ڕێکەوتی: ٢٠/ ئایار/ ٢٠٢٤ بە ئامادەبوونی بەڕێز( پ.ی.د.تیران جمیل پیرۆ) ڕاگری پەیمانگەی تەکنیکی پزیشکی هەولێر کۆتایی بە خولێکی فریاگوزاری سەرەتایی هێنرا، کە لەلایەن ڕاهێنەری بە توانا ( مامۆستا مجاهد) بۆ ماوەی یەک هەفتە بۆ مامۆستایان و فەرمانبەرانی پەیمانگە ڕێکخرا بوو.
خولەکە بە شێوەیەکی کرداری پێشکەش کرا بۆ ئاشنا بوون و فێربوونی فریاگوزاری سەرەتایی لە کۆتایی خولەکە بڕوانامەی بەشدار بوون لەلایەن بەڕێز ڕاگری پەیمانگە بەخشرایە بەشداربووانی خولەکە.
شاندێکی پەیمانگەی تەکنیکی مێرگەسۆر سەردانی تیمی شوێنەوارناسی کامبریج دەکەن لە ئەشکەوتی شاندەر
لە چوار چێوەی پەیوەندییە ئەکادیمییەکان و بە هەماهەنگی لەگەڵ تیمی توێژەرانی شوێنەوارناسی کامبریج، ئەمرۆ شەممە 18ی ئایاری 2024، ڕاگری پەیمانگەی تەکنیکی مێرگەسۆر بەرێز (د.طالب محمدشریف عمر ) بەیاوەری شاندێک سەردانی توێژەرانی شوێنەوارناسی زانکۆی کامبریج کرد بە سەرۆکایەتی پرۆفیسۆر گرایم و د.ئیما پۆمێرۆیی کە لەئێستادا کاری هەلکۆلین و توێژینەوەی زانستی لەسەر کەلتوری مرۆڤی نیاندەرتاڵ دەکەن.
لە دیدارێکدا شاندی زانکۆی کامبریج کە پێکهاتوون لە پڕۆفیسۆر گرایم و دکتۆر ئیما باسی گرنگی و چۆنیەتی دۆزینەوەی ئێسکەپەیکەری مرۆڤی نیاندەرتاڵیان کرد کە لە ماوەی رابردوو کاریان لەسەر دۆزینەوەی ئێسکە پەیکەر و سەری مرۆڤی نیاندەرتاڵ کردووە و ئێستاش سەرقاڵی بەدواداچوونن لەسەر شێوازی رەفتار و کەلتوور و خواردن و بواری کۆمەڵایەتی ئەو سەردەمەی مرۆڤی نیاندەرتاڵن تاکو بزانن لەم بارەیەوە چۆن بوونە و چۆن رەفتاریان کردووە.
لە تەوەرێکی دیکەی گفتوگۆکانیاندا، توێژەرەکان باسیان لە گرنگی ئەشکەوتی شاندەر کرد بۆ کوردستان لە بواری زانستی و ئابووری و سیاسی و گەشتیاری بۆ ناوچەکە و هەموو عێراق.
ڕاگری پەیمانگە دەستخۆشی لە کارەگرینگە زانستیەکانی ئەو دوو زانایە کرد بە گرنگی زانی بۆ کوردستان و هەموو جیهان. هەروەها ئامادەیی پەیمانگە و، زانکۆی پۆلیتەکنیکی هەولێری دەربڕی بۆ هەموو هاوکاری و ئامادەکارییەک لە بواری لۆجستیکی پیشاندا بۆ تیمی توێژەران.
شیاوی باسە بڕیارە لە داهاتوویەکی نزیکدا، شاندی پەیمانگەی تەکنیکی مێرگەسۆر لەگەڵ تیمی توێژەرانی شوێنەوارناس لە زانکۆی کامبریج، پێکەوە پانێلیکی نێودەوڵەتی بەبەشداری کەسانی پسپۆڕ لە بوارەکە، لەسەر گرنگی ئەشکەوتی شاندەر و دۆزینەوەزانستیەکان سازبکەن.
جێگای وەبیرهێنانەوەیە لەماوەی رابردوودا دوو زانکۆی بەریتانی لێکۆڵینەوەیان لە ئەشکەوتی شانەدەر ئەنجامدابوو، و ئێسکی کەلـلە سەری ژنێکیان دۆزیبیووەوە کە لە چلەکانی تەمەنی دایە و مێژووەکەی بۆ 75 هەزار ساڵ لەمەوبەر دەگەڕێتەوە. ئەم دۆزینەوەیەش، بەڵگە و سەلمێنەری ئەوەیە، کە ژیان لەم خاکەدا بۆ هەزاران ساڵ لەمەوبەر دەگەڕێتەوە و کوردستان لانکەی شارستانییەت و مرۆڤایەتییە.
رۆژی دووشەممە ١٣ـی ئایاری ٢٠٢٤ کۆنفرانسی ساڵانەی قوتابییانی زانکۆی پۆلیتەکنیکی هەولێر، لە کۆلێژی تەکنیکی سۆران بەرێوەچوو.
لە دەستپێکی کۆنفرانسەکەدا ( پ.ی.د. سیروان لەتیف حاجی ڕاگری کۆلێژی تەکنیکی سۆران، سەرۆکی لیژنەی ئامادەکاری کۆنفرانس ) وتارێکی پێشکەش بە ئامادەبووان کرد و سوپاسی سەرۆکی زانکۆ و ئەنجومەنی زانکۆی کرد بۆ پێدانی متمانەیان کەوا بۆ ساڵی خوێندنی ٢٠٢٣ ــ ٢٠٢٤ ئەم کۆنفرانسە گرنگە لە کۆلێژەکەیان بەڕێوەچوو.
دواتر ( پ. د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر ) وتەیەکی پێشکەش کرد کە تیایدا وێڕای بەخێرهێنانی مامۆستایان و قوتابییان گوتی: “ئەم جۆرە کۆنفرانسانە گرنگی تایبەتی خۆیان هەیە لەڕووی زانستی و ئەکادیمی، هەروەها بۆ کۆمەڵگەش پێویستن چونکە توێژینەوەی زانستی بۆخۆی رۆڵێکی بەرچاوی هەیە لەژیانی مرۆڤ و دەرگایەکیشە بۆ پێشکەوتنی کۆمەڵگا.
سەرۆکی زانکۆ گوتیشی، هەر بۆیە ئێمەش هەر لەسەر ئەو نیەتە ویستومانە کە لەمەودوا هەر ساڵە و لە شوێنێکی جیاواز کۆنفرانس ئەنجام بدەین ، رۆژێک لە مێرگەسۆر و رۆژێک لە شەقڵاوە و کۆیە و سۆران و خەبات و هەولێر ، هیواشی خواست کەوا قوتابییان ئەمڕۆ وانەیەکی تر فێربن لەسەر چۆنیەتی بەشداریکردنیان لە کۆنفرانساتی زانستی.
لە کۆتایی وتەکانیدا سەرۆکی زانکۆ، دەستخۆشی لە لێژنەی ئامادەکاری کۆنفرانس کرد و دەستخۆشیشی لە ڕاگرایەتی کۆلێژی تەکنیکی سۆران کرد، کە میوانداری ئەو کۆنفرانسەیان خستە ئەستۆی خۆیان.
کۆنفرانسەکە تایبەت بوو بە پێشکەشکردنی (٥٧) توێژینەوەی قوتابییانی سەر بە زانکۆی پۆلیتەکنیکی هەولێر بۆ گشت پسپۆریەکان لە چەند پانێڵێکی جیاواز.
دوای پێشکەشکردنی توێژینەوەکان، بڕوانامەی بەشداریکردن لەلایەن ( پ. د. ئیدریس محەمەد تاهیر هەرکی سەرۆکی زانکۆ )
و ( پ.ی.د. بۆتان مەجید ئاسەنگەر یاریدەدەری سەرۆکی زانکۆ بۆ کاروباری زانستی و خوێندنی باڵا )، پێشکەش بە قوتابییان و مامۆستایانی هەڵسەنگێنەر و سەرپەرشتیارانی پڕۆژەی قوتابییان کرا.
See insights
Boost a post
All reactions:
پ.د.ئیدریس محەمەدتاهیر هەرکی، سەرۆکی زانکۆی پۆلیتەکنیکی هەولێر، لەگەڵ شاندێکی وەزارەتی خوێندنی باڵا و توێژینەوەی زانستی و نوێنەرانی هەر سێ زانکۆی پۆلیتەکنیکی هەولێر و سلێمانی و دهۆک، لە بەغدا بەشداری لە دیداری دواڕۆژی خوێندنی پیشەیی و تەکنیکی لە عێراق و هەرێمی کوردستاندا کرد.
سەرۆکی زانکۆی پۆلیتەکنیکی هەولێر لەگەڵ هەریەک لە د.محەمەد حسێن، بەڕێوەبەری گشتی دەزگای سەرپەرشتی و دڵنیایی جۆری و د.یاسین صالح، بەڕێوەبەری گشتی فەرمانگەی نێردراوان و پەیوەندییە رۆشنبیرییەکان و نوێنەرایەتی هەر سێ زانکۆی پۆلیتەکنیکی هەولێر و سلێمانی و دهۆک بەشداری لە دیدارەکەدا کرد.
دیدارەکە بە پشتیوانی یەکێتی ئەورووپا و یونیسکۆ بەڕێوەدەچێت، کە ماوەی دوو رۆژ دەخایەنێت و بڕیارە باس لە دواڕۆژی خوێندنی پیشەیی و تەکنیکی لە عێراق و هەرێمی کوردستان بکرێت.
چاوەڕێ دەکرێت پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر لە پەراوێزی دیدارەکەدا زنجیرەیەک دیدار و کۆبوونەوە لەگەڵ بەشداربووانی ئەو دیدارە ئەنجام بدات کە خزمەت بە بەرەوپێشچوونی زیاتری زانکۆمان بکات.
