بە پاڵپشتی و سەپەرشتی راستەوخۆی سەرۆکی زانکۆ و دوای هەوڵ و ماندووبوونێکی زۆری لێژنەی چالاکییەزانستییەکانی زانکۆی پولیتەکنیکی هەولێر، لەگەڵ دەزگای سکۆپاس، بە شێوەیەکی فەرمی ناو و ئەدرەسی زانکۆمان لە داتابەیسی بەناوبانگی سکۆپاس تۆمار کرا بەم شێوەیەی خوارەوە:
Erbil Polytechnic University
Kirkuk Road, Hadi Chawshli Street, Erbil
Erbil, Iraq
Affiliation ID: 60116094
رۆژی چوار شەممە رێکەوتی 10/4/2019 بە ئامادەبوونی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی،یاریدەدەری سەرۆکی زانکۆ پ.ی.د جودت جعفر خطاب ، راگری کۆلێژی تەکنیکی تەندروستی هەولێر پ.ی. مامۆستا اومێد ارشد و ئەمینداری ئەنجومەن د. عفان عثمان و ژمارەیەک لە بەرێوبەرانی سەرۆکایەتی زانکۆ، بەریوەبەرایەتی چالاکییەکان هەڵسا بە ئەنجامدانی خولی تێنسی سەرمیز بۆ یەکەمەکانی سەر ئاستی خولەکانی ئەنجومەن و مامۆستایان و فەرمانبەرانی زانکۆ پێشتر ئەنجامدرابوون، بەشداربووانی ئەم خولە لە پێنج بەژدار بوو پێکهاتبوو لە یاری کۆتاییدا هەردوو یاریزان محمد احمد و نیبل حمید کەوتنە بەرامبەر یەکدی و لە ئەنجامدا محمد احمد تۆفیق پلەی یەکەمی بە دەست هێنا و لە لایەن سەرۆکی زانکۆ و یاریدەدەری سەرۆکی خەڵات کران.
لە ماوەی رابردوودا چەند خولێکی تێنسی سەرمێز بۆ ئەندامانی ئەنجومەنی زانکۆ، بەرێوبەر، بەرپرسی هۆبە و فەرمانبەرانی سەرۆکایەتی کرابووەوە.
لەسەر راسپاردەی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی، ئەمڕۆ دووشەممە ڕێکەوتی 8/4/2019 شاندێکی سەرۆکایەتی زانکۆ سەردانی قەزای مێرگەسۆر یان کرد بۆ بەدواداچوون و لێکۆلینەوە لەسەر کردنەوەی پەیمانگای تەکنیکی مێرگەسۆر لە ئایندەیکی نزیکدا.
شاندەکە کە پێکهاتبوون لە بەڕێزان پ.ی.د. جودت جعفر ی.سەرۆکی زانکۆ و م. کۆڤان عمر بەڕێوەبەری پرۆگرامەکانی خوێندن و م. سەرسام خلیل بەڕێوەبەری تۆماری گشتی و م. نیان باسل بەڕێوەبەری دلنیایی جۆری، سەردانی قائیمقامی مێرگەسۆر و نەخۆشخانەی گشتی مێرگەسۆر و بلێ یان کرد جەخت لە هاوکاری و هەماهەنگی نێوانیان کردەوە کە نەخۆشخانەکانی دەڤەرەکە دلخۆشی خۆیان دەربڕی بۆ هاوکاری بەشەکانی تەندروستی لە پەیمانگای ناوبراو.
پێویستی دەڤەرەکە بە کردنەوەی پەیمانگای تەکنیکی مێرگەسۆر دەبێتە فاکتەرێکی بەهێز لە ڕەخساندنی خوێندن و پێگەیاندنی کادری تەندروستی و کارگێڕی لە ناوچەکە کە چەندین کەس لێی سودمەند دەبن بۆ خزمەتکردنی سنوری قەزاکە.
قەزای مێرگەسۆر پێکهاتووە لە 5 ناحیە و سەنتەری قەزا، 165 گوندی ئاوەدان، ژمارەی دانیشتووانی ناوچەکە 61000 کەسە.
رۆژی دووشەممە رێکەوتی 8/4/2019 لە وڵاتی لوبنان شاندێکی زانکۆی پۆلیتەکنیکی هەولێر کە پێکهاتبوون لە 22 مامۆستای زانکۆ بەشداریان کرد لە خولی ڕاهێنانی تایبەت بە سیستەمی خوێندنی باوەڕ پێکراو لە ووڵاتانی ئەوروپی و جێ بەجێ کردنی لە ناوخۆ.
خوولەکە لە ووڵاتی لوبنان بەڕێودەچێ بۆ ماوەی شەش ڕۆژ بە مەبەستی سوود وەرگرتن لە سیستەمی خوێندن لە یەکێتی ئەوروپی
ECTS
وە جێبەجێ کردنی لە زانکۆکەمان.
