Blog

ئەمرۆ چوارشەممە 25ی ئەیلوولی2024، بە ئامادەبونی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.ی.د. بۆتان مەجید ئاسنگەر یاریدەدەری سەرۆکی زانکۆ بۆ کاروباری زانستی و خوێندنی باڵا، بەشێک لە بەرێوەبەرانی سەرۆکایەتی زانکۆی پۆلیتەکنیکی هەولێر مەراسیمی کۆتایی هێنان بەخولێکی ڕاهێنان بۆ ستافی CDC زانکۆی پۆلیتەکنیکی هەولێر ئەنجام درا.

سەرەتای مەراسیمەکە سەرۆکی زانکۆ لە ووتارێکیدا سوپاس و دەستخۆشی خۆی ئاراستەی ڕێکخەران خوولەکە کرد، هیوای سەرکەوتن و سوود بینینی  بۆ بەشداربوانی خولەکە خواست، بەو ئامانجەی ئەم خولە بتوانێت گۆڕانکاری باش لە کۆلێژ و پەیمانگەکان لە بواری CDC بکات.

لە بەشێکیتری ووتارەکەی سەرۆکی زانکۆدا پالپشتی خۆی بۆ ئەم جۆرە خولانە دەربڕی و ئاماژەشی بەوە کرد ئەم خولانە ڕۆڵی گرینگیان دەبێت لە بەرزکردنەوەی ئاستی زانستی زانکۆمان، بۆ ئەمساڵی خوێندنی 2024-2025 زانکۆمان چەندین بەشی نوێی کردۆتەوە بە ئامانجی خۆ گونجاندن لەگەڵ بازاری کاردا بۆئەوەی قوتابیانی ئەم بەشانە بتوانن  دوای دەرچوونیان هەلی کار لە بازارەکانی کوردستان بەدەستبێنن.

خولەکە بە هاوکاری ڕێکخراوی COWATER لە پڕۆژەی ازدهاراک لە لایەن یەکێتی ئەوروپا تەمویل کراوە، بەمەبەستی بەشداریکردنی ستافی سەنتەری گەشەپێدان بۆ کار لە گشت کۆلیژ و پەیمانگە تەکنیکیەکانی سەر بە زانکۆمان بەڕێوەچوو.

وۆرکشۆپەکە لەشاری هەولێر ماوەی سێ رۆژی خایاند، بە مەبەستی پەرەپێدانی تواناکانی بەشداربوان لە بواری گەشەکردنی کار، شیکردنەوەی ئەرکەکانی سەنتەر، پێکهاتە و چۆنیەتی ڕێکخستنی کارەکانی ستافی سەنتەر بۆ ئەوەی بتوانن بە باشترین شێوە کارو ئەرکەکانیان ئەنجام بدەن، بە ئامانجی ئەوەی دەرچووانی زانکۆ بتوانن جێگای خۆیان لە بازاری کار بکەنەوە.

ئەم وۆرک شۆپە بە سەکۆیەکی گرنگ دائەنرێت بۆ ئاڵوگۆری زانیاری و پەرەپێدانی ستراتیژیەکان بۆ بەرز کردنەوەی هەلی کارو گەشەپێدانی پیشەیی بۆ گەنجان لە ڕێگای هاوکاری و هەماهەنگی لەگەل کۆمپانیاو دامەزراوەکانی کەرتی تایبەت و کەرتی گشتی لە کوردستان.
لە کۆتایی خولەکەشدا سەرۆکی زانکۆ بروانامەی بەشداربوونی بەسەر بەشداربوانی خولەکە بەخشی و دووبارە هیوای سەرکەوتنی بۆ خواستن.

راگری پەیمانگە بەشداری لە کۆبوونەوەی سەرۆکی هه‌رێمى كوردستان له‌گه‌ڵ سەرپەرشتیار و به‌رپرسانى يه‌كه‌ كارگێڕييه‌كانى سنوورى ئیدارەی سەربەخۆی سۆران دەکات

ڕۆژی دووشەممە 23ـی ئەیلوولی 2024، ڕێزدار نێچيرڤان بارزانى، سه‌رۆكى هه‌رێمى كوردستان، له‌ دیوانی ئیدارەی سەربەخۆی سۆران، له‌گه‌ڵ به‌ڕێز هەڵگورد شێخ نەجیب سەرپەرشتیاری ئیدارە و به‌رپرسانى يه‌كه‌ كارگێڕييه‌كانى سنوورى ئیدارەی سەربەخۆی سۆران كۆبووه‌وه‌.

لەو کۆبوونەوەیەدا کە د. طالب محەمەد شەریف عومەر راگری پەیمانگەی تەکنیکی مێرگەسۆر وەک یەکێک لە بەرپرسانی دەڤەرەکە ئامادەیبوو، ڕێزدار نێچیرڤان بارزانی باسی لە پێشکەوتن و گۆڕانکارییە بەرچاوەکانی دەڤەرەکە کرد و رایگەیاند، دوای بڕیاری بە ئیدارەبوونی، سۆران گۆڕانکارییەکی زۆری لە ڕووی پڕۆژە خزمەتگوزارییەکان و پڕۆژە ستراتیژییەکان بەخۆیەوە بینیوە، سۆران نموونەیەکی جوانی حوکمڕانی هەرێمی کوردستانە، دڵخۆشم کە سۆران بەم گۆڕانکارییانەوە دەبینم، دەستخۆشی لە سەرپەرشتیاری ئیدارەی سەربەخۆی سۆران و هەمووتان دەکەم، خەڵکی دەڤەری سۆران شایەنی لەوە زیاترن، دەڤەری سۆران لانکەی شۆڕشەکانی کورد بووە.

لای خۆیانەوە بەرپرسانی ئیدارەی سەربەخۆی سۆران، سوپاسی سەرۆکی هەرێمیان کرد کە هاوشان لەگەڵ بەڕێز سەرۆکی حکومەتی هەرێم بەردەوام پاڵپشتی کارەکانیان بوون.

رۆژی سێ شەممە 24ی ئەیلوولی 2024، پ.د.ئیدریس محمەمەد تاهیر هەرکی سەرۆکی زانکۆی پۆلیتەکنیکی هەولێر بە ئامادەبوونی ژمارەیەک لە ئەندامانی ئەنجومەنی زانکۆ کۆنگرەیەکی رۆژنامەوانی لەبارەی کردنەوەی چەندین بەشی زانستی نوێ لە زانکۆمان رێکخست.

لە کۆنگرە رۆژنامەوانییەکەدا پ.د.ئیدریس محەمەد تاهیر هەرکی کردنەوەی کۆلێژی تەکنیکی ئەندازیاری زانستەکانی کۆمپیوتەر و (11) بەشی زانستی نوێ لە کۆلێژ و پەیمانگەکانی سەربە زانکۆی پۆلیتەکنیکی هەولێر راگەیاند ئەوانیش پێک هاتوون لە بەشەکانی: زیرەکی دەستکرد (AI) لە کۆلێژی ئەندازیاری بۆ زانستەکانی کۆمپیوتەر، تەکنیکی وەرگێڕان لە کۆلێژی تەکنیکی کارگێڕی هەولێر، تەکنیکی پڕۆتۆکۆڵ و شیاندنی دبلۆماسی لە کۆلێژی تەکنیکی شەقڵاوە، سەرچاوە مرۆیەکان، کارگێڕی ڕێبەری گەشتیاری لە پەیمانگەی تەکنیکی کارگێڕی هەولێر، بەرهەمهێنان و پەروەردەکردنی ماسی، تەندروستی کۆمەڵ لە پەیمانگەی تەکنیکی خەبات، تەکنیکی تەلارسازی لە پەیمانگەی تەکنیکی چۆمان، پەروەردەکردنی مێش هەنگوین، ڕووەکە پزیشکییەکان لە پەیمانگەی تەکنیکی مێرگەسۆر.

لەبارەی ئامانجی کردنەوەی ئەو کۆلێژ و بەشانەش سەرۆکی زانکۆ روونیکردەوە، “ئامانج لە کردنەوەی ئەم کۆلێژ و بەشانەش لەسەر چەند بنەمایەک خۆی دەبینێتەوە ئەوانیش:

*خۆ گونجاندن لەگەڵ بازار بە ئامانجی رەخساندنی هەلی کار دوای دەرچونی قوتابیان لەم بەشانە.

*رەچاوکردنی شوێنی جوگرافی، مەبەست لەم خاڵە بەپێی گرنگی شوێنی جوگرافی بەشەکان کراونەتەوە، بۆ نمونە پەیمانگەی تەکنیکی مێرگەسۆر بەشەکانی پەروەردەکردنی مێش هەنگوین، بەشی ڕووەکە پزیشکیەکان کراونەتەوە و ئەمساڵ قوتابی وەردەگرن، ئەمەش بەهۆی بوونی رووەکێکی زۆری سروشتی و کەشوهەوایەکی گونجاو بۆ پەروەردەکردنی مێش هەنگ لە دەڤەرەکە.”

هەروەها سەرۆکی زانکۆ باسی لە پلانی درێژخایەنی زانکۆ کرد وەک بەشێک لە ستراتیجیەتی بەرنامەی کابینەی نۆیەمی حکومەتی هەرێمی کوردستان کە تایبەتە بە نوێکردنەوەی بەشەکان بەپێی واقعی هەنوکەیی بۆ ئەوەی قوتابیان لە دوای دەرچوونیان بتوانن خۆیان لەگەڵ واقعی ئەمڕۆی بازاڕی هەرێمی کوردستان بگونجێن.

لەبەشێکیتری کۆنگرە رۆژنامەوانییەکەدا د. ئیدریس هەرکی باسی لە کردنەوەی پێشەنگای هەلی کار کرد، کە ساڵانە زانکۆمان دوای ئاهەنگی دەرچوونی قوتابیان ئەم هەلە بە هاوکاری کۆمپانیاکان بۆ دەرچووان دەرەخسێنێت.

دواتر سەرۆکی زانکۆ ووتی، “مەشقی هاوینە دەرفەتێکی ترە بۆ رەخساندنی هەلی کار نمونەی مەشقی هاوینەی ساڵی ڕابردووی هێنایەوە بەوەی کە ٪70ی ئەو قوتابیانەی زانکۆمان لە یەکێک لە کۆمپانیا گەورەکانی شاری هەولێر کە کۆمپانیای تۆیۆتایە دوای مەشقەکەیان توانیان لە هەمان شوێن هەڵی کاریان بۆ برەخسێت.

سەرۆکی زانکۆ لە کۆنگرەکەدا باسی لە  کارێکی دیکەی زانکۆ کرد ئەویش ھەنگاونان بووە بە ئاراستەی بەنێودەوڵەتیکردنی زانکۆ و گووتی: “چەندین یاداشتی لێتێگەیشتنمان لەگەڵ زانکۆ و ناوەند ئەکادیمییەکان و تەنانەت لەگەڵ کۆمپانیاکانی کەرتی تایبەت واژۆکردووە، لە ساڵی رابردوو زانکۆمان میوانداری 29 ھەمین دیداری عەرەبی بۆ رەخساندنی ھەلی راھێنان لەنێوان زانکۆکانی ئەندام لە یەکێتی زانکۆکانی عەرەبی کرد کە نوێنەری زیاتر لە 60 زانکۆ لە 12 وڵاتی عەرەبی و رووسیا و مالیزیا بەشداربوون.”

لەکۆتایی پ.د.ئیدریس محەمەد تاهیر هەرکی ئاماژەی بە کردنەوەی پێنج مەڵبەندی ڕاوێژکاری لە پێنج شوێنی جیای سنووری زانکۆمان کرد کە ساڵانە زانکۆمان بۆ پێدانی ڕێنمایی و زانیاری لەسەر بەشەکانی کۆلێژ و پەیمانگەکانی زانکۆمان و چۆنیەتی پێشکەشکردنی لە زانکۆ لاین بۆ دەرچووانی پۆلی 12 ئەو مەڵبەندە راوێژکارییانە دەکاتەوە.