Blog

ڕۆژی پێنج شەممە ڕێکەوتی ١٣ی٣ی٢٠٢٥ ، سەرۆکی زانکۆی پۆلیتەکنیکی هەولێر بەڕێز پ.د. ئیدریس محەممەد تاهیر هەرکی بەئامادەبوونی ڕاگری کۆلێژی تەکنیکی ئەندازیاری هەولێر بەڕێز پ.د. ئەیاد زەکی صابر و بەیاوەری یاریدەدەری ڕاگری کۆلیژ بەرێز د. بازیان یونس محی الدین ، هۆڵەکانی خوێندنی بەشەزانستییەکانی کۆلێژی تەکنیکی ئەندازیاری هەولێریان بەسەرکردەوە ، بەڕێز سەرۆکی زانکۆ لەنزیکەوە پوختەی ساڵنامەی ئەکادیمی و بۆنەکانی ئازار و نەورۆزی بۆ قوتابییان ڕوونکردەوە کە یەکسانی لە پابەندبوون بە بەردەوامی قوتابیانی قۆناغی یەکەم بۆ جێبەجێکردنی ساڵنامەی ئەکادیمی زانکۆیی لەلایەن ڕاگرایەتی کۆلێژەوە بەرزنرخاند و پیرۆزبایی هەردوو جەژنی نەورۆز و ڕەمەزانی پیرۆزی لەقوتابیانی بەڕێز کردوو ، هیوای سەرکەوتنی هەمیشەیی و باشترینی بۆ خواستن …

پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر بەشداریی لە چالاکییەکدا  کرد کە بەبۆنەی ساڵیادی لە دایکبوونی پێشەوای کورد مستەفا بارزانی بە ئامادەبوونی بەڕێز سیداد بارزانی نوێنەری سەرۆک مەسعود بارزانی و ئومێد خۆشناو پارێزگاری هەولێر و بڵند ئیسماعیل بەرپرسی لقی دوو و بەرپرسی ناوچەی زانکۆ و ژمارەیەکی دیکە لە بەرپرسانی دیکەی حکوومی و حزبی، چالاکییەکی زانستی لە ژێر ناونیشانی “مستەفا بارزانی میراتێکی نەمر و مێژوویەکی زیندوو” بەڕێوەچوو.

لە چالاکییەکەدا جگە لە کردنەوەی پێشانگایەک، پانێڵێک لەژێر ناونیشانی “مستەفا بارزانی سەرکردەیەکی سنوور بەزێن” بەڕێوەچوو.

بە ئامادەبوونی پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر و ئیدریس نێچیرڤان بارزانی، سەرۆکی دەزگای روانگە، و ژمارەیەک لە ئەندامانی ئەنجوومەنی زانکۆ و بەڕێوەبەری جێبەجێکاری دەزگای روانگە و بەرپرسانی حزبی و مامۆستایان و فەرمانبەران و قوتابیانی زانکۆمان و رێکخراوەکانی بواری ژینگە، بەهەماهەنگی زانکۆی پۆلیتەکنیکی هەولێر و دەزگای روانگە هەڵمەتێکی نەمام چاندن لە کەمپی یەکی زانکۆمان بەڕێوەچوو.

ئیدریس نێچیرڤان بارزانی، سەرۆکی دەزگای روانگە دەستخۆشی لە پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر بۆ کارەکانی لە بەرەوپێشبردنی زانکۆ و بەڕێزەوە ستایشی هەوڵەکانی کرد بۆ بنیاتنانی ژێرخان و بەرەوپێشبردنی زانکۆی پۆلیتەکنیکی هەولێر و رایگەیاند، کارەکانتان بۆ ئێمە و هەمووان مایەی دڵخۆشی و دەستخۆشییە.

لای خۆیەوە، پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر سوپاسی ئیدریس نێچیرڤان بارزانی، سەرۆکی دەزگای روانگەی کرد بۆ هەماهەنگی بەردەوام و دیاریکردنی زانکۆی پۆلیتەکنیکی هەولێر بۆ ئەنجامدانی هەڵمەتی چاندنی نەمام بە ئامانجی زیاتکردنی رێژەی سەوزایی لە ناو کەمپەسی یەکی زانکۆمان.

جێی ئاماژەیە، پێشتریش بە مەبەستی ژینگەپارێزی و زیادکردنی ڕێژەی سەوزایی لە کەمپەسەکانی زانکۆی پۆلیتەکنیکی هەولێر، هەڵمەتی چاندنی نەمام ئەنجامدرا و لە داهاتووشدا هەڵمەتەکە بە سوپاسەوە بە هەماهەنگی لەگەڵ رێکخراوی ئاڤیاری هۆشیاری ژینگە بەردەوام دەبێت.