۆرکشۆپی تایبەت بە بواری هۆشیاری ژینگە کە دەبێتە رێگا بۆ جێبەجێکردنی ئامانجەکانی پەرەپێدانی بەردەوام.

بەڕێوەبەری گشتیی سەنتەری توێژینەوە و پەرەپێدانی زانکۆمان هیوای خواست کە دەرەنجامەکانی وۆرکشۆپەکە کە رۆژی رابردوو لە نێوان زانکۆمان و ئەنجوومەنی پارێزگای هەولێر و دەزگای سەنەد واژۆکرا ببێتە پاڵپشتییەک بۆ هەنگاوەکانی حکوومەتی هەرێمی کوردستان.

پاشان پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر لە وتەیەکدا لە دوای بەخێرهێنانی میوانان، گوتی هەروەک ئاگادارن دوێنێ یاداشتی لێکتێگەیشتن لەنێوان زانکۆی پۆلیتەکنیکی هەولێر و ئەنجوومەنی پارێزگای هەولێر و رێکخراوی سەنەد بۆ گەشەپێدانی ئابووری واژۆکرا تاوەکو بتوانین پڕۆژەیەکی ستراتیژی هاوبەش دابڕێژین کە بە پشتیوانی دارایی حکوومەتی سویسرا لە هەموو عێراق ئەنجام دەدرێت.

سەرۆکی زانکۆی پۆلیتەکنیکی هەولێر راشیگەیاند، لەم وۆرکشۆپە  کە نوێنەری دامودەزگاکانی پارێزگای هەولێر ئامادەن ناوەڕۆکەکەی تایبەتە بە ئامانجەکانی نەتەوە یەکگرتووەکان تایبەت بە پەرەپێدانی بەردەوام کە لە ساڵی ٢٠١٥ رایگەیاند.

پ.د.ئیدریس محەمەدتاهیر هەرکی سەرنجی بۆ گرنگی بابەتە راکێشا بەوەی هەموو ئەو لایەنانەوە هەیە کە لە خزمەت کۆمەڵگەدان و هەموویان پێکەوە دەبەستێتەوە چونکە ئامانجی نەتەوە یەکگرتووەکان کە دایڕشتووە، بۆ بابەتەکانی پەرەپێدانی بەردەوام و ژینگە پارێزی و دۆزینەوەی هەلی کار و چەندین بواری دیکەیە کە بەشێوەیەکی گشتی بۆ گەشەسەندنی ئابووریی و ژینگە پارێزییە لەسەر ئاستی جیهان.

سەرۆکی زانکۆی پۆلیتەکنیکی هەولێر هیوای خواست کە بەشداربووان سوود لە ناوەڕۆکی وۆرکشۆپەکە وەربگرن و دواتر زانیارییەکان بخەنە خزمەتی کۆمەڵگەوە.

پاشان و د.سامح ئەلمقدادی سەرۆکی رێکخراوی سەنەد بۆ گەشەپێدانی ئابووری لە وتەیەکدا وێڕای بەخێرهێنانی میوانان و سوپاسی ئامادەبووان بۆ بەشدارییکردنیان لە وۆرکشۆپەکەدا رایگەیاند کە بابەتی پەرەپێدانی بەردەوام لە ئێستادا بووەتە پرسێکی گرنگی جیهان و جیهان بە بایەخەوە لەم پرسەدا دەڕوانێت.

سەرۆکی رێکخراوی سەنەد بۆ گەشەپێدانی ئابووری خۆشحاڵی خۆی نیشاندا بە کاری هاوبەشی نێوان رێکخراوەکەی و زانکۆی پۆلیتەکنیکی هەولێر و ئەنجوومەنی پارێزگای هەولێر کە لە چوارچێوەی یاداشتێکی لێکتێگەیشتندا لەسەر بابەتی پەرەپێدانی بەردەوام کار دەکەن.

دواتر بەشداربووانی وۆرکشۆپەکە بەسەر گرووپی کار دابەش بوون و بڕیارە ئەم وۆرکشۆپە دوو رۆژ بخانەیەنێت.

 

بە ئامادەبوونی پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ و ژمارەیەک لە ئەندامانی ئەنجوومەنی زانکۆد و د. ساد رووسێل جێگری سەرۆکی کۆلێجی پۆرتڤل لە کالیفۆرنیای ئەمریکا و مامۆستایان، رێوڕەسمی کۆتایی و بەخشینی بڕوانامە بە بەشداربووانی خولێک لە ژێر ناونیشانی “پردێک لە نێوان کولتوورەکان لە پەروەردەدا “  لە سەرۆکایەتی زانکۆی پۆلیتەکنیکی هەولێر بەڕێوەچوو.

لە دەستپێکی مەراسیمەکەدا د.طالب محمد شەریف ڕاگری پەیمانگەی تەکنیکی مێرگەسۆر وتەی بەخێرهاتنی پێشکەش کرد و تیایدا باسی لە ناوەڕۆکی خولەکە کرد.

دواتر پ.د. ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر وتارێکی بە زمانی کوردی و ئینگلیزی پێشکەش کرد و لەدوای بەخێرهاتنی ئامادەبووان کرد، دەستخۆشی لە پەیمانگای تەکنیکی مێرگەسۆر و کۆلێجی پۆرتڤل  کرد کە لە ئەنجامی کاری پێکەوەییان ئەم خولەیان بۆ مامۆستایانی زانکۆمان و مامۆستایانی سنووری پەروەردەی سۆران کردووەتەوە.

سەرۆکی زانکۆی پۆلیتەکنیکی هەولێر گوتیشی “ئێمە لە هەمیشە جەخت لەوە دەکەینەوە کە پێویستە مامۆستایان بەشداریی لە چالاکییە زانستییەکانی وەک وۆرکشۆپ و سیمینار و خول و ئەو پڕۆگرامانەی کە تایبەتن بە پەروەردە و خوێندن و پەرەپێدانی بەردەوام”.

راشیگەیاند، لە رێگەی یاریدەدەری سەرۆکی زانکۆ بۆ کاروباری زانستی ساڵانە لەسەر ئاستی زانکۆ چەندین خول وۆرکشۆپی تایبەت بە سەرۆک و مامۆستایان دەکەینەوە، و ئامانجمان ئەوەیە کە کردنەوەی ئەم جۆرە خولانە بەردەوام بن.

سەرۆکی زانکۆ ئاماژەی بە گرنگی ناوەڕۆکی ئەو خولە کرد کە بەهاوبەشی لەنێوان پەیمانگای تەکنیکی مێرگەسۆر و کۆلێژی پۆرتڤڵ کرد و رایگەیاند، ئەم خولە کە پێنج مۆدیۆڵی لەسەر بابەتی پەروەردە و فێرکردن لەخۆگرتبوو، دڵنیام کاریگەریی زۆر باشی لەسەر بەرزکردنەوەی ئاستی زانستی مامۆستایان دەبێت.

گوتیشی یەکێک لەو مۆدیۆڵانەی لە خولەدا باس کراوە، بابەتی پەیوەندی نێوان پەروەردە و کولتوورە کە ئەمەش زۆر گرنگە بەتایبەت بۆ ئێمەی کورد کە چۆن بتوانین کولتوور لەنێو پەروەردە جێبکەینەوە، هەروەها پراکتیزەکردنی بابەتەکانی فێربوون لەناو هۆڵ، دەرەنجامەکانی فێربوون و دیزاینی پڕۆگرامەکان کە زۆر پێویستن بۆ ئێمە کە سەرقاڵی پێداچوونەوەین بە پڕۆگرامەکانی خوێندن بەجۆرێک کە گونجاوبێت لەگەڵ بازاڕی کار، پەرەپێدانی بەردەوام، پاراستنی ژینگە و بابەتە مرۆییەکانی دیکە.

سەرۆکی زانکۆ جەختی لە بەردەوامی پڕۆسەی پەرەپێدانی بەردوام و خۆبەهێزکردنی زیاتر کرد و هیوای خواست کە بابەتەکانی وەرگیراو لەو خولەدا رەنگدانەوەی هەبێت لەسەر پڕۆگرامەکانی خوێندن.

دواتر د.ساد ڕووسێل جێگری سەرۆکی کۆلێژی پۆرتڤل لە کالیفۆرنیا وتەیەکی پێشکەش کرد و باسی لە چۆنییەتی بەڕێوەچوونی خولەکە و سوودەکانی بۆ مامۆستایانی بەشداربوو کرد.

جێگری سەرۆکی کۆلێژی پۆرتڤل جەختی لە بەردەوامی هەماهەنگی کرد و رایگەیاند کە لە داهاتوودا ئامادەن خولی زیاتر بۆ مامۆستایانی زانکۆمان بکەنەوە.

لە کۆتایی رێوڕەسمەکەدا لەلایەن پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر  و مامۆستایانی کۆلێجی پۆرتڤل بڕوانامە بەخشرا بەشداربووانی خولەکە.

جێی ئاماژەیە لە چوارچێوەی یاداشتی لێکتێگەیشتن لە نێوان کۆلێژی پۆرتڤل لە کالیفۆڕنیا و پەیمانگەی تەکنیکی مێرگەسۆر، خولێکی پەرەپێدانی تواناکان وەکو پردێک لە نێوان پەروەردەکاران و مامۆستایانی جیهان، بە بەشداری 51 مامۆستای زانکۆ و 22 مامۆستای سنوری پەروردەی ئیدارەی سەربەخۆی سۆران بەڕێوەچوو، خولەکە بەشێوەیەکی فەرمی لە 15ی 11ی 2024 تا 10ی 3ی 2025 بەردەوام بوو.

خولەکە بەشێوەی ئۆنلاین و بە سوود وەرگرتن لە پڕۆگرامی کانڤس و پلاتفۆڕمی زووم بەڕێوەدەچوو، هەفتەیەک بە لایڤ بوو هەفتەیەک وانەکان جێبەجێ دەکران، خولەکە لە 5 مۆدیۆل پێکهاتبوو، وەک: پەرەپێدانی تواناکان، دیزاینکردنی پۆلێکی کاریگەر، بابەتەکانی وانە وتنەوە، تێگەیشتن لە قوتابی، چۆنیەتی دارشتنی وانەیەکی کاریگەر، دەستنیشانکردنی بەربەستە کلتوری و ئابووری و کۆمەڵایەتی و سیستەماتیکیەکان بۆ دەستڕاگەیشتن بە خوێندنێکی کوالێتی، هەروەها کۆکردنەوەی تێڕوانین و تیۆریە پێداگۆژیە جیهانییەکان.

 

لە ڕۆژانی ١٥ – ١٦ ی حوزەیرانی ٢٠٢٥ یەکەمین کۆنفراسی دەرمانسازی و پەرەپێدانی چاودێری تەندروستی کارپێکراو تایبەت بە پەیمانگەکەمان لە هۆڵی کۆنفراسی زانکۆی پۆلیتەکنیکی هەولێر بەڕێوە دەچێت . بۆ زانیاری زیاتر و ناو تۆمارکردن ئەو QR کۆدە سکان بکە یاخود سەردانی لینکەی خوارەوە بکە.

Home

 

 

پەیمانگەی تەکنیکی پزیشکی

هۆبەی ڕاگەیاندن و چالاکیەکان

پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر پێشوازیی لە حەسەن شێخ عەلائەدین بەڕێوەبەری جێبەجێکاری دەزگای روانگە و ژمارەیەک لە ستافی رێکخراوەکە کرد.

 

لە دیدارەکەدا کە پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێری و دارایی و پ.ی.د.بۆتان مەجید ئاسنگەر یاریدەدەری سەرۆکی زانکۆ بۆ کاروباری زانستی و خوێندنی باڵا و پ.ی.د.مراد امیر احمد راگری کۆلێژی تەکنیکی تەندروستی و پزیشکی و د.زکرا عەزیز سەرۆکی بەشی پەلی دەستکرد و پاڵپشتییەکان ئامادەی بوون، سەرۆکی زانکۆ بەناوی خۆی و ئامادەبووانەوە بەخێرهاتنی شاندی میوانی کرد و کورتەیەکی لەبارەی زانکۆی پۆلیتەکنیکی هەولێر و پێکهاتەکەی خستەڕوو.

لای خۆیەوە حەسەن شێخ عەلائەدین بەڕێوەبەری جێبەجێکاری دەزگای روانگە سوپاسی سەرۆکی زانکۆ و ئامادەبووانی کۆبوونەوەکەی کرد بۆ پێشوازییان.

لە بەشێکی دیکەی کۆبوونەوەکەدا جەخت لە هەماهەنگی و کاری پێکەوەیی کرد لە چەند بوارێکی جیاواز و لە دوای گفتوگۆی تێروتەسەل لەسەر کۆی بابەتەکان، هەردوولا هاوڕا بوون کە لە رێگەی تیمێکی هاوبەش کار بکرێت بۆ ئامادەکردنی یاداشتی لێکتێگەیشتن لەنێوان زانکۆی پۆلیتەکنیکی هەولێر و دەزگای روانگە بەجۆرێک کە کارەکان رەنگدانەوەی لەسەر بەرژەوەندی گشتیی و سوودگەیاندن بە کۆمەڵگە بێت.