Yearly Archives: 2022

رۆژی چوارشەممە رێکەوتی 8ـی حوزەیرانی 2022 بەرێوبەرایەتی تەندروستی و سەلامەتی زانکۆ بە هەماهەنگی لەگەڵ بەرێوبەرایەتی کاروباری پاراستنی تەندروستی هەولێر و بنکەی تەندروستی زانکۆ وۆرکشۆپێکی تایبەت بە پەتای خوێنبەربوون رێکخست.

وۆرکشۆپەکە لە هۆڵی بۆنەکانی سەرۆکایەتی زانکۆدەستی بەکارەکانی کرد بە ئامادەبوونی د. جودت جعفر خطاب یاریدەدەری سەرۆکی زانکۆ و ژمارەیەک لە مامۆستا و بەرێوبەرانی سەرۆکایەتی زانکۆ و بەرپرسی هۆبەی تەندروستی و سەلامەتی لە زۆربەی کۆلێژ و پەیمانگەکانی سەر بە زانکۆ.

دوای وتاری بەخێرهاتن هەریەکە لە بەرێزان د. سیف الدین محی الدین بەرپرسی هۆبەی نەخۆشییە گوازراوەکان و د. شوان کانی بەرپرسی هۆبەی نەخۆشییە هاوبەشەکان لە بەرێوبەرایەتی کاروباری پاراستنی تەندروستی هەولێر، بە وردی هۆکارەکانی بڵاو بوونەوە و تووشبوون بە پەتای خوێنبەربوون، نیشانەکانی، چارەسەر و رێژەی مردن بۆ ئامادەبووان روونکرایەوە، شیاوی باسە وۆرکشۆپەکە بۆ ماوەی پێنج رۆژ بەردەوام دەبێت.

رۆژی دووشەممە رێکەوتی 6ـی حوزەیرانی 2022 لە هۆڵی ئەنجومەنی زانکۆ، سەرۆکی زانکۆ پ.ی.د. ئیدریس محمدطاهر هەرکی لەگەڵ سەرۆک و ئەندامانی هەردوو لێژنەی گۆڤاری زانستی و گۆڤاری زانستە مرۆڤایەتییەکانی زانکۆی پۆلیتەکنیکی هەولێر کۆبوویەوە.

کۆبوونەوەکە بە ئامادەبوونی سەرجەم ئەندامانی لێژنەکان بەرێوەچوو و تیایدا سەرۆکی زانکۆ رونکردنەوەی پێویستی پێدرا دەربارەی چۆنیەتی بەڕێوەچوونی کارەکانی هەردوو گۆڤار و چەند داواکاری و پێشنیار خرایە بەردەستی سەرۆکی زانکۆ بۆ باشترکردنی کارەکان.

لەلای خۆشیەوە سەرۆکی زانکۆ چەند سەرنج و تێبینییەکی خستەڕوو و لێژنەکانی راسپارد کەلە داهاتوودا کار بکەن بۆ بەنێودەوڵەتی کردنی گۆڤارەکان هەروەها راییکردنی کارەکان بە شێوەیەک بێت کە لە بەرژەوەندی توێژەر بێت.

رۆژی دووشەممە رێکەوتی 6ـی حوزەیرانی 2022 بە ئامادەبوونی یاریدەدەری سەرۆکی زانکۆ بۆکاروباری کارگێری و دارایی پ.ی.د. جودت جعفر خطاب و ژمارەیەک لە راگر، بەڕێوبەر، مامۆستایانی و قوتابییان، بەرێوەبەرایەتى پەیوەندیە نێودەوڵەتیەکانی زانکۆی پۆلیتەکنیکی هەولێر هەڵسا بە رێکخستنى سیمینارێک بۆ (پ.ی.د. سەوسەن رفیق حمە) مامۆستا لە زانکۆى ئایسلەند لە ووڵاتى ئایسلەندا، بە ناونیشانى (قوتابى سەرکەوتووى پەنابەر لە قوتابخانە دواناوەندییەکان لە ووڵاتى ئایسلاند: ئەزموون و پێشبینیان و بەراوردێک لەگەڵ سیستەمى خوێندن لە کوردستان).

سیمنارەکە بۆ ماوەی کاتژمێرێک بەردەوام بوو تیایدا د. سەوسەن بە داتای ورد باسی لە سیستەمی پەروەردە و هەنگاوەکانی بۆ سەرکەوتنی قوتابییانی پەنابەر لە وڵاتی ئایسلاند روونکردەوە، هەروەها بە پێی ئەزموونی مامۆستاکەی زانکۆی ئایسلاند بەراوردێکی لە نێوان سیستەمی خوێندن لە کوردستان و وڵاتی ئایسلاند کرد و تیشکی خستە سەر لایەنە ئەرێنی و نەرێنییەکانی هەردوو سیستەم.

پاشان دەرگای گفتوگۆ بۆ ئامادەبووان کرایەوە و پرسیارەکانیان ئاراستە کرد و لە لایەن د. سەوسەنەوە وەڵامدرانەوە، دواتر بروانامەی رێزلێنان لە لایەن یاریدەدەری سەرۆکی زانکۆ بۆ کاروباری کارگێری و دارایییەوە بەخشرایە پ.ی.د. سەوسەن رەفیق حەمە

سیمینارەکە لە چوارچێوەى ستراتیژى بەنێودەوڵەتکردنى زانکۆکەمان و دروستکردنى پەیوەندى ئەکادیمى و زانستى لەگەڵ زانکۆکانى دەرەوەدا پێشکەشکرا.

رۆژی دووشەممە رێکەوتی 6ـی حوزەیرانی 2022 سەرۆکی زانکۆ پ.ی.د. ئیدریس محمدطاهر هەرکی پێشوازی لە سه‌رۆكی زانكۆی سه‌لاحه‌ددین پ.ی.د.كامه‌ران یونس محه‌مه‌دئه‌مین، یاریده‌ده‌رانی سه‌رۆكی زانكۆ و ڕاگری كۆلێژه‌كان کرد، کەبەمەبەستی پیرۆزبایی سەردانی سەرۆکایەتی زانکۆیان کردبوو.

لە سه‌ره‌تای دانیشتنه‌كه‌دا سه‌رۆكی زانكۆی سه‌لاحه‌ددین، خۆشحاڵی خۆی و ئه‌ندامانی ئه‌نجومه‌نی زانكۆکەیانی دەربڕی بەبۆنەی ده‌ستبه‌كاربوونی د. ئیدریس هەرکی وەک سه‌رۆكی زانكۆی پۆلیته‌كنیكی هەولێر  و ئاماژه‌ی به‌وه‌كرد به‌هه‌موو شێوه‌یه‌ك پاڵپشتی و پشتگیری له‌ كاروباره‌كانی ده‌كه‌ین و به‌هه‌موو شێوه‌یه‌ك هاوكار و هه‌ماهه‌نگ ده‌بین بۆ سه‌ركه‌وتنی بەڕێزیان له‌م ئه‌رك و به‌رپرسیاریه‌تییه‌.

دواتر سه‌رۆكی زانكۆ پ.ی.د.ئیدریس هه‌ركی، بەخێرهاتنی شاندی میوانی کرد و هەروەها سوپاسی سه‌رۆك و ئه‌ندامانی ئه‌نجوومه‌نی زانكۆی سه‌لاحه‌ددینی كرد، و ئاماژەی بەوەکرد كه‌ هه‌ردوو زانكۆ پێویسته‌ هه‌ماهه‌نگ و هاوكاربین بۆ ئه‌وه‌ی پێكه‌وه‌ بتوانین نه‌وه‌یه‌كی ڕۆشنبیر و بیرفراوان بۆ كۆمه‌ڵگه‌ پێبگه‌یه‌نین بۆ خزمەت کردنی کوردستان.