زانکۆی پۆلیتەکنیکی هەولێڕ فۆرم و بەڵگەنامەکانی پێشکەش کردنی تایبەت بە خۆێندنی باڵا، دبلۆمی باڵای ئەکادیمی _ ماستەر _ دکتۆرا بڵاو دەکاتەوە وە پێویستە لە ماوەی 5/1/2020 تاکو 26/1/2020 مامەڵەکانیان تەواو بکەن و بیگەڕێننەوە بۆ هۆبەی خوێندنی باڵا لە سەرۆکایەتی زانکۆ هەروەها ڕۆژی 2/2/2020 تاقیکردنەوەی توانستی زانستی ئەنجام دەدرێت.
فۆرمى پێشکەشکردن دبلۆم و ماستەر
بەبۆنەی هاتنی ساڵی نوێی ۲۰۲۰ـی زاینییەوە بەناوی سەرۆک و ئەندامانی ئەنجومەنی زانکۆی پۆلیتەکنیکی هەولێر، گەرمترین پیرۆزبایی ئاراستەی مامۆستایان و فەرمانبەران و قوتابیانی ئازیزی زانكۆکەمان دەکەین.
هیوادارین ساڵی نوێ ساڵی بەدیهێنانی خەونەکان و هاتنه‌دی هیوا و ئاواته‌كانی گه‌له‌كه‌مان بێت و ساڵی كۆتایی هێنان بێت به‌ناخۆشی و قه‌یران و كێشه‌كان له‌ناوچه‌كه.
ئێمە لەکاتێکدا پێشوازی لە ساڵی نوێ دەکەین، دەستكەوت و شانازییەكانی ئەمساڵی زانكۆمان زۆرن، كە بەری رەنج و ماندوونی هەموو لایەکمانە، ئاستی زانستی زانكۆكەمانی گەیاندووەتە ئاستی زانكۆكانی ناوچەكە و بەردەوام پەیوەندی ئەكادیمی و لێكتێگەیشتننامەی زانستی لەگەڵ زانكۆ جیهانییەكان دەبەستین.
ئومێدیشمان وایە ساڵی داهاتوو، بە هەوڵ و هیمەتی ئێوە ساڵی بەرەوپێش چوون و گەشەی زیاتری رەوتی زانستی و ئەكادیمی بێت لەپێناو زیاتر خزمەتكردنی نیشتمان و بەدیهێنانی ژیانێكی سەردەمیانە بۆ ڕۆلەکانی گەلەکەمان.
دووبارە ساڵی نوێتان پیرۆزبێت
۳۱/۱۲/۲۰۱۹
ئێوارەی رۆژی سێ شەممە رێککەوتی ۱۷ـی دیسەمبەری ۲۰۱۹ لە سەرۆکایەتی زانکۆ، سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی و سەرۆکی زانکۆی چەرمۆ پ.د. سەڵاح رەزا سعید رێکەوتنێکی ئەکادیمیان واژۆ کرد.
رێکەوتنەکە خۆی لە چەند بوارێکدا دەبینێتەوە ئەوانیش:
هاوکاری و هەماهەنگی لە کردنەوەی خوێندنی باڵای هاوبەش (دبلۆمی باڵای ئەکادیمی، ماستەر و دکتۆرا) بەسوود وەرگرتن لە کۆی ستافی هەردوولا.
هەروەها دابینکردنی کورسی خوێندنی باڵا (دبلۆمی باڵای ئەکادیمی، ماستەر و دکتۆرا) بۆ ستافی هەردوو زانکۆ بەپێی هەبوونی بواری پسپۆڕی لەهەر زانکۆیەکدا.
هاوکاری کردن لەڕووی بەکارهێنانی تاقیگە و ئامێرەکانی توێژینەوەی زانستی و ئاسانکاری بۆ بەکارهێنانیان لەلایەن توێژەر و قوتابیانی خوێندنی باڵا لەهەردوو زانکۆ.
رێکەوتنەکە چەند خاڵێکی دیکەی پەیوەست بە هاوکاری و هەماهەنگی نێوان زانکۆکان تێدایە کە لەمڕۆوە دەچێتە بواری جێبەجێکردن و ساڵانە نوێدەکرێتەوە بە پێی پێویستی و ویستی هەردوو زانکۆ.
بە وێنە .. مەراسیمی بەرز راگرتنی رۆژی ئاڵا لە سەرۆکایەتی زانکۆ
