رۆژی چوارشەممە 30ـی ئابی 2023، بە ئامادەبوونی سەرۆک و گشت ئەندامانی ئەنجومەنی زانکۆی پۆلیتەکنیکی هەولێر یەکەمین کۆبوونەوەی ئەنجومەنەکە بۆ ساڵی نوێی خوێندنی 2023-2024 بەڕێوەچوو.

لە سەرەتای کۆبوونەوەکەدا پ.د. ئیدریس محەمەد تاهیر هەرکی سەرۆکی ئەنجومەنی زانکۆی پۆلیتەکنیکی هەولێر، پیرۆزبایی ساڵی نوێی خوێندنی لە ئەندامانی ئەنجومەن کرد و هیوای خواست ساڵی نوێی خوێندن پڕبێت لە دەستکەوت و پێشکەوتن بۆ گشت مامۆستایان و فەرمانبەران و قوتابییانی زانکۆمان.

دواتر دەستکرا بە گفتوگۆکردنی تەوەرەکانی کۆبوونەوەکە و چەند پێشنیار و راسپاردەیەک خرایە بەرباس و بڕیاریان لەبارەوە درا.

بڕیار و راسپاردەکان:

• پەسەندکردنی ساڵنامەی خوێندن بۆ ساڵی 2023-2024.
• رۆژی 2ـی ئەیلولی 2023، یەکەمین رۆژی دەسپیێکی دەوامی مامۆستایانە لە زانکۆی پۆلیتەکنیکی هەولێر.
• رۆژی 16ـی ئەیلولی 2023، یەکەمین رۆژی دەستپێکی دەوامی قوتابیانی قۆناغەکانی (2،3،4)ـە لە هەردوو دەوامی بەیانیان و ئێواران.
• بڕیار درا لە مانگی 10ـی 2023، ئاهەنگی دەرچووانی زانکۆی پۆلیتەکنیکی هەولێر بەڕێوەبچیت. و رۆژێک پاش ئاهەنگی دەرچووان پێشانگایەکی تایبەت بە هەلیکار لەگەڵ کۆمپانیاکانی کەرتی تایبەت رێکدەخرێت بۆ دۆزینەوەی دەرفەتی کارکردن بۆ قوتابییان.
• بەبێ گۆڕانکاری پلانی وەرگرتنی قوتابییان لە کۆلێژ و پەیمانگە تەکنیکییەکان پەسەند کرا، وەک ئەوەی پێشتر بۆ وەزارەتی خوێندنی باڵا و توێژینەوەی زانستی نێردراوە، ئەمەش بەهۆی کەمی پێداویستییەکانی خوێندن لە هۆڵ و تاقیگەکان.

پەیمانگای تەکنیکی پزیشکی هەولێر
لە زیادکردنی ئاشکرادا هەردوو شوێنی ( کافتریا و کۆشک)ی پەیمانگە بە کرێ دەدات
بۆیە هەرکەسێک ئارەزووی بە کرێ گرتنی ئەم دوو شوێنەی هەیە، با سەردانی هۆبەی دارایی پەیمانگەکەمان بکات بە مەبەستی وەرگرتنی مەرجەکانی بەشداری کردن
زیاد کردنەکە لە ڕێکەوتی ٢٦/٩/٢٠٢٣ بە شێوەیەکی ئاشکرا ئەنجام دەدرێت

                      هۆیەی ڕاگەیاندن و چاڵاکییەکانی   
                   پەیمانگای تەکنیکی پزیشکی هەولێر 
                           

سەرۆکی زانکۆی پۆلیتەکنیکی هەولێر، پ.د.ئیدریس محەمەدتاهیر هەرکی بەمەبەستی لە نزیکەوە ئاگاداربوون لە چۆنییەتی بەڕێوەچوونی پڕۆژەکانی ژێرخانی کۆلیژی تەکنیکی شەقڵاوە، سەردانی کۆلیژەکەی کرد و لەلایەن پ.ی.عبدالخالق نادر، راگری کۆلیژی تەکنیکی شەقڵاوە و یاریدەدەری راگر و ژمارەیەک لە مامۆستایان و فەرمانبەرانەوە پێشوازیی لێکرا.

پ.د.ئیدریس محەمەدتاهیر هەرکی لەو سەردانەیدا پڕۆژەکانی ژێرخانی کۆلیژی تەکنیکی شەقڵاوەی بەسەرکردەوە کە لەلایەن زانکۆمانەوە لە بواری جێبەجێکردندان و دەستخۆشی لە سەرپەرشتیارانی کرد، هاوکات لە ئامادەکارییەکانی پێشوازیی لە ساڵی نوێی خوێندنی لە کۆلیژەکە پرسییەوە. 

پاشان ئامادەبوونی هەریەک لە رزگار ئەنوەر، بەرپرسی لقی ٢٤ی سەفینی پارتی دیموکراتی کوردستان و کاروان کەریم خان، قایمقامی شەقڵاوە و پ.ی.د.نەجیب توما بتۆ، یاریدەدەری سەرۆکی زانکۆی پۆلیتەکنیکی هەولێر بۆ کاروباری زانستی و خوێندنی باڵا و مامۆستا ئینزار بەهجەت بەڕێوبەری ئەندازە و پڕۆژەکانی سەرۆکایەتی زانکۆ و ژمارەیەک لە بەرپرسانی دیکە، تاقیگەی کۆمپیوتەر لە کۆلیژی تەکنیکی شەقڵاوە کرایەوە کە بە شێوازێکی مودێرن دروستکراوە و بۆ ئەمساڵی خوێندنی دەخرێتە خزمەتی قوتابیانەوە. هاوکات بەبۆنەی رۆژی کۆلیژی تەکنیکی شەقڵاوە، پەردە لەسەر مۆدێلی کۆلێژەکە لادرا کە بە شێوازێکی سەردەمیانە بەشێوەی سێ رەهەندی لەلایەن قوتابیانی کۆلیژەکەوە دروستکراوە وەک ناوەندێکی ئەکادیمی و زانستی پێشکەوتوو لە دەڤەرەکەدا.

ئەمرۆ یەکشەمە 27ـی ئابی 2023، زانکۆی پۆلیتەکنیکی هەولێر لیستی ناوی پاڵێوراوان و وەرنەگیراوان بەشێوەی سیستەمی پۆلیتەکنیكی راگەیاند.

هەر بەڕێزێک تانەی لە دەرئەنجامەکان هەیە دەتوانێت تا رۆژی  چوارشەمە رێکەوتی 30ـی ئابی 2023 سەردانی زانکۆی پۆلیتەکنیکی هەولێر/ بەڕێوەبەرایەتی تۆماری گشتی بکات بۆ پێشکەش کردنی تانەکانی.

تێبینیەکی گرنگ:

بۆ بینینی ئەنجامەکان تکایە ئەم لینکانەی خوارەوە کۆپی بکە و لە گۆگڵ پەیستی بکە بۆ داونلۆدکردنی لیستی ناوەکان:

https://epu.edu.iq/wp-content/uploads/2023/08/ناوی-وەرنەگیراوان-پەیمانگە-دوو-سالە-تایبەتەكان.pdf

https://epu.edu.iq/wp-content/uploads/2023/08/ناوی-پالیوراوانی-پەیمانگە-دوو-سالە-تایبەتەكان.pdf

https://epu.edu.iq/wp-content/uploads/2023/08/لیستی-ناوی-وەرنەگیراواني-زانكۆی-پۆلیتەكنیكی-هەولیر-پەیمانگە-تەكنیكیەكان.pdf

https://epu.edu.iq/wp-content/uploads/2023/08/لیستی-ناوی-وەرنەگیراوان-بۆ-زانكۆی-پۆلیتەكنیكی-سلیمانی-pdf.pdf

https://epu.edu.iq/wp-content/uploads/2023/08/لیستی-ناوی-وەرنەگیراوان-بۆ-زانكۆی-پۆلیتەكنیكی-دهۆك-pdf.pdf

https://epu.edu.iq/wp-content/uploads/2023/08/لیستی-ناوی-پالیوراوانی-زانكۆی-پۆلیتەكنیكی-هەولیر-وەرگرتنیان-لە-زانكۆی-پۆلیتەكنیكی-دهۆك.pdf

https://epu.edu.iq/wp-content/uploads/2023/08/لیستی-ناوی-پالیوراوانی-زانكۆی-پۆلیتەكنیكی-هەولیر-و-وەرگرتنیان-لە-زانكۆی-پۆلیتەكنیكی-سلیمانی.pdf

https://epu.edu.iq/wp-content/uploads/2023/08/لیستی-ناوی-پالیوراوانی-زانكۆی-پۆلیتەكنیكی-هەولیر-بۆ-سالی-2023-2024.pdf