Yearly Archives: 2023

ئەمڕۆ 2023/1/22 تیپی وەرزشی کۆلیژمان کۆلیژی تەکنەلۆجی هەولێر بەشداربوین لە خولی سەرۆکایەتی زانکۆی بۆلیتەکنیکی هەولێر بۆ یاری تۆپی سەرمێز (تێنس) و یاری شەتڕەنج بۆ هەردوو ئاستی کوڕان و کچان ئەنجامەکان بەم جۆرە بوو.

1 – لەخولی تۆپی سەرمێز بۆ مامۆستایان و فەرمانبەران پلەی یەکەم مان بەدەستهێنا م. بڵند محمد عزیز بووە پاڵەوانێ خولەکە .
‌ 2 _ لەخولی تۆپی سەرمێز بۆ قوتابیانی کوڕ قوتابی ابراهیم حسن گەیشە قۆناغ کۆتایی ئەمڕۆ نەتوانرا یاری کۆتایی ئەنجام بدرێت لەبەر کەمی کات دواخرا بۆ بەیانی
3-هەردوو قوتابیمان زینب پێشڕەو و فاطمة خالد توانیان پلەی سێ یەم بەدەستبهێنن بۆ یاری تۆپی سەرمێز لەسەر ئاستی کچان
4_ لە خولی شەتڕەنج پلەی دووەمی خولمان بەدەستهێنا لەسەر ئاستی زانکۆ بۆ مامۆستایان و فەرمانبەران م. هاودەم .حاتم بووە پاڵەوانی خولەکە

ئەمڕۆ ٢٠٢٣/١/٢١ ، بەڕێز ( م.پاکستان محەمەدامین یوسف ) ڕاگری کۆلێژ و (م.ئازاد حسین امین ) سەرۆکی لێژنەی ئەزموونەکان ، هەڵسان بە بەسەرکردنەوە و چاودێریکردنی هۆڵەکانی تاقیکردنەوە و ڕوونکردنەوەی شێوازی تاقیکردنەوەکان بۆ قوتابیانی گشت بەشەکانی کۆلێژەکەمان.

هەریەکە لە بەڕێزان بۆ ئەوەی لە نزیکەوە لە ڕەوشی بەڕێوەچوونی تاقیکردنەوەی قوتابیان ئاگادار بن سەردانی هۆڵەکانیان کرد و دەستخۆشی لە لێژنەی ئەزموونەکان و بەڕێوەبەری هۆڵ و مامۆستایانی چاودێر کرا و هیوای سەرکەوتنیان بۆ قوتابیان خواست.

ئاگاداری گشت قوتابیانی قۆناغی یەکەم و دووەم بەیانیان و ئێوارانی کوڕان و کچانی کۆلێژەکەمان دەکەینەوە کە هەرکەس ئارەزووی بەشداری لە خولی ( تێنیسی سەر مێز – بالە – تۆپی پێ – ریشە – شەترەنج ) کە لە سەرۆکایەتی زانکۆی پۆلیتەکنیکی هەولێر بەڕێوەدەچێت ، دەتوانێت بە زووترین کات سەردانی هۆبەی ڕاگەیاندن و چالاکییەکان لە راگرایەتی بکات بە مەبەستی ناونوسین.

رۆژی پێنج شەممە رێکەوتی 19ـی کانونی دووەمی 2023 بە ئامادەبوونی بریکاری وەزارەتی خوێندنی باڵا و توێژینەوەی زانستی د. عبدالفتاح عبدالرزاق، سەرۆکی زانکۆی پۆلیتەکنیکی هەولێر پ.د. ئیدریس محمد تاهیر هەرکی بڕوانامە و مەدالیای رێزلێنانی بەخشییە هەڵگرانی نازناوی زانستی پرۆفیسۆر و پرۆفیسۆرە یاریدەدەری سەر بە میلاکی کۆلێژ و پەیمانگە تەکنیکییەکانی زانکۆمان.

لە مەراسیمەکەدا هەریەک لە راوێژکاری وەزیری خوێندنی باڵاو توێژینەوەی زانستی د. ئەمیر چالی، راوێژکاری وەزیری ئەوقاف و کاروباری ئاینی د.دیار جەباری، بەرپرسی لێژنەی ناوچەی ئاسۆ کاک لاوەند دزەیی، بەرپرسی ناوچەی ئایندە کاک ئەمین لاجانی، ژمارەیەک لە راگری کۆلێژ و پەیمانگەتەکنیکییەکان و مامۆستایانی زانکۆ ئامادەبوون.

لەسەرەتای مەراسیمەکەدا سەرۆکی زانکۆ پ.د. ئیدریس هەرکی وتەیەکی پێشکەش کرد و تیایدا بەخێرهاتنی میوانان و مامۆستایان و ئامادەبووانی کرد، هەروەها پیرۆزبایی لە هەڵگرانی نازناوی زانستی پرۆفیسۆر و پرۆفیسۆرە یاریدەدەرەکان کرد بەبۆنەی بەرزکردنەوەی پلەی زانستییان و وتی: “بەرێزان ئەو رێزلێنانە تەنها بریتی نیە لە مەدالیایەک یاخود بڕوانامەیەک بەڵکو رێزلێنانە لە شەونخونی بەرێزتان و لەو توێژینەوانەی بڵاوتان کردووەتەوە، رێزلێنانە لەو هەموو خزمەتەی زانکۆیی کە کردووتانە کە بەهۆیەوە گەیشتوون بەم رۆژە و بەخۆشحاڵییەوە زێزتان لێدەنرێت.

لە بەشێکی دیکەی وتەکەیدا سەرۆکی زانکۆ وتی: دەمانەوێت لە زانکۆی پۆلیتەکنیکی هەولێر زیاتر پەرە بە پلەی زانستی بدەین و ژمارەی پرۆفیسۆر و پرۆفیسۆری یاریدەدەر بگاتە ئاستێکی دڵخۆشکەر، ئەوەی ئێستا هەیە هەم لە ژمارەی مامۆستا و هەم لە ژمارەی ئەو بەرێزانەی کە پلەی زانستییان پرۆفیسۆر و پرۆفیسۆری یاریدەدەرە لەچاو ناوی گەورەی زانکۆی پۆلیتەکنیکی هەولێر لە ئاستی پێویستدا نیە، بۆیە ئێمە هیوادارین کە بەرێزتان هەوڵبدەن توێژینەوەی زیاتر ئەنجامبدەن، ئەوانەی نەگەیشتوونەتە ئاستی پلەکەی ئێوە بەتایبەتی مامۆستا و مامۆستای یاریدەدر دەستیان بگرن و هانیان بدەن بۆ ئەوەی ئەوانیش بتوانن ئەو پلە زانستییە بەدەست بهێنن.

لەکۆتاییدا دووبارە پیرۆزباییتان لێدەکەم و بەڵێنتان پێدەدەم کە ئێمە بەردەوام دەبین لەسەر هاندان و پشتگیری کردنتان بۆ ئەوەی زانکۆی پۆلیتەکنیکی هەولێریش وەک زانکۆکانی دیکەی عێراق و کوردستان بگاتە ئاستێکی زۆر بەرزتر”.
پاشان دەستکرا بە دابەشکردنی خەڵاتەکان لە لایەن سەرۆکی زانکۆ و میوانان و راگری کۆلێژ و پەیمانگە تەکنیکییەکانەوە.