Monthly Archives: ئایار 2024

ئەمڕۆ سێ شەممە 14ی ئایاری 2024، لەژێر‌ چاودێری و سەرپەرشتی سەرۆکی‌ زانکۆی پۆلیتەکنیکی هەولێر پ.د. ئیدریس محەمەد تاهیر هەرکی وە پ.ی.د. بۆتان مەجید ئاسنگەر ی. س. زانکۆ بۆ کاروباری زانستی لەهۆلی‌کۆنفرانس‌ لەسەرۆکایەتی زانکۆی پۆلیتەکنیکی هەولێر سیمینارێک پێشکەش کرا لەژێر ناونیشانی “گۆڤاری پۆلیتەکنیک؛ هەڵسەنگاندنێک لەنێوان دوێنێ و ئەمڕۆ (A Comprehensive Look at Polytechnic Journal’s Annual Evaluation and Policy Enhancements).

ئەو سیمینارە بەئامادەبوونی سەرۆکی زانکۆ و یاریدەدەرانی و بەشێک لە ئەندامانی ئەنجومەن و د.کارزان کەریم خواڕەحم ڕاوێژکار لەئەنجومەنی وەزیران و د. امیر چالی ڕاوێژکار لەوەزارەتی خوێندنی باڵاو توێژینەوەی زانستی، د.گەلاوێژ عبید پەرلەمانتاری پێشووی پەرلەمانی کوردستان بەرێوەچوو.

سەرەتا لەلایەن  دەستەی کارگێری گۆڤار بەناوی سەرۆکی زانکۆ بەخێرهاتنی میوانان کرا، دواتر لەلایەن پ.د. کەیهان زرار ڕاگری‌کۆلێژی تەکنەلۆجی هەولێر، لەهەمان کاتدا دەستەی کارگێری گۆڤار تیشک خرایە سەر گۆڤارەکەو هەنگاوەکانی کارکردن و بەرەو پێش بردنی تێیدا.

دواتر لەلایەن پ.ی.د. کاروان وەسمان دەستەی کارگێری و بەرێوەبەری گۆڤاری پۆلیتەکنیک بەخێرهاتنی ئامادەبوان کرد و دواتر  بیری ئامادەبووانی هێنایەوە کە پارساڵ لەم کاتەدا لە بەروای 5/3 هەر لەهەمان شوێن مەراسیمی  ناساندنی گۆڤاری پۆلیتەکنیک ئەنجامدرا.

چەند داتایەکی گرنگی خستە  بەردەستی ئامادەبووان، وە هۆکاری دەرئەنجامەکانی ئەو داتایانەشی ڕوون کردەوە ، ئاماژەی بەوەشکرد کە ئەو دەیتایانە بۆ‌ دەستەی کارگێری گۆڤار گرنگی زۆری هەیەو بۆ توێژەران زۆر گرنگترە کە توێژەران توێژینەوەکانیان لەکام گۆڤار بڵاوبکەنەوە و بۆچی‌ ئەم گۆڤارە هەڵدەبژێرن.

دوای ساڵێکی تەواو لەدەست بەکاربوونی گۆڤاری پۆلیتەکنیک، چەند ڕاپۆرتێکیان نیشاندا کە ئەنجامی ئەمساڵی کارکردنی دەستەی کارگێڕی بوو تێیدا لە بەرەوپێش چوون و بەدواداچوونی گۆڤارەکە بۆ ئامادەبووان خرایەڕوو کە زۆر‌ گرنگ بوو بۆ دەستەی کارگێری و توێژەرانی ئامادەبوو، تا هەمووان بزانن گۆڤاری پۆلیتەکنیک زۆر بەهێزەو ئەگەر توێژەران توێژینەوەکانیان بڵاوبکەنەوە لەو گۆڤاره ئەوا لە هەموو سێکتەرە حکومیەکان و سێکتەری خوێندنی باڵاو لەسێکتەری ڕێکخراوە جیاجیاکان و سێکتەرە بازرگانیەکان توێژینەوە بڵاوکراوەکان دەبینرێت لە هەموو جیهان کە زیاتر لە 200 زانکۆو ئینستیوت لە زیاتر لە 91 وڵاتی جیهانی دەبینرێت. هەروەها تیشک خرایە سەر گۆڤاری پۆلیتەکنیک کە دەروازەیەکە بۆ هەڵسەنگێنەرانی ناوخۆ کە لە ڕێگایەوە دەتوانن ببن بە هەڵسەنگێنەری جیهانی.

رۆژی سێ شەممە 14ی ئایاری 2024، لە کۆتا رۆژی هەفتەی رۆشنبیری قوتابیانی زانکۆ کە لەژێر چاودێری پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر رێکخرابوو، سیمنارێک لە ژێر ناونیشانی (لەدیدگای قوناغەکانی خوێندندا) بۆ بەڕێز مامۆستا ئەحمەد کانی مامۆستای زانکۆمان و ئەندامی کۆمیتەی ناوەندی پارتی دیموکراتی کوردستان، بەڕێوەچوو.

لەو سیمنارەدا هەریەکە لە یاریدەدەرانی سەرۆکی زانکۆ و ئەندامانی ئەنجومەنی زانکۆ، سەرۆک بەش و بەشێکی زۆر لەمامۆستایان و قوتابیان بەشداربوون.

لە سەرەتادا مامۆستا ئەحمەد کانی سوپاسی سەرۆکی زانکۆی کرد و بە ئامۆژگارییەک بۆ قوتابییان دەستی بە بە گوتی: خۆشحاڵم ئەمڕۆ لەگەڵ ئێوەی مامۆستایان و قوتابیانی خۆشەویستم، ئازیزان خۆشەویستی شارو وڵاتی خۆتان بەلاوە زۆر گرنگ بێت.

دواتر لە ناوەرۆکی بابەتەکەیدا چەند نمونەیەکی داهێنان و هەوڵدانی زاناکان کرد و لە نێویاندا باسی ژیانی ئەدیسۆن و داهێنانەکانی کرد و گوتی، “دەرچووی هیچ زانکۆیەکیش نییە، دونیای لەتاریکی بەرەو ڕووناکی هێنا، هیچ بوارێک نەما داهێنانی تێدا نەکات، کە ئەدیسۆن دەڵێت:ٚ هیچ داهێنان و هیچ کارێکم نەکردووە بەرێکەوت، بەڵکو هەرچی بەدەستم هێناوە لەئەنجامی کارکردنی بەردەوام و کۆڵنەدان بوو.”

مەبەستم لەوە ئەوەیە پێشکەوتن لای خۆتە نە لای مامۆستاکەتە نەلای ژینگەتە نەلای وڵاتەکەتە، بەڵکو ناسنامەکەت گەورەترین ناسنامەیە کەهەتە، ئایندە خەیاڵ نییە بەڵکو کاتی داهاتووتە، دەبێت مامۆستاکان بمبوورن کەهەندێک قسە دەکەم لەدژی خۆم و ئێوە، مامۆستا بۆ ئەوە مامۆستا نییە بێتە سەر ستەیچ و خۆی نیشانی قوتابیان بدات، بەڵکو دەبێت بەمانای تەواوی وشە زانست و زانیاری تەواو ببەخشێت بەپێی زانستی سەردەم، فەلسەفەی وەزارەتی خوێندنی باڵا لەوەزیرەوە تا دەگاتە مامۆستاکان بۆ ئەوەیە خزمەتی خوێندن و قوتابیان بکرێت.

قوتابیش دەبێت بزانێت کاری قوتابی چییە بەرامبەر مامۆستاو بەرنامەی کاری چییە، دەبێت چاو و مێشکی لای مامۆستابێت، کارو ڕەوشتی هێندە جوان بێت خۆشەویستیەکی گەورە لای مامۆستاکەی دروست بکات، تا دەمرێت خۆشەویستی ئەو مامۆستایانە لەبیر نەکات کەفێری زانست و زانیاری کردووە.

رۆژی دووشەممە رێکەوتی 13ـی ئایاری 2024، بە ئامادەبوونی سەرۆکی زانکۆ پ.د. ئیدریس محەمەد تاهیر هەرکی، یاریدەدەرانی سەرۆکی زانکۆ، ئەنجومەنی زانکۆی پۆلیتەکنیکی هەولێر و مامۆستایان و قوتابییان، چوارەمین کۆنفرانسی زانستی قوتابیانی زانکۆی پۆلیتەکنیکی هەولێر لە کۆلێژی تەکنیکی سۆران بەڕێوەچوو.

کۆنفرانسەکە بە دەقیقەیەک وەستان بۆ گیانی پاکی شەهیدان دەستی پێکرد، پاشان یاریدەدەری سەرۆکی زانکۆ بۆ کاروباری زانستی و خوێندنی باڵا و سەرۆکی لێژنەی باڵای کۆنفرانس پ.ی.د. بۆتان مەجید ئاسنگەر وتەیەکی پێشکەش کرد و تیایدا بەناوی لێژنەی باڵای کۆنفرانسەوە بەخێرهاتنی ئامادەبووانی کرد و باسی لە گرنگی کۆنفرانسەکە کرد بۆ قوتابیان و وتی: خۆشحاڵم کە لە چالاکییەکی سەرتاسەری زانکۆمان هەموو بەیەکەوە لێرە کۆبووینەوەیەک لە ئەرگە گرنگەکانی زانکۆ ئەوەیە کە بتوانین ئەو زانستەی کە فێری دەبین لێکی بدەین و بابەتێک پرۆژەیەک خزمەتگوزارییەکی پێ ئەنجام بدەین، پرۆژە یەک لە ئامانجەکانی زانکۆیە کە زانکۆمان ساڵانێکی زۆرە بە گرنگییەوە تەماشای دەکات چونکە کۆکردنەوەی زانستەکان لە پرۆژەیەک خۆی لە خۆیدا کارامەیی و زانستی ئێوەو زانکۆمان دەردەخات .

“بەڕێزان کۆنفرانسی زانستی قوتابیان کۆنفرانسێکی ساڵانەیە تیایدا باشترین پڕۆژەی دەرچووانی قوتابیان لەسەر ئاستی بەشە زانستییەکانی کۆلێژ و پەیمانگە تەکنیکییەکان بەشداردەبن، مەبەستیش لەو کۆنفرانسە خستنەڕووی بەرهەمی ماندووبوون و لێهاتوویی قوتابیانە لەئەنجامدانی پڕۆژەی دەرچوون بەهاوکاری و سەرپەرشتی مامۆستا بەڕێزەکان، لەم کۆنفرانسەدا 57 پرۆژە بەشدارن کە لە لایەن قوتابییانەوە ئامادەکراوە دووبارە هیوای سەرکەوتن بۆ ئێوەی بەڕێز دەخوازم”.

دواتر سەرۆکی زانکۆ پ.د. ئیدریس محەمەد تاهیر هەرکی وتەیەکی پێشکەش کرد و تیایدا بەخێرهاتنی مامۆستایان و قوتابیانی بەشداربووی کرد و وتی: “بەناوی خۆم و ئەنجومەنی زانکۆی پۆلیتەکنیکی هەولێر بەخێرهاتنتان دەکەین، هەروەها پیرۆزبایی لەو قوتابیانە دەکەین کە سەرکەوتووانە توانییان ئەو قۆناغانە ببڕن و ئەمڕۆ بەشداربن لە چوارەمین کۆنفرانسی زانستی قوتابیان.

بەڕێزان ئامادەکردنی کۆنفرانسات بەشێوەیەکی گشتی لەهەموو دام و دەزگا و ناوەندێکی ئەکادیمی لە سەرتاسەری جیهان ئەنجام دەدرێت، بەڕێوەچوونی هەر کۆنفرانسێک لە چەند رۆژێک تێناپەڕێت، بەڵام خۆئامادەکردن و ئامادەسازییەکانی لەوانەیە چەند مانگێک یاخود لە ساڵێک زیاتری دەوێت، لای هەموومان ئاشکرایە توێژینەوەی زانستی چ رۆڵێکی گرنگ دەبینێ لە ژیانی مرۆڤایەتی و پێشکەوتنی کۆمەڵگا، هەروەک دەبینین هەموو بوارەکانی زانست وەک زانستی تەندروستی و ئابووری و ئەلیکترۆنی و کشتوکاڵ و هتد و هەر لایەنێک بگری لە لایەنەکانی زانست پێویستە بۆ ژیانی ئادەمیزاد و پێشکەوتنی کۆمەڵگا.

توێژینەوەی زانستی بۆخۆی رۆڵێکی بەرچاوی هەیە لەژیانی مرۆڤ و دەرگایەکە بۆ پێشکەوتنی کۆمەڵگا ، ئەگەر توێژینەوەی زانستی دەرگایەک بێت بۆ پێشکەوتنی کۆمەڵگا کلیلی ئەو دەرگایە بڵاوکردنەوەی توێژینەوەکەیە ، زۆر پێویستە ئەو توێژینەوەیەی ئەنجام دەدرێت بڵاوبکرێتەوە ، ئاسانترین ڕێگاش بۆ بڵاوکردنەوەی توێژینەوەی زانستی کۆنفرانساتی زانستییە ، کەواتە یەکێک لە ئامانجە هەرە گرنگەکانمان لە ئەنجامدانی کۆنفرانسی زانستی بۆئەوەیە تۆ بتوانیت ئەنجامەکانی توێژینەوەکە لە کۆنفرانسەکەدا بڵاوبکەیتەوە و خوێندنەوەی بۆ بکەیت و هەڵبسەنگێندرێ ، لە لایەکی ترەوە لە کۆنفرانسی زانستی چەند زانست خوازێک یاخود چەند گرووپێکی هاوشێوە لە پسپۆری لەیەکتری نزیک دەبنەوە، لە ئەنجامدا گفتوگۆیەکی زانستییانە و پڕ مانا لە ماوەی ئەو کۆنفرانسەدا لەنێوانیان ئەنجام دەدرێت، ئەو توێژەرانەی لە کۆنفرانسەکان پێکەوە کۆدەبنەوە و دادەنیشن لەوانەیە بیروڕا ئاڵوگۆر بکەن و کێشەکانی یەکتری چارەسەربکەن و شارەزاییان دەبێت لەو تاقیگە و کەرەستە و ئامێرانەی کە لە ناوەندە زانستییەکان هەیە کە دەتوانرێت سوود لەیەکتری وەربگرن.

جگە لەو سوودانەی باسم کرد بەرێوەچوونی کۆنفرانسی زانستی گرنگییەکی تری هەیە ئەویش ئەوەیە کاتێک کۆنفرانسی زانستی لە وڵاتێک بەڕێوەدەچێت جارێکی تر لە وڵاتێکی تر ئەنجام دەدرێت، لەو لایەنەش دەتوانین میللەتان سوود لە کەلتوری یەکتری وەربگرن لەو شوێن و وڵاتەی کۆنفرانسەکەی لێ ئەنجام دەدرێت .

ئێمەش هەر لەسەر ئەو نیەتە ویستومانە کە لەمەودوا هەر ساڵەو لە شوێنێکی جیاواز ئەنجام بدەین، رۆژێک لە مێرگەسۆر و رۆژێک لە شەقڵاوە و سۆران و کۆیە و خەبات و هەولێر ئەنجامی دەدەین ان شاءالڵە، قوتابیانی ئازیز بەهیوام ئەمڕۆ وانەیەکی تر فێربن لەسەر چۆنیەتی بەشداریکردنتان لە کۆنفرانساتی زانستی و یا سوود و بەرێوەچوونی کۆنفرانسی زانستی بۆچییە.

بۆیە بەپێویستمان زانی گرنگی بەو بابەتەش بدەین ئەمەش وانەیەکی ترە تا قوتابیان بزانن لە ناوەندە ئەکادیمییەکان و زانکۆکاندا بە چی شێوازێک کۆنفرانس ئەنجام دەدرێت.

لە کۆتاییدا دەستخۆشی لە لێژنەی ئامادەکاری کۆنفرانس دەکەم و دەستخۆشی لە ڕاگرایەتی کۆلێژی تەکنیکی سۆران دەکەین کە میوانداری ئەو کۆنفرانسەیان کرد و بەهیواین توێژینەوە و پڕۆژەکانی قوتابیان هەڵسەنگاندنێکی تریان بۆ بکرێت قوتابیان دووبارە سەرکەوتووبن تیایدا”.

دواتر دەستکرا بە بەڕێوەچوونی سیمناری قوتابیان بە پێی کەرتە پسپۆڕییەکانی کارگێڕی، ئەندازیاری و تەکنەلۆجی، پزیشکی، کشتوکاڵی کە دابەش کرابوون بەسەر شەش هۆڵی سیمنار لە لایەن هەڵسەنگێنەرانی کەرتە جیاوازەکان هەڵسەنگاندن بۆ پرۆژەی قوتابیان کرا.

شیاوی باسە لە کۆنفرانسەکەدا 57 توێژینەوە لە بوارەکانی کارگێڕی و ئەندازیاری و تەکنەلۆجی، پزیشکی و کشتوکاڵی بەشدار بوون کە لەلایەن 250 قوتابییەوە ئەنجام درابوون.

لە کۆتایی کۆنفرانسەکەدا سەرۆکی زانکۆ پ.د. ئیدریس هەرکی قەڵغانی زانکۆی بەخشییە پ.ی.د. سیروان لەتیف حاجی راگری کۆلێژی تەکنیکی سۆران هاوکات سەرۆکی لێژنەی ئامادەکاری کۆنفرانس، دواتر خەڵاتی رێزلێنانی بەخشییە قوتابییانی بەشداربوو و سەرپەرشتیاران و لێژنەکانی هەڵسەنگێنەران.