لە دەست پێشخەرییەکدا بەشی تەکنیکی ڤێتێرنەری لە کۆلێژی تەکنیکی شەقڵاوە رۆژانە بێ بەرامبەر چارەسەرى ئاژەڵ و پەلەوەری خاوەن ئاژەڵ و پەلەوەرەکانی شارۆچکەی شەقڵاوە و دەوروبەری دەکات.
مامۆستایان و قوتابیانی بەشی تەکنیکی ڤێتێرنەری وەک هاوکارییەک بۆ خاوەن ئاژەڵ و پەلەوەرەکان بێ بەرامبەر چارەسەری ئاژەڵ و پەلەوەرەکانی سنوورەکە دەکەن و بەمەش قوتابییان زیاتر سوود وەردەگرن لە جێ بەجێ کردنی ئەرک و وانە پراکتیکییەکان.
لە چوارچێوەی ستراتیژیەتی بەنێودەوڵەتی کردنی زانکۆی پۆلیتەکنیکی هەولێر و دوا بەدوای واژووکردنی رێککەوتننامەی لێکتێگەیشتن لە نێوان زانکۆمان و زانکۆی بێڵیفێڵد بۆ زانست و تەکنەلۆژیا لە میانەی پرۆگرامی ئاڵوگۆڕی قوتابییان، سێ قوتابی قۆناغی سێیەمی بەشی بازاڕگەری نێودەوڵەتی و زمان و تەکنیکی ژمێریاری لە کۆلێژی تەکنیکی کارگێڕی هەولێر دەستیان بە خوێندن کرد بۆ ماوەی یەک سمستەر و لە مانگی 1ـی 2023 کۆتایی پێدێت.
بڕیارە پرۆگرامەکە لە ساڵانی داهاتووش بەردەوام بێت و ئەمەش زیاتر دەرفەت دەدات بەقوتابییانی زانکۆی پۆلیتەکنیکی هەولێر بۆ زیاتر ئاشنابوون بە سیستەمی خوێندن و کەلتوری وڵاتانی ئەوروپی هەروەها ئاشنای ئەزموونی کردارەکی(پراکتیکی) زانکۆی ناوبراو دەبن.
شیاوی باسە بەمزووانە ناو نووسین دەستپێدەکات بۆ پێشکەشکردن بۆ سمستەری داهاتوو کە بڕیارە لە مانگی 3ـی ساڵی 2023 دەستپێبکات.
بۆ زانیاری زیاتر پەیوەندی بکەن بە ئیمەیڵی:
[email protected]
بسم الله الرحمن الرحيم
“وَمَا أَرْسَلْنَاكَ إِلا رَحْمَةً لِلْعَالَمِين”
صدق الله العظيم
“له یادی لەدایکبوونی پێغەمبەری ئیسلامدا حه‌زره‌تی موحەممەد “د.خ”، گەرمترین پیرۆزبایی لە موسڵمانانی کوردستان و عێراق و جیهان دەکەم. هیوادارم ئه‌م بۆنه پیرۆزه هۆکارێک بێت بۆ زیاتر پته‌وکردنی گیانی لێبورده‌یی و پێکه‌وه‌ژیانی ئاینی و فرة نه‌ته‌وه‌یی و مه‌زهه‌بی له کوردستان و عێراق و جیهان. جارێکی تر ئه‌م یاده له سه‌رجه‌م موسڵمانان پیرۆز دەکەم و لە خودای مەزن داواکارم دەروازەی خێر و خۆشی بە رووی گەلەکەمان و سەرجەم مرۆڤایەتی بکاتەوە و کۆتایی به مه‌ینه‌تییه‌کان بێت.”
پ.د. ئیدریس محمدطاهر هەرکی سەرۆکی زانکۆی پۆلیتەکنیکی هەولێر
۱۲ ربيع الاول ۱٤٤٤هـ
٨ـی ئۆکتۆبەری ٢٠٢٢
رۆژی چوارشەممە ڕێکەوتی 5ـی ئۆکتۆبەری 2022 لە هۆڵی کۆبوونەوەکانی سەرۆکایەتی زانکۆ بەڕێوبەرایەتی تەکنەلۆژیای زانیاری و گەیاندن وێرکشۆپێکی بۆ ستافی ئای تی کۆلێژ و پەیمانگا تەکنیکیەکان بەڕێوەبرد کە تایبەت بوو بە چۆنیەتی دیزاین کردن و بەڕێوەبردنی ویب سایت.
لە سەرەتای وێرکشۆپەکەدا مامۆستا نیهاد خالید عبداللە بەرێوەبەری تەکنەلۆژیای زانیاری و گەیاندنی سەرۆکایەتی زانکۆ وتەیەکی پێشکەش بە ئامادەبووان کرد و تێیدا گرنگی بەرێوەبردنی ویب سایتی خستە ڕوو، هەروەها روونیکردەوە کە ویب سایت رووی زانکۆ پێشانی دەرەوە دەدات و پێویستە کۆمەڵێک زانیاری لە سەر ویب سایتی زانکۆ دابنرێت تاوەکو مامۆستایان و قوتابیان و بەشە زانستیەکان لە کاتی پێویست سودی لێوەربگرن.
لە بەشێکی دیکەی وتەکەیدا م. نیهاد تیشکی خستە سەر دانانی زانیاری ستافی زانکۆ و کۆلێژ و پەیمانگەکان و بەشە زانستیەکان تاوەکو لە کاتی توێژینەوە ستافی ناوخۆ و دەرەوە بتوانن پەیوەندی بە ستافی زانکۆمان بکەن بەمەبەستی ئەنجامدانی کاری هاوبەش.
پاشان بەرپرسی ویب سایتی زانکۆ م. زانیار ڕزگار بابەتەکانی وێرکشۆپەکەی روونکردەوە کە پێکهاتبوو لە ناساندنی بەشەکانی ویب سایت، چۆنیەتی دانانی داتا و زانیاریەکان و ئەپدەیت کردنیان، هەروەها باسی لە گرنگی چۆنیەتی دیزاینکردنی پەیجەکانی ویب سایت و گونجاندنی ڕەنگەکان کرد، شایەنی باسە ئەم وێرکشۆپە پێنج رۆژ دەخایەنێت و تەواوی وردەکاری دەربارەی دیزاین و چۆنیەتی بەرێوەبردنی ویب سایت باس دەکرێت.
دوای کۆتایی هاتنی رۆژی یەکەمی وێرکشۆپەکە سەرۆکی زانکۆ پ.د. ئیدریس محمدطاهر هەرکی پێشوازی لە بەشداربووان کرد و تەواوی پشگیری و کارئاسانی خۆی نیشاندا تاوەکو بتوانن سودی تەواو لەم وۆرکشۆپە ببینن.
