Yearly Archives: 2020

رۆژی سێ شەممە رێککەوتی ١٤ـی کانونی دووەمی ۲۰۲۰ سەرۆکی زانکۆی پۆلیتەکنیکی هەولێر پ.ی.د کاوە عبدالکریم شێروانی بە یاوەری یاریدەدەری سەرۆکی زانکۆ بۆ کاروباری کارگێڕی و دارایی پ.ی.د. جودت جعفر خطاب سەردانی پەیمانگەی تەکنیکی پزیشکی هەولێری کرد.

مەبەستی سەردانەکە لە نزیکەوە ئاگاداربوون بوو لە چۆنیەتی بەڕێوەچوونی کارەکانی پەیمانگەی ناوبراو، هەر لەمیانی سەردانەکەیدا سەرۆکی زانکۆ کۆبوونەوەیەکی لەگەڵ مامۆستایان و فەرمانبەران ئەنجام دا و پیرۆزبایی ئەو سەرکەوتنە بەرچاوەی لە ئامادەبووان کرد، کە زانکۆمان بەدەستی هێنا لە رێزبەندی نیشتمانی زانکۆکانی کوردستان و دواتر هانی مامۆستایانی دا کە لە پرۆسەی دڵنیایی جۆری بە شێوەیەکی رێک و پێک کارەکانیان بەرەو پێش ببەن، هەر لە کۆبوونەوەکە دا لە کێشە و گیروگرفتەکانیانی کۆڵیەوە بەمەبەستی چارەسەرکردن و بەرەو پێش بردنی کاروبارەکانی پەیمانگە.

شیاوی باسە ئەم جۆرە سەردانانە بەردەوامییان دەبێت بۆ گشت کۆلێژ و پەیمانگەکانی سەر بە زانکۆمان.

رۆژی سێ شەممە رێککەوتی ١٤ـی کانونی دووەمی ٢٠٢٠ سەرۆکی زانکۆ پ.ی.د. کاوە عبدالکریم شێروانی لە رێوڕەسمێکدا بە ئامادەبوونی ژمارەیەک لە ئەندامانی ئەنجومەنی زانکۆ و بەرێوبەرانی سەرۆکایەتی زانکۆ بڕوانامەی رێزلێنانی بەخشیە بەشداربووان و سەرپەرشتیارانی پرۆگرامی نێودەوڵەتی “جی ئێس ئێس سی”

بۆ یه‌كه‌م جار له‌ عێراق پرۆگرامی نێوده‌وڵه‌تی

Global Solutions Sustainability Challenge

به‌رێوه‌چوو به‌ به‌شداری ٣ زانكۆی عێراقی و كوردستانی، کە زانكۆی پۆلیته‌كنیكی هه‌ولێر یه‌كێك بوو له‌و زانكۆیانه‌ و به‌ ٣ تیم به‌شداربوو شانبه‌شانی ٨ زانكۆ و كۆلێژی ئه‌مریكی و ٣ زانكۆی ئوردنی.

بەشداربووانی ئه‌م پرۆگرامه‌ ده‌رفه‌تی ئه‌وه‌یان بۆ ره‌خسا كه‌وا تواناكانی په‌یوه‌ندیكردنیان به‌ره‌وپێش به‌رن له‌گه‌ل كه‌سانێك له‌ كه‌لتووری جیاواز، به‌رز بونه‌وه‌ی تواناكانیان له‌ بواری بینینه‌وه‌ی چاره‌سه‌ری به‌رده‌وام بۆ كێشه‌ی كار و بازرگانی، به‌هێزكردنی تواناكانی چاره‌سه‌ر كردنی كێشه‌كان، وه‌هه‌روه‌ها شاره‌زا بوون له‌ كار و هه‌مانهه‌نگی كردن به‌شێوه‌ی ئۆنلاین.

شیاوی باسە هەڵبژاردنی قوتابیان بۆ بەشداربوون لە پرۆگرامەکە لەرێگەی پۆلێن کردن و هەڵسەنگاندنیانەوە بوو لە لایەن لێژنەیەکی تایبەتمەند لە بەرێوبەرایەتی پەیوەندییە نێودەوڵەتیەکانی سەرۆکایەتی زانکۆ ، وە هەریەکە لە مامۆستیان د. عبداللە عمر یاسین، د. سەلار عثمان علی و م. زانیار جبار رشید راهێنه‌ر و سه‌رپه‌رشتیار بوون پرۆگرامەکە .

ئەمرۆ یەکشەممە رێککەوتی 12ـی کانونی دووەمی 2020 سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی فەرمانی ئاڵوگۆڕکردنی پۆستەکانی یاریدەدەری سەرۆکی زانکۆ بۆ کاروباری قوتابیان و راگرانی هەرسێ کۆلێژی تەکنیکی ئەندازیاری، کارگێری و تەندروستی هەولێر دەرکرد.

بەپێی فەرمانی زانکۆیی ژمارە 13/25ن لە 9/1/2020 وەنووسراوی وەزارەتی خوێندنی باڵا ژمارە 3 لە 7/1/2020 ئەمرۆ فەرمانی لێبوردن و راسپاردن بۆ هەریەک لەپۆستەکان بەم شێوەیەی خوارەوە دەرچوو:

لێبوردنی پ.ی.د. کاوە عبدالکریم شێروانی لە ئەرکی یاریدەدەری سەرۆکی زانکۆ بۆ کاروباری قوتابیان و راسپاردنی پ.ی.د. یوسف مصطفى رسول بە هەمان ئەرک بە وەکالەت.

لێبوردنی پ.ی.د. .جودت جعفر خطاب لە ئەرکی راگری کۆلێژی تەکنیکی کارگێری هەولێر و راسپاردنی پ.ی.د. ئازاد احمد محمود بە هەمان ئەرک بە وەکالەت.

لێبوردنی پ.ی.مامۆستا اومێد ارشد عبدالوهاب لە ئەرکی راگری کۆلێژی تەکنیکی تەندروستی هەولێر و راسپاردنی پ.ی.د. هۆشیار امین احمد بە هەمان ئەرک بە وەکالەت.

لێبوردنی مامۆستا زانا کنعان شاکر لە ئەرکی راگری کۆلێژی تەکنیکی ئەندازیاری هەولێر و راسپاردنی پ.ی.د. ایاد زکی صابر بە هەمان ئەرک بە وەکالەت.

دواتر لە رێورەسمێکدا نووسراوی سوپاس و پێزانین لە لایەن سەرۆکی زانکۆوە بەخشرایە راگرەکانی پێشوو لە بەرامبەر ئەو خزمەتانەی لە ماوەی رابردوودا لەو پۆستانەدا پێشکەشیان کردووە.

ئه‌مڕۆ پێنجشەممە ڕێكه‌وتی 9ـی کانونوی دووەمی 2019 له‌ شاری هه‌ولێر له‌ مه‌راسیمێكدا ، ریزبەندی نیشتمانی زانکۆ حکومی و تایبەتیەکانی هەرێمی کوردستان راگەیەندرا و تیایدا زانکۆی پۆلیتەکنیکی هەولێر سەرکەوتنێکی گەورەی تۆمارکرد و لە گروپی (دی) هاتووەتە گرووپی (سی) لەم گرووپەش سێیەمە، ئەوەش بەپێی بنەماکانی وەزارەتی خوێندنی باڵا بۆ ریزبەندی زانکۆکان کە بنەمای ئاست بەرز و ئەكادیمین بۆ دیاریكردنی ئاستی زانكۆكان لە هەرێمی كوردستان.

مەراسیمەکە، به‌چاودێری و ئامادەبوونى د. ئارام محمد قاد وەزیرى خوێندنی باڵا و توێژینەوەی زانستی و، ژمارەیەک لە وەزیرانى حکومەتى هەرێمى کوردستان و ڕاوێژكار و سه‌رۆكی زانكۆ حكومی و تایبه‌ته‌كان، به‌دروشمی (ڕیزبەندی نیشتیمانی شاڕێی کرانەوە و متمانە و دڵنیایی) بۆ (جاری چوارەم)، ئەنجامی ڕیزبەندی نیشتیمانی زانکۆکانی کوردستان بۆ ساڵی (٢٠١٩) ڕاگەیەنرا.

زانکۆی پۆلیتەکنیکی هەولێر سەرکەوتنێکی گەورەی تۆمار کرد و گروپێک لە ریزبەندیەکەی بڕیووە و هاتووەتە پێشەوەی گروپی (سی) لەکاتێکدا ساڵی رابردوو لە دواوەی گروپی (دی) بوو، بەمەش لانی کەم ٥ بۆ ٦ پلە هاتۆۆتە پێشتر و پێش ژمارەیەک لە زانکۆ حکومیەکان کەوتووە.

ساڵ بەساڵ زانكۆی پۆلیتەكنیكی هەولێر لەسەر ئاستی ناوخۆ و دەرەوەدا پێشدەكەوێت، سەبارەت بەم پێشوەچوونە سەرۆكی زانكۆ پرۆفیسۆری یاریدەدەر دکتۆر کاوە شێروانی رایگەیاند: ”ئێمە لە زانكۆی پۆلیتەكنیكی هەولێر بە هەموو توانامانەوە بە یەك تیم كار بۆپێشخستنی زانكۆ دەكەین بە ئامانجی پێگەیاندنی كادری بەتوانا لەگشت ئەو پسپۆریانەی لە زانكۆماندا هەن”.

هەر لەوبارەیەوە سەرۆکی زانکۆ وتی: ” پیرۆزبایی لە خۆم و تەواوی ستافی زانكۆ و قوتابیان دەكەم، ئەم ئەنجامە بە هەوڵ و ماندووبوونی تەواوی مامۆستا و فەرمانبەران هاتۆتەدی و دەست خۆشییان لێدەكەم، جێگای دڵخۆشییە گەیستووین بەم ئاستە و هیوادارین بۆ ساڵانی داهاتوو بتوانین زیاتر بەرەوپێش بچین و بەهەوڵی هەموومان زانکۆمان بگەیەنینە لوتکە”.

زانکۆی پۆلیتەکنیکی هەولێر لەرووی توێژینەوەی زانستی و ئاستی پەیوەندیەکانی نێوان قوتابیان/خوێندکاران لەگەڵ مامۆستایان و دەستگەیشتن بە سەرچاوە زانستیەکان و پەیوەندییەکانی زانکۆ و کتێبخانە و چالاکیە کولتوری و زانستی وهونەریەکان لایەنی زانستی لەپێشەوەی زانکۆکانی تری هاوشانی خۆیەتی و ئەوەش سەرکەوتنێکی گەورەیە بۆ زانکۆ و ستافەکەی.

نوێترین ریزبەندی نیشتمانی زانکۆکانی کوردستان