Blog

راگری پەیمانگە بەشداری یاری کۆتایی پاڵەوانێتی هەڵبژاردەی کوردستان دەکات

ئێوارەی رۆژی چوارشەممە 24ی تەمووزی 2024، د.طالب محەمەد شەریف عمر راگری پەیمانگەی تەکنیکی مێرگەسۆر، بەئامادەبوونی بەرێز هەڵگۆرد شێخ نەجیب سەرپەرشتیاری ئیدارەی سەبەخۆی سۆران و ژمارەیەک لە بەرپرسانی حیزبی و حکومی و وەرزش دۆستان بەشداریکرد لە یاری کۆتایی پاڵەوانێتی هەڵبژاردەی شارەکان بۆ تۆپی پێ لە یارگای د.فرسەت سۆفی لە شاری سۆران.

یاریەکە لە نێوان هەڵبژاردەی هەولێر و هەڵەبجە بەرێوەچوو.

لە یاری کۆتایدا هەڵبژاردەی هەولێر توانی بێتە پاڵەوانی پاڵەوانێتییەکە دوای سەرکەوتنیان بە سەر هەڵبژاردەی هەڵەبجە بە ئەنجامی (4-3).
لە کۆتاییدا خەڵات بەسەر هەردوو تیمو باشترینەکانی خولەکەدا دابەشکرا.

 

پ.ی.د. بۆتان مەجید ئاسنگەر یاریدەدەری سەرۆکی زانکۆ بۆ کاروباری زانستی و خوێندنی باڵا، پێشوازی کرد لە د. محەمەد ئۆزدەمیر یاریدەدەری سەرۆکی زانکۆی نێودەوڵەتی تیشک و شاندی یاوەری.

لە دیدارێکدا کە  پ.ی.د. ڕەنج سیروان عەبدوڵا بەڕێوبەری گشتی سەنتەری توێژینەوەی زانستی و د. دلێر عەبدوڵا بەڕێوبەری تۆماری گشتی زانکۆمان ئامادەیبوون، گفتوگۆکرا دەربارەی بەرەوپێشبردنی پەیوەندییە زانستییەکانی نێوان هەردوولا بە تایبەتی لە ئەنجامدانی کۆنفرانسی زانستی ساڵانەی نێوان هەردوو زانکۆکە کە بڕیارە لە مانگی 10ی ئەم ساڵ بەڕێوەبچێت.

تەوەرێکی دیکەی دیدارەکە تایبەت بوو بە جێبەجێکردنی پرۆژەی خوێندنی باڵا (ماستەر)ی هاوبەش لە نێوان هەردوو زانکۆ کە لە ماوەی ڕابردوودا ئەزموونێکی سەرکەوتوو لەو بوارە لەنێوان هەردوو زانکۆکەدا هەبووە، بۆ ئەم مەبەستەش بڕیاردرا بۆ هەماهەنگی زیاتر لە داهاتوودا کۆبوونەوەکان بەردەوامییان هەبێت.

 

ئەمڕۆ پێنجشەممە 25ی تەمووزی 2024، بە ئامادەبوونی پ.د. ئیدریس محەمەد تاهیر هەركی سەرۆكی زانكۆ و پ.ی.د. بۆتان مەجید ئاسنگەر یاریدەدەری سەرۆكی زانكۆ بۆ كاروباری زانستی، پ.د ئەیاد زەكی صابر ڕاگری كۆلیژی تەكنیكی ئەندازیاری هەولێر و مامۆستا بەیاد عەبدولقادر سەرۆكی بەشی سیستەمی زانیاری، تاوتوێی تێزی دکتۆرای قوتابی ( كامران حسێن خدر) لە هۆڵی پەرتوكخانەی كۆلیژی تەکنیکی ئەندازیاری هەولێر بەڕێوەچوو.

ئەندامانی لیژنەی تاوتوێكردن پێكهاتبوون لە هەر یەكە لە:

پ.د. مازن رجەب خەلیل لە زانكۆی تەكنیكی باكور/موسڵ سەرۆكی لیژنە. وە ئەندامێتی هەر یەكە لە پ.ی.د. مەئەیەد یوسف بطرس لە زانكۆی لوبنانی فەرەنسی و پ.ی.د. ئەژین صابر طاهر لە زانكۆی كۆیە و پ.ی.د. ئیسماعیل خورشید عەبدولرەحمان لە زانكۆی پۆلیتەكنیكی هەولێر و پ.ی.د. شەهاب وەهاب كەریم لە زانكۆی پۆلیتەكنیكی هەولێر و پ.د. ئاری عەلی محەمەد وەكو ئەندام و سەرپەرشتیار لە زانكۆی سلێمانی.

 

پ.د. ئیدریس محەمەد تاهیر هەرکی بەجیا پێشوازی لە ژمارەیەک قوتابی زانکۆی میسر بۆ زانست و تەکنەلۆژیا و کۆلێژ و پەیمانگەکانی زانکۆمان دەکات.

بە ئامادەبوونی یاریدەدەری سەرۆکی زانکۆ بۆ کاروباری زانستی و خوێندنی باڵا و پ.ی.د. عەبدوڵا عومەر یاسین بەڕێوبەری ئۆفیسی پەیوەندییە نێودەوڵەتییکان، پ.د. ئیدریس هەرکی سەرۆکی زانکۆ، پێشوازی لە حەوت قوتابی زانکۆی میسر بۆ زانست و تەکنۆلۆژیا کرد کە بە مەبەستی ئەنجامدانی مەشقی هاوینە میوانی زانکۆی پۆلیتەکنیکی هەولێرن.

لە لایەکی ترەوە سەرۆکی زانکۆ پێشوازی لە حەوت قوتابی کۆلێژ و پەیمانگەکانی زانکۆمان کرد کە بڕیارە رۆژی شەممەی داهاتوو بەمەبەستی ئەنجامدانی مەشقی هاوینە بچنە وڵاتی میسر و لە زانکۆی میسر بۆ زانست و تەکنەلۆژیا مەشقی هاوینە ئەنجام بدەن، لە دیدارەکەدا سەرۆکی زانکۆ رێنمایی قوتابییانی کرد کە زۆرترین سوود لە ئەنجامدانی مەشقەکەیان وەربگرن و هەوڵ بدەن ئەزموونی هەرێمی کوردستان بەو وڵاتە ئاشنا بکەن و کەلتوری کوردستانیان نیشان بدەن.

پێشوازی کردن و ناردنی ئەو قوتابییانە لە چوارچێوەی پڕۆگرامی ئاڵوگۆڕی قوتابییانە کە ساڵانە زانکۆکەمان بەمەبەستی ئەنجامدانی مەشقی هاوینە میوانداری ژمارەیەک قوتابی زانکۆکانی وڵاتانی عەرەبی و جیهان دەکات و لە بەرامبەریشدا ژمارەیەک قوتابی کۆلێژ و پەیمانگەکانی سەر بە زانکۆمان رەوانەی زانکۆکانی وڵاتانی عەرەبی و جیهان دەکات.

پرۆسەی ئاڵوگۆڕی قوتابییان لە چوارچێوەی ستراتژیەتی بەنێودەوڵەتی کردنی زانکۆی پۆلیتەکنیکی هەولێرە کە لەو ڕێگەیەوە دەرفەت بە قوتابییانی زانکۆمان دەدەرێت بۆ شارەزابوون لە ئەزموونی زانستی و کەلتوری ئەو وڵاتانەی کە مەشقەکەی تێدا ئەنجام دەدەن.