Daily Archives: ئایار 4, 2025

ڕۆژی یەکشەممە 4ـی ئایاری 2025، بە ئامادەبوونی پ.ی.د.سیروان لەتیف حاجی ڕاگری کۆلێژی تەکنیکی سۆران و موقەدەم کاروان میراودەلی بەڕێوەبەری بەڕێوەبەرایەتی بەرگریی شارستانی سۆران و خەڵات ساڵح ئیسماعیل بەڕێوەبەری ناوەندی وەرزش و لاوانی سۆران، سیمینارێک لە ژێر ناونیشانی (هونەری هەڵسوکەوتکردن لەگەڵ ڕووداو و کارەساتەکان ) لە هۆڵی کۆنفڕانسی کۆلێژەکە لە لایەن موقەدەم (کاروان میراودەلی) پێشکەش کرا.

سیمینارەکە کە بە هەماهەنگی ناوەندی وەرزش و لاوانی سۆران و بەرگری شارستانی سۆران و کۆلێژی تەکنیکی سۆران بۆ قوتابییان و مامۆستایان ڕێکخرابوو، بەمەبەستی ئاشناکردن و تێگەیشتنی تەواوی بەشداربووان لە ڕووداو و کارەساتەکان، بۆ ئەوەی لەکاتی هەر کارەساتێک بتوانن وەکو کارمەندێکی فریاگوزاری و بەرگریی شارستانی مامەڵە لەگەڵ ڕووداوە نەخوازراوەکاندا بکەن.

لە درێژەی کار و چالاکییەکانی بەڕێوبەرایەتی چالاکییەکانی وەرزشی زانکۆی پۆلیتەکنیکی هەولێر، لەژێر چاودێری سەرۆکی زانکۆمان پ.د.ئیدریس محەمەدتاهیر هەرکی، خولێکی تۆپی پێی بۆ قوتابیانی زانکۆمان کردەوە.

دوای بەڕێوەچوونی یارییەکان، ڕۆژی یەکشەممە رێکەوتی چـواری ئایاری ٢٠٢٥، یاری کۆتایی پاڵەوانییەتییەکە لە نێوان تیپی قوتابیانی کۆلێژی تەکنیکی تەندروستی و پزیشکی و تیپی قوتابیانی پەیمانگای تەکنیکی پزیشکی بەڕێوەچوو.

لە ڕێوڕەسمی یاری کۆتایی خولەکەدا کە بە ئامادەبوونی سەرۆکی زانکۆ پ.د.ئیدریس محەمەد تاهیر هەرکی و پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێری و دارایی و ژمارەیەک لە ئەندامانی ئەنجوومەنی زانکۆ بەڕێوەچوو، تیپی قوتابیانی پەیمانگای تەکنیکی پزیشکی بە ئەنجامی دوو گۆڵی بێ بەرامبەر لە تیپی قوتابیانی کۆلێژی تەکنیکی تەندروستی و پزیشکی بردەوە و بووە براوەی خولەکە.

لە کۆتاییدا لەلایەن سەرۆکی زانکۆ و ئامادەبووانەوە، خەڵات بەسەر تیپی براوەی یەکەم و براوەی دووەم، داوەر و باشترین یاریزان و گوڵکار و گۆڵپارێزی پاڵەوانیەتییەکە دابەشکرا.

لە درێژەی کار و چالاکییەکانی وەرزشی پەیمانگەمان، خولێکی تۆپی پێی بۆ قوتابیانی پەیمانگەمان کرایەوە.

دوای بەڕێوەچوونی یارییەکان، ڕۆژی یەکشەممە رێکەوتی ٤ی مایس ٢٠٢٥، یاری کۆتایی پاڵەوانییەتییەکە لە نێوان تیپی پەیمانگەی تەکنیکی پزیشکی هەولێر کە بەشداریی خولەکە بوو لەگەڵ تیپی کۆلێژی تەکنیکی پزیشکی هەولێر بەڕێوەچوو.

لە ڕێوڕەسمی یاری کۆتایی پاڵەوانەتیەکەدا کە بە ئامادەبوونی سەرۆکی زانکۆ پ.د.ئیدریس محەمەد تاهیر هەرکی و پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێری و دارایی و پ.ی د تیران جمیل پیرۆ ڕاگری پەیمانگەی تەکنیکی هەولێر و پ.ی د.مراد امیر احمد ڕاگری کۆلێژی تەکنیکی پزیشکی هەولێر و پ.ی د.سەرسام شوانی ڕاگری پەیمانگەی تەکنیکی کارگێڕی هەولێر لە یاریگای تۆپی پێ ی پەیمانگەی تەکنیکی کارگێڕی هەلێر بەڕێوەچوو، تێپی پەیمانگەی تەکنیکی پزیشکی بە ئەنجامی ٢ ـ ٠ لە تیپی کۆلێژی تەکنیکی پزیشکی هەولێری بردەوە و بووە براوەی پاڵەوانییەتییەکە٫ و لە کۆتاییدا خەڵات بەسەر یاریزانان دابەشکرا .