بەرواری (٤-٢-٢٠٢٥) بەڕێز ( پ ی د مراد امیر احمد ) ڕاگری کۆلێژی تەکنیکی تەندروستی و پزیشکی هەولێر ، بە نوێنەرایەتی سەرۆکی زانکۆی پۆلیتەکنیکی هەولێر بەشداری کرد لە سیمپۆزیەمی ئاراستە نوێیەکانی نەخۆشی شێرپەنجە لەهەرێمی کوردستان – عێراق لەلایەن کۆلێژی پەروەردە /بەشی بایلۆجی زانکۆی سەلاحەدین -هەولێر بەرێوەچوو .
هۆبەی ڕاگەیاندن و چالاکیەکان .
بەرواری ( ٤-٢-٢٠٢٥) بەئامادەبوونی بەڕێز( پ ی د مراد امیر احمد ) ڕاگری کۆلێژی تەکنیکی تەندروستی و پزیشکی هەولێر ، و بەڕێزان ( د فرهنگ علی عوڵا ) نوێنەری مامۆستایانی زانکۆی پۆلیتەکنیکی هەولێر و (پ د نجات جبار احمد ) سەرۆکی بەشی شیکاری نەخۆشیەکان و (دکتۆر مهدی خالد ) سەرۆکی بەشی چارەسەری سروشتی و بەشێک لەمامۆستایان و فەرمانبەران و قوتابیانی ئامادەبوو ، یاری کۆتایی بەڕێوە چوو لەنێوان ( شیکاری نەخۆشیەکان قۆناغی سێیەم و چارەسەری سروشتی قۆناغی سێیەم ) لەم یاریە قوتابیانی قۆناغی سێیەمی شیکاری نەخۆشیەکان بەئەنجامی (١-٠) یاریکەیان بردەوە دواتر خەڵات و جامی خولەکە بەخشراییەوە لەلایەن ئامادەبووان .
ساڵانە هۆبەی ڕاگەیاندن و چالاکیەکان چەندین خولی وەرزشی و خولی جۆراراو و هەمەرەنگ دەکاتەوە بۆ رەخساندنی کەشێکی چێژ بەخش بە چینی قوتابیان.
هۆبەی ڕاگەیاندن و چالاکیەکان .
ئەمڕۆ ڕێکەوتی ١١.٢.٢٠٢٥ لە بەشەناوخۆیی کوڕانی پەیمانگەی تەکنیکی پزیشکی هەولێر خولێکی ڕاهێنان و هۆشیاریسەلامەتی و ئاگر کوژێنەوەی بەڕێوەچوو بۆ قوتابیانی بەشەناوخۆیی کوڕانی پەیمانگەی تەکنیکی پزیشکی هەولێربەسەرپەرشتی بەرێوەبەری هۆبەی تەندوستی و سەلامەتی پەیمانگە م رەوەند سلێمان و ڕاهێنەر مقدم کەمال وە بەئامادەبوونی بەرێوەبەری هۆبەی بەشەناوخۆیی ڕێباز ئازاد و فەرمانبەرانی بەشەناوخۆییەکان و قوتابیانی بەشەناوخۆییەکەخولەکە بەڕێوەچوو بەشێوەی کرداری باس لە هەموو ئەولایەنەکرا بۆ خۆپاراستن و ئەنجامدانی کاری پێویست لەکاتیڕودانی هەر ڕوداوێکی نەخوازراو.
رۆژی دووشەممە 10ی شوباتی 2025، پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر پێشوازی کرد لە چوار قوتابی کۆلێژەکانی تەکنیکی کارگێری و ئەندازیاری هەولێر کە بۆ سیمسته‌رێك لە زانکۆكانی وارشۆ، لايڤ ساینس، مۆزه‌فیزیكا لە وڵاتی پۆڵەندا درێژە بە خوێندن دەدەن.
لە دیدارێکدا کە هەریەک لەبەڕێزان پ.ی.د.بۆتان مەجید ئەحمەد یاریدەدەری سەرۆکی زانکۆ بۆ کاروباری زانستی و خوێندنی باڵا و پ.ی.د.عبدالله عومه‌ر بەڕێوبەری پەیوەندییە نێودەوڵەتییەکان و م.به‌هه‌زاد حلمی بەرێوەبەری نووسینگەی سەرۆکی زانکۆ و حسين عثمان به‌رپرسی یه‌كیتی قوتابیانی زانكۆ ئامادەیبوون، سەرۆکی زانکۆ بەخێرهاتنی گەرمی قوتابیانی كرد هیوای گەشتێکی زانستی سەرکەوتوی بۆ خواستن، هه‌ندێك ڕێنمایی قوتابیانی كرد ده‌رباره‌ی ئه‌رك و مافه‌كانیان له وڵاتی پۆڵه‌ندا جه‌ختیكرده‌وه كه ئێوه وه‌ك نوێنه‌رایه‌تی زانكۆ و نوێنه‌رایه‌تی كورد و هه‌رێمی كوردستان له‌م زانكۆیه ده‌خوێنن بۆیه پێویسته كلتوری كوردی به وڵاتی پۆڵه‌نده بناسێنن و گرنگی بده‌ن به تێكه‌ڵ بوون به كۆمه‌ڵگای پۆڵه‌ندی و شوناسی كورد به زانكۆكان بناسێنن وه جه‌ختیكرده‌وه له ماوه‌ی مانه‌وه‌یاندا گرینگی به‌خوێندنه‌كه‌یان بده‌ن پابه‌ندبن به‌كاته‌كانی ده‌وام نوێنه‌رێكی نمونه‌ییبن بۆ زانكۆکە.
له‌چوارچێوه‌ی ستراتیژی به‌نێوده‌وڵه‌تی كردنی زانكۆی پۆلیته‌كنیكی هه‌ولێر، به‌ڕیوبه‌رایه‌تی په‌یوه‌ندییه نێوده‌وڵه‌تییه‌كانی زانكۆ ساڵانە چەندین قوتابی هاوشێوەی ئەم چوار قوتابییە بۆ چەندین وڵات دەنێرێت، ئه‌م پڕۆگرامه كۆمه‌كی دارایی كراوه له‌لایه‌ن یه‌كێتی ئه‌وروپا پڕۆگرامی ئیڕاس مه‌سپله‌س.
