رۆژی سێ شەممە رێکەوتی 15ـی شوباتی 2022 بە ئامادەبوونی سەرۆکی زانکۆ پ.ی.د. کاوە عبدالکریم شێروانی و یاریدەدەرانی سەرۆکی زانکۆ و ژمارەیەک ئەندامی ئەنجومەنی زانکۆ و بەرێوبەرانی سەرۆکایەتی زانکۆ کۆتایی بە خولی فریاگوزاری سەرەتایی هات کە بۆ مامۆستایان و فەرمانبەرانی زانکۆ کرابوویەوە.
سەرەتا سەرۆکی زانکۆ د. کاوە شێروانی وتەیەکی پێشکەش کرد و تیایدا بەخێرهاتنی ئامادەبووانی کرد و دەستخۆشی لە بەرێوبەرایەتی تەندروستی و سەلامەتی زانکۆ کرد بۆ بەرێوەبردنی خولەکە بە سەرکەوتوویی.
خولەکە بۆ ماوەی شەش رۆژ بەردەوام بوو لە 7/2/2022 تاکو 15/2/2022 ، بە سەرپەرشتی بەرێوبەری هونەری پێشکەوتوو مجاهد فاتح محمـد، کە ئامانجەکەی بریتی بوو له شاره‌زابوونى به‌شداربووان ده‌رباره‌ى فریاكه‌وتنی سه‌ره‌تایى به گوتنه‌وه‌ى وانه‌ى تیۆرى و پراكتیكى وەک پاراستنی گیانی توشبوو له مردن به شێوه‌یه‌كی سه‌ره‌كی به تایبه‌تی له‌كاتی شپرزه‌ییدا، جێگیكردنی باری ته‌ندروستی توشبوو، كه‌مكردنه‌وه‌ى ئێش وئازار، گواستنه‌وه‌ى توشبوو به زووترین كات به شێوه‌یه‌كی ته‌ندروست بۆ نزیكترین بنکه‌ى ته‌ندروستی.
دوای کۆتایی هاتنی خولەکە بەسەرکەوتوویی مەراسیمی دابەشکردنی بروانامەکان لە لایەن سەرۆکی زانکۆ و ئەندامانی ئەنجومەنی زانکۆ بەرێوەچوو
