Yearly Archives: 2023

ڕۆژی چوار شەممە رێکەوتی ٢٠٢٣/٣/٢٩ قوتابیانی پەیمانگای کۆمپیوتەری داتای ناحکومی بەسەرپەرشتی (م. بدرخان زوبێر ) سەردانی کۆلێژی تەکنیکی سۆرانیان کرد ،
سەرەتا لەلایەن ڕاگری کۆلێژ (م.پاکستان محمدامین یوسف ) و ستافی ڕاگرایەتی بەگەرمی پێشوازیان لێکرا ،
دواتر قوتابیان ئاشناکران بە سەرجەم بەش و تاقیگە و کتێبخانە و هۆبەکانی کارگێری ، ئامانجی سەردانەکەیان شارەزابوونی قوتابیان بوو لە چۆنیەتی خوێندن و وەرگرتنی وانەکان بەشێوەی پڕاکتیکی ، دواتریش شاندی پەیمانگەی ناوبراو سوپاس و پێزانینی خۆیان دووپاتکردەوە بۆ کۆلێژەکەمان.

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و عەبدولسەلام مەدەنی، بەڕێوەبەری گشتی دەزگای ڕوانگە جەختيان لە پێویستی هەماهەنگی نێوان زانکۆی پۆلیتەکنیکی هەولێر و دەزگای ڕوانگە و ئەنجامدانی کاری هاوبەش کردەوە.

رۆژی پێنجشەممە 6ـی نیسانی 2023، پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و عەبدولسەلام مەدەنی، بەڕێوەبەری گشتی دەزگای ڕوانگە کۆبوونەوە.

لە دیدارەکەدا کە  پ.ی.د.نەجیب تۆما، یاریدەدەری سەرۆکی زانکۆ بۆ کاروباری زانستی و خوێندنی باڵا و پ.ی.د.رەنج سیروان، بەڕێوەبەری پەیوەندییە نێودەوڵەتییەکان و سەرمەند بەرزنجی، بەڕێوەبەری کارگێڕی زانکۆ و گۆڤار حارس، به‌ڕێوه‌به‌ری ڕاگه‌یاندن و میدیای ده‌زگای ڕوانگه‌ ئامادەی بوون، پ.د.ئیدریس محەمەد تاهیر هەرکی خۆشحاڵی خۆی نیشاندا بە دیدارەکە و باسی لە پێکهاتەی زانکۆی پۆلیتەکنیکی هەولێری کرد کە جگە لە سەنتەری شاری هەولێر کۆلێژ و پەیمانگای لە قەزاکانی دەرەوەی شاری هەولێر هەیە هەروەها چەندین بوار و بەشی جیاجیا لەخۆدەگرێت، ئەمەش دەرفەتی پێکەوە کارکردن و هەماهەنگیی نێوان هەردوولا زیاتر دەکات.

لای خۆیەوە،  عەبدولسەلام مەدەنی، بەڕێوەبەری گشتی دەزگای ڕوانگە سوپاسی سەرۆکی زانکۆی پۆلیتەکنیکی هەولێر و شاندي یاوەری کرد بۆ سەردانەکەیان و ئامادەیی دەزگاکەی بۆ هەماهەنگیی و کاری پێکەوەیی نیشاندا.

ئەنجامدانی ئەو پرۆژانەی کە دەبنە هۆی رەخساندنی هەلی کاری زیاتر بۆ گەنجان بە گشتیی و دەرچووانی زانکۆمان بە تایبەتی تەوەرێکی دیکەی دیدارەکە بوو، بۆ ئەمەش هەردوولا هاوڕان بوون کە لە داهاتوودا دیدار و کۆبوونەوەی زیاتر ئەنجام بدەن و بەرنامەیەکی گشتگیر بۆ ئەم بابەتە دابنێن.

لە چوارچێوەی ستراتیژیەتی بەنێودەوڵەتی کردنی زانکۆی پۆلیتەکنیکی هەولێر بەرێوبەرایەتی پەیوەندییە نێودەوڵەتییەکانی بۆ جاری دووەم زانکۆی پۆلیتەکنیکی هەولێر بە هەماهەنگی لەگەڵ زانکۆی (LODZ)ـی پۆڵەندی دەرفەتی ئەنجامدانی خولی هاوینە دەدات بە 35 قوتابی لە کۆلێژی تەکنیکی کارگێڕی و ئەندازیاری هەولێر، پێکهاتووە لە چەند پرۆگرامێکی جیاواز لە 26/6/2023 دەست پێدەکات تا  7/7/2023 بەردەوام دەبێت.

بۆ ئەو مەبەستە هەر قوتابییەک ئارەزووی بەشدارکردنی لەم پرۆگرامە هەیە و مەرجەکان دەیگرێتەوە، پێویستە سەردانی ئەو لینکەی خوارەوە بکات و فۆرمی بەشداریکردن پربکاتەوە.

تێبینی: خەرجی مانەوە و خواردن و هاتووچۆی ناو پۆڵەندا لەسەر زانکۆی ناوبراو دەبێت، بەڵام خەرجی ڤیزا و بلیت و فڕۆکە لەسەر قوتابییە.

قوتابی یەکێک لە کۆلێژەکانی تەکنیکی کارگێڕی، ئەندازیاری هەولێر بێت

دەبێت قوتابی قۆناغی دووەم یان سێیەمی کۆلێژەکانی ناوبراو بێت

مەرجە قوتابی زمانی ئینگلیزی بەباشی بزانێت.

دوا کات بۆ خۆتۆمارکردن بەمەبەستی بەشداری کردن 10/4/2023 ـە.

لێـــــــــــــــــــــــــرە کلیک بکە بۆ خۆتۆمارکردن.