Yearly Archives: 2019

رۆژی پێنج شەممە رێککەوتی ۱۲ـی دیسەمبەری ۲۰۱۹ سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی، پێشوازی لەهەر یەک لە نوێنەری زانکۆی ئەکدەنیزی تورکی ٳسماعیل بوزتسون، سەرۆکی زانکۆی سەڵاحەددین پ.ی.د. احمد دزەیی، یاریدەدەری سەرۆکی زانکۆی پۆلیتەکنیکی دهۆک د. زیرەک عزیزخان احمد، سەرۆکی زانکۆی کتاب پ.د ایاد غنی ٳسماعیل و یاریدەدەری سەرۆکی زانکۆی دهۆک د. میفان عارف عبدالرحمن کرد.

لە کۆبوونەوەکەدا کە هەریەک لە یاریدەدەری سەرۆکی زانکۆی پۆلیتەکنیکی هەولێر بۆ کاروباری زانستی و بەڕێوبەری ئینتەرناشناڵ ئۆفیس لە سەرۆکایەتی زانکۆ ئامادەیبوون، بڕیاردرا لەسەر ئەنجامدانی کۆنفرانسێکی نێودەوڵەتی لە ساڵی ۲۰۲۰ لەژێر ناونیشانی

First International multi-displinary conference of IUC

کۆبوونەوەکە بەمەبەستی دیاریکردنی کات بوو بۆ ئەنجامدانی کۆنفرانسێکی زانستی لە ساڵی ۲۰۲۰، کە جێبەجێ و سەرپەرشتی دەکرێت لەلایەن ئەندامانی گرووپی ئای. یو. سی.

ئەمڕۆ چوارشەممە ١١ دیسەمبەری ٢٠١٩ کاتژمێر ١٢ و ٣٠ خولەکی نیوەڕۆ لە کۆلێژەی پەروەردەی بنەڕەتی زانکۆی سەلاحەددین لە شاری هەولێر پێشبڕکێی دیبەیتی زانکۆکانی کوردستان کە ١٦ زانکۆی بەشدارن تیایدا بەڕێوەچوو.

لە راوەندی یەکەمی دیبەیتی یەکەمی پێشبڕکێکەدا زانکۆی پۆلیتەکنیکی هەولێر بەرامبەر براوەی ساڵی رابردوو کە زانکۆی سەڵاحەددین بوو پێشبرکێیەکەی ئەنجامدا، تیایدا زانکۆی پۆلیتەکنیکی هەولێر سەرکەوتنی تۆمار کرد و گەیشتە راوەندی دووەم و چاوەروانی براوەی دیبەیتی یەکەمی سبەی پێنجشەممە دەکات .

هەرچەندە بڕیاربوو پێشبڕکێکە لەهەفتەی رابردوو ئەنجامبدرێت، بەڵام بەهۆی ئامادەنەبوونی زانکۆی کوردستان پێشبڕکێکە نەکرا، وە بەهۆیەوە زانکۆی جیهان سەرکەوت بۆ راوەندی دووەم، هەروەها پێنج شەممەی رابردوو بەهۆی ئامادەنەبوونی زانکۆی سۆران زانکۆی زاخۆ براوەبوو و گەیشتە راوەندی دووەم، بەهۆی ئامادەنەبوونی ئەو دوو زانکۆیە لەهەفتەی رابردوو بۆیە ئەمڕۆ دیبەتی پێشبڕکێکە بەڕێووەچوو.

زانکۆی پۆلیتەکنیکی هەولێر بەرامبەر بە یەکەمی ساڵی رابردوو کە زانکۆی سەڵاحەددین بوو دیبەیتی پێشبڕکێکەی ئەنجامدا و کە قوتابیانی هەردوو بەشی کۆلێژی تەکنیکی تەندروستی و کۆلێژەی تەکنیکی ئەندازیاری زانکۆی پۆلیتەکنیکی هەولێر بوون، کە سەرجەمیان لەرێگای چاوپێکەوتنەوە دیاریکرابوون بۆ دڵنیابوون و دیاریکردنی ئاستیان لەسەر بنەمای توانای زانستیان”.

لەکۆی ئەو ١٦ زانکۆیەی ئەمساڵ بەشدارن لە دیبەیتی پێشبڕکێکەدا لە راوەندی یەکەم، دوای ئەنجامدانی راوەندی یەکەم تاکۆتایی مانگی ١٢ ئەمساڵ تەنیا ٨ زانکۆ دەمێننەوە و راوەندی دووەمیش بڕیارە لەسەرەتایی ساڵی داهاتوو ٢٠٢٠ ئەنجامبدرێت.

رۆژی چوارشەممە رێککەوتی 11ـی دیسەمبەری 2019 بە ئامادەبوونی سەرۆکی زانکۆ پرۆفیسۆری یاریدەدەر د. کاوە عبدالکریم شێروانی، بەرێوبەرایەتیەکانی دڵنیایی جۆری و تەکنەلۆژیای زانیاری زانکۆی پۆلیتەکنیکی هەولێر وۆرکشۆپێکی تایبەت بە کۆرسبووک و فیدباکی قوتابیانیان بۆ ساڵی نوێی ئەکادیمی بەشێوەی ئەلیکترۆنی ئەنجامدا.

سەرەتای وۆرکشۆپەکە سەرۆکی زانکۆ وتەیەکی کورتی پێشکەش کرد و تیایدا دەستخۆشی لە ستافی دڵنیایی جۆری و تەکنەلۆژیای زانیاری سەرۆکایەتی زانکۆ و کۆلێژ و پەیمانگەکان کرد کە بەشێوەیەکی بەردەوام کار لەسەر پۆسەکە دەکەن، هیوای بەردەوامی بۆ خواستن.

دواتر بە سێ سیمنار کە لە لایەن مامۆستا نیهاد خالید بەرپرسی تەکنەلۆژیای زانیاری، مامۆستا کمال محمد بەرێوبەری دڵنیایی جۆری و مامۆستا گۆران مغدید کریم پرۆگرامساز لە کۆلێژی تەکنیکی ئەندازیاری هەولێر، شێوازی بە ئەلیکترۆنی کردن و پرۆسەی ئەپلۆدکردنی کۆرسبووک و فیدباکی قوتابیان بە شێوەیەکی پراکتیکی بۆ ئامادەبووان روونکرایەوە.
دواتر ئامادبووان گفتوگۆیان دەربارەی پرۆسەکە کرد و رەخنە و پێشنیارەکانیان خستەروو.

رۆژی سێ شەممە ڕێککەوتی ۱۰ـی دیسەمبەری ۲۰۱۹ لە هۆڵی کۆنفرانسەکانی سەرۆکایەتی زانکۆ، بەئامادەبوونی سەرۆکی زانکۆی پۆلیتەکنیکی هەولێر پرۆفیسۆری یاریدەدەر د. کاوە عبدالکریم شێروانی، پانێڵێک لەژێر ناونیشانی “جیاکاری لەسەر بنەمای جێندەر تاوانە دژ بە مرۆڤایەتی” رێکخست.

پانێڵەکە بەسەرپەرشتی مامۆستا ئاسۆ وەلی بەرپرسی سەنتەری یەکسانی جێندەرناسی زانکۆی پۆلیتەکنیکی هەولێر بە رێوەچوو، کە لە سێ تەوەری سەرەکی پێکهاتبوو:

تەوەری یەکەم لە ژێر ناونیشانی “شیکردنەوەیەک بۆ چەمکی جێندەر و فێمینیزم، ئامانج و مێژوویان” لەلایەن مامۆستا سورێن ئەکرەم سەرۆکی بەشی کۆمەڵناسی و بەرێوبەری سەنتەری یەکسانی جێندەری لە زانکۆی لوبنانی فەرەنسی، پێشکەش کرا کە تیایدا بە ووردی باسی لە چەمکی فێمینیزم و مێژوو و ئامانجەکانی کرد.

لە تەوەری دووەمدا مامۆستا ڤیان مەحمود زامدار ئەندامی لێژنەی باڵای یەکسانی جێندەری لە وەزارەتی خوێندنی باڵا و توێژینەوەی زانستی، باسێکی دەربارەی (ناوەندەکانی خوێندنی باڵا و کاریگەریان، لە هێنانە کایەی یەکسانی جێندەری) پێشکەش کرد و تیایدا چەند ئامارێکی لەبارەی ژمارە و کاریگەری مێینە لە ناوەندەکانی خوێندنی باڵا و زانکۆکانی کوردستان خستەڕوو.

لە تەوەری سێیەم و کۆتاییدا د. بەهات حسیب قەرەداغی مامۆستای بەشی تەکنیکی میدیا لە کۆلێژی تەکنیکی کارگێری هەولێر، بابەتێکی “دەربارەی پێگە و وێنەی ئافرەت لە تەلەفزیۆنی کوردیدا” پێشکەش کرد و بە شێوەی ئینفۆگرافیک بە وردی باسی دەرکەوتنی ئافرەتی لە میدیای کوردیدا روونکردەوە

دواتر ئامادەبووانی پانێڵەکە پرسیاریان ئاراستەی پانێڵیستەکان کرد و وەڵامیان درایەوە.
لە کۆتاییدا لەلایەن سەرۆکی زانکۆوە بروانامەی رێزلێنان بەخشرایە پانێڵیستەکان.
فۆتۆ: گۆران کەنعان