ئاماژە بە کۆبوونەوەی ئەنجوومەنی زانکۆ ژمارە 12 کە لە ڕۆژی پێنجشەممە ڕێکەوتی 2020/4/23 بەشێوەی ئۆنلاین ئەنجامدرا، هەروەها ئاماژە بە کۆنووسی کۆبوونەوەکانی ئەنجوومەنی وەزیران و ئەنجوومەنی وەزارەتی خوێندنی باڵا و توێژینەوەی زانستی، بە مەبەستی بەفیڕۆنەچوونی ساڵێکی خوێندنی قوتابیان و خوێندکاران، کە داوا لە زانکۆکان کرابوو خوێندنی ئەلیکترۆنی دەست پێ بکەن. ئەنجوومەنی زانکۆ ئەم بڕیارانەی خوارەوەی دا:
1. خوێندنی ئەلیکترۆنی لە 4/26 بەشێوەی تێست لە زانکۆی پۆلیتەکنیکی هەولێر دەستپێدەکات و لە 5/2 بەشێوەیەکی فەرمی دەستپێدەکات.
2. ئەپلیکەیشینی موودل بۆ خوێندنی ئەلیکترۆنی بەکاردێت و لە کاتی پێویستیش بۆ کۆبوونەوە و خوێندنی ڕووبەڕوو پێگەی زووم بەکاردێت.
3. خشتەی وانەکان و ساڵنامەی خوێندن و شێوازی ئەنجامدانی وانە پراکتیکیەکان لە هەموو بەشەکان هەیە و پێویستە هەمووان پابەندی بن.
4. هەموو سەرۆک بەش و مامۆستایان پێویستە پابەند بن بە ئەنجامدانی کارەکانی خۆیان. شایستە داراییەکانیش بە هەمان شێوەی خوێندنی ئاسایی خەرچ دەکرێت.
5. هەموو قوتابیان پێویستە بەشداری لەم جۆرە خوێندنە بکەن و هەموو ئەو ئەرکانەی پێیان دەسپێردرێت جێبەجێ بکەن.
6. شێوازی تاقیکردنەوەکانی کۆتایی پاشان لە ئەنجوومەنی وەزارەت دیاریی دەکرێت.
پرۆفیسۆری یاریدەدەر
د. کاوە شێروانی
سەرۆکی ئەنجوومەنی زانکۆ
23/4/2020
