Blog

سەنتەری زمانی زانکۆی پۆلیتەکنیکی هەولێر بۆ جاری دووەم هەڵدەستێ بە ئەنجامدانی تاقیکردنەوەی دیاریکردنی ئاستی زمانی ئینگلیزی بۆ خوازیارانی نازناوی زانستی و خوێندنی باڵا( ماستەر و دکتۆر) بۆیە هەر بەڕێزێک بۆ ئەم مەبەستەی سەرەوە ئارەزووی بەشداربوون دەکات دەتوانێ لە ڕێگای ئەو لینکەی خوارەوە ناوو زانیاری خۆی تۆماربکات.
١.خوازیارانی نازناوی زانستی و خوێندنی ماستەر و دکتۆرا دەتوانن ناویانن تۆماربکان
٢.ناوتۆمارکردن بە شێوەی ئۆنلاین دەبێت
٣.ئەوانەی جاری پێشوو تاقیکردنەوەی ئاستیان کردوە بۆ خولەکانی فێرکاری و بەشدارن لە خول ناتوانن بەشداری بکەن.
٤.لە کات وشوێنی ئانجامدانی تاقیکردنەوەکە دواتر ئاگادار دەکرێنەوە دوای ئەوەی لەلایەن وەزارەتەوە دیاریدەکرێت.
٥. ژمارەیەکی دیاریکراو وەردەگرین بە گوێرەی توانای سەنتەرەکەمان.

تێبینی:
کرێی بەشداریکردن لەو تاقیکردنەوەیە ٢٥٠٠٠ دینارە
ئەوانەی ئۆنلاین ناویان تۆماردەکەن دواتر دەبێت سەردانی ژمریاری سەنتەری زمان بکەن بۆ مەبەستی پسولەبڕین.
بە بێ پسولەی کرەی بەشداربوون خوازیار ناتوانێت بەسدار بێت.
دواکات بۆ تۆمارکردنی ناوو پسولە بڕین رۆژی ١٦\١٢\٢٠٢٠

بەڕێوەبەرایەتی سەنتەری زمان- زانکۆی پۆلیتەکنیکی هەولێر

بۆ خۆتۆمارکردن ئەم فۆرمە پڕ بکەنەوە.

شاندی زانکۆی پۆلیتەکنیکی هەولێر بەسەرپەرشتی پ.ی.د. کاوە عبدالکریم شێروانی بە یاوەری شاندی وەزارەتی خوێندنی باڵا و توێژینەوەی زانستی بەسەرپەرشتی د. محمد حسێن کەلاری سەرۆکی دەزگای سەرپەرشتی و دڵنیایی جۆری بەشداری لە وۆرکشۆپی تایبەت بە پڕۆژەی رێکخراوی سپارکی هۆڵەندی دەکەن.

وۆرکشۆپەکە لە ماوەی نێوان لە 26تا29ـی نۆڤەمبەری 2020 لە ووڵاتی تورکیا شاری ئەستەمبۆل بەڕێوەدەچێت دەربارەی
– پەرەپێدانی پرۆگرامەکانی خوێندن.
– ئاشنابوون بە پڕۆسەی بۆلۆنا بە نێودەوڵەتی کردنی زانکۆکان.
– مێژووی سیستەمەکانی خوێندن لە جیهاندا و گۆڕانکاریەکان بەپێی پێویستی سەردەمییانە.

شاندی زانکۆمان پێکهاتبوو لە سەرۆکی زانکۆ پ.ی.د. کاوە عبدالکریم شێروانی، یاریدەدەری سەرۆکی زانکۆ بۆ کاروباری زانستی د. نجیب تۆما، د. بۆتان مجید ئاسنگەر سەرپەرشتیار لە بواری پەرەپێدانی پڕۆگرامەکان لە بوارەکانی ئۆتۆکاد، د.ئاراس قادر خۆشناو سەرپەرشتیار لە بواری بازاڕگەری، م. ناظم سەرپەرشتیار لە زمانی ئینگلیزی، لەگەڵ ژمارەیەک مامۆستای زانکۆمان بەشدار بوون لە وۆرکشۆپەکە.

شایانی باسە هەردوو زانکۆی پۆلیتەکنیکی هەولێر زانکۆی موسڵ هاوبەش و سوودمەندن لەم پرۆگرامە کە لەلایەن رێکخراوی سپارک بەرێوە دەچێت  بە بەشداری کردنی شارەزایان لە هەردوو وولاتی هۆلانداو تورکیا.

زانکۆى پۆلیتەکنیکى هەولێر ڕێکەوتننامەى نێودەوڵەتى واژوو کردووە لەگەڵ کۆلێژى

Imperial English UK

لە بەریتانیا بە مەبەستى پێشکەشکردنى کۆرسى زمانى ئینگلیزى وەکو پرۆگرامى خوێندن بۆ قوتابیانى قۆناغى یەکەم لە زانکۆکەمان. ئەم کۆرسە لە هەردوو سیمیستەر دەخوێندرێت و قوتابى

 12 ECTS

و بڕوانامەى نێودەوڵەتى وەردەگرێت دواى تەواو کردنى خوێندن بە سەرکەوتوویى.
ئەم کۆرسە لەلایەن مامۆستایانى پسپۆر و ڕاهێنراو دەوترێتەوە بە بەکارهێنانى سیستەمى ئەلیکترۆنى سەردەمیانە.
یەکێک لە ئامانجەکانى ئەم کۆرسە بەهێزکردنى توانستى زمانى ئینگلیزى قوتابیانە بۆ ئامادەکردنیان بۆ بازارى کار و پەرەپێدانى کارامەیى نەرمیان و دەوڵەمەندکردنى سی ڤی یان.
بۆ زانیارى:

تێچووى خۆتۆمارکردن بۆ هەر قوتابییەک تەنها پەنجا هەزار دینارە.

هەر قوتابییەک کە ئارەزووى خۆتۆمارکردنى هەیە پێویستە ناوى سیانى لە بەشى خۆى تۆمار بکات بە زووترین کات.

قوتابى دەتوانى سەردانى بەشەکەى خۆى لە کۆلێژ یان بەڕێوەبەرایەتى پەیوەندییە نێودەوڵەتییەکان لە سەرۆکایەتى زانکۆ بکات بۆ پرسیار و زانیاری.

رۆژی پێنج شەممە رێککەوتی 19ـی نۆڤەمبەری 2020 لە سەرۆکایەتی زانکۆ یاریدەدەری سەرۆکی زانکۆ بۆ کاروباری زانستی د. نجیب تۆما بتۆ لەگەڵ سەرۆکی زانکۆی تەکنیکی باکوور پ.د. علیاء عباس علی و شاندی یاوەری کۆبووەوە.

لە چوارچێوەی رێککەوتنی نێوان هەردوو زانکۆی پۆلیتەکنیکی هەولێر و زانکۆی تەکنیکی باکوور یەکەمین کۆبوونەوەی ئامادەکاری تایبەت بە یەکەمین کۆنفرانسی زانستی بۆ زانستی تەندروستی و (I.C.H.M.S) پزیشکی نێوان هەردوو زانکۆ ئەنجامدرا کە بڕیارە لە کۆتایی ساڵی داهاتوو بەڕێوەبچێت.

لە کۆبوونەوەکەدا کە بەرێوبەری کاروباری زانستی و خوێندنی باڵای زانکۆمان د. هێشو رێبوار ئامادەی بوو بڕیاردرا مانگی داهاتوو کۆبوونەوەی ئامادەکاری دووەم لە زانکۆی تەکنیکی باکوور ئەنجام بدرێت.