Blog

زانکۆی پۆلیتەکنیکی هەولێر لەسەر ئاستی گشت زانکۆکانی هەرێمی کوردستان هاتە ریزبەندی پێنجەم لە رووی سایتەیشنەوە.

دوای راگەیاندنی ئەنجامەکانی وێبسایتی وێبۆ ماتریکس زانکۆمان بە کۆکردنەوەی 1926 سایتەیشن کە لەسەر کۆمەڵێک مەرجی شەفاف و دادپەروەرانە دیاریکراوە هاتە رێزبەندی پێنجەم بەمەش سەرکەوتنێکی دیکەی تۆمار کرد.

بەم بۆنەیەوە سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی پیرۆزبایی خۆی ئاراستەی سەرجەم مامۆستایان و ستافی زانکۆ کرد و وتی: ئەم پێشکەوتنە بەرچاوە بەری رەنج و ماندووبوونی هەمووانە ، دەستخۆشی لە مامۆستایان و توێژەرانی زانکۆ دەکەین و هیوای سەرکەوتن و بەردەوامیان بۆ دەخوازین لە ئەنجامدان و بڵاوکردنەوەی توێژینەوە زانستییەکانیان .

سەرۆکی زانکۆ وتیشی : ئەم سەرکەوتنانە وامان لێدەکات لە داهاتوودا خۆمان باشتر ئامادە بکەین و کاری باشتر ئەنجام بدەین بۆ پێشکەوتنی زیاتری زانکۆکەمان.

شایانی باسە رێزبەندییەکە پشت بە کۆمەڵێک مەرج و پێودانگ دەبەستێت وەک دانانی ئیمەیڵی زانکۆیی توێژەر لە پرۆفایلی گۆگڵ سکۆڵەر ،لادانی سایتەیشنی ئەو توێژەرانەی کە لە یاسای سایتەیشن دەرچوون و

Outlier

یان هەیە، و لە پرۆفایلی دووبارە تەنها یەکێکیان هەژمار دەکات.

لە درێژەی کار و چالاکییەکانیدا سەنتەری زمانی زانکۆی پۆلیتەکنیکی هەولێر هەڵدەستێت بە کردنەوەی خولێکی بەهێزکردنی زمانی ئینگلیزی بە شێوازی ئۆنلاین بۆخوازیارانی زمانی ئینگلیزی لە ماوەی پشووی هاوینە.

*خولە بۆ ماوەی دوو مانگ دەبێت*

*هەفتانە سێ رۆژ وانە دەخوێندرێت بۆ ماوەی دوو کاتژمێر لە کاتژمێر 10 بۆ 12 ی نیوەڕۆ*

*خولەکە لەلایەن مامۆستای پسپۆر دەوترێتەوە*

*بڕوانامەی بەشداریکردن دەدرێت بە بەشداربووان دوای تەواوکردنی خولەکە*

*نرخی به‌شدار بوونی خول 100000 هه‌زار دینار ده‌بێت وه‌ بۆ فه‌رمانبه‌رانی زانكۆی پۆڵیته‌كنیكی هه‌ولێر 50% داشكاندن ده‌كرێت.

بۆ خۆتۆمار کردن کلیک لـــێـــرە بکە.

دوای ئەوەی لە ماوەی رابردوودا مامۆستایانی زانکۆمان لە تاقیگەی پەیمانگەی تەکنیکی پزیشکی هەولێر هەڵسان بە ئامادەکردنی ماددەی ڤی تی ئێم
و لە رۆژی ۱٤ـی نیسانی ۲۰۲۰ بە ئامادەبوونی سەرۆکی زانکۆ پ.ی.د. کاوە عبدالکریم شێروانی و ڕاگری پەیمانگه‌ی تەکنیکیی پزیشکی ھەولێر مامۆستا ئومێد ئەرشەد حەوێزی لە تاقیگەکانی پەیمانگە دوای هەوڵ و ماندووبوونی بەردەوام بەرهەم هێنانی ماددەکەیان ڕاگەیاند کە لە پشکنینی ڤایرۆسی کۆرۆنا بەکاردێت، دواتر پێشکەش بە بەڕێوبەرایەتی گشتی تەندروستی هەولێر کرا بەمەبەستی سوود وەرگرتن لە ماددەکە بۆ پشکنینەکانی ڤایرۆسی کۆرۆنا.

لەبەرامبەردا بەڕێوبەرایەتی گشت تەندروستی هەولێر نووسراوێکی سوپاس و پێزانینی ئاراستەی زانکۆی پۆلیتەکنیکی هەولێر کردووە تیایدا سوپاسی زانکۆی کردووە لەبەرامبەر دروست کردنی گیراوەکە بۆ خزمەتکردنی کوردستان.

سەنتەرى زمانى زانكۆى پۆليتەكنيكى هەولێر هەڵدەستێت بە كردنەوەى خولێکی زمانی ئینگلیزی بەشێوەی ئۆنلاین بۆ منداڵان کە لە لایەن دوو مامۆستای شارەزا وانەکان دەوترێنەوە

. بۆ ئەم مەبەستە ئاگادارى گشت ئارەزوومەندان دەكەينەوە کەوا ناونووسين دەستی پێکردووە، بۆ خۆتۆمارکردن و وەرگرتنی زانیاری زیاتر لــێـــرە کلیک بکە

تێبينى:
– خولەكە ماوەى (1) مانگ دەخايێنێت و رۆژی 20/7/2020 دەست پێدەکات.

– هەفتەی (3) ڕۆژ بەڕێوەدەچێت, هەر ڕۆژەی (2) کاتژمێر دەبێت.

– پێویستە تەمەنی بەشداربوو لە 8 ساڵ کەمتر نەبێت
– نرخی بەشداریکردن بڕی (25.000) بیست و پێنج هەزار دینارە.