راگری پەیمانگە بەشداری لە چالاکییەکی رێکخراوی ئاسک ئیجوکەیتەر دەکات کە بە پاڵپشتی نوسینگەی مەلا مستەفا بارزانی رێکخرا بوو

ئەمڕۆ شەممە 14ی ئەیلوولی 2024، لە کامپسی پەیمانگەی تەکنیکی مێرگەسۆر، رێکخراوی ئاسک ئیجوکەیتەر دوو پانێڵی لەبارەی شێواز و چۆنیەتی خوێندن سەرکەوتنی قوتابییانی پۆلی دوانزە بەبەشداری کەسانی پسپۆڕ رێکخست.

د. طالب محەمەد شەریف عمر راگری پەیمانگە لە یەکێک لە پانێڵەکاندا وتارێکی پێشکەش کرد، سەرتای وتارەکە دەستخۆشی لە رێکخراوی ئاسک ئیجوکەیتەرکرد و دەستخۆشی لە پانێلیستە بەرێزەکان کرد بۆ ئەوبابەتانەی کە پێشکەشکران، راگری پەیمانگە لە وتارەکەیدا تیشکی خستە سەر رێکخستنی کات و پلان بۆ دانان و ئەو فاکتەرە ناوەکی و دەرەکیانەی کە کاردەکەن وە زێدەرۆیی نەکردن لە بەکارهێنای تەکنەلۆجیا و چونکە دەبێتە هۆی بە فیرۆدانی کاتی نەهێشتنی زهنی و تەرکیز، و چۆنیەتی کەم کردنەوەی سترێس و قەلەکی لە رێگای پلاندان و رێکخستنی کات و بەم هۆیەوە باوەربەخۆبون زیاد دەبێت و دەبێتە هۆی کەم بونی سترێس.

لە بەشێکی دیکەی وتارەکەیدا راگری پەیمانگە، تیشکی خستە سەر پەیمانگە و بەتایبەتی ئەوە دووبەشە زانستییە نوێیەی کە بۆ ئەمساڵی خوێندن لە پەیمانگەکەمان کراوەتەوە ئەوانیش بەشی پەروەردەکرنی مێش هەنگ و بەشی رووەکە پزیشکەکان.

لە کۆتایی وتارەکەیدا ئامادەیی پەیمانگەی دەربڕی بۆ هەر هاوکاری کردنێکی قوتابییان و پێدانی رێنمایی پرکردنەوەی فۆرمی زانکۆلاین بە خۆرایی کە بڕیارە لەم هەفتەیەدا وێبسایتی زانکۆلاین کارا بکرێت.

لە کۆتایی چالاکییەکەشدا سەرۆک رێکخراوی ناوبراو لۆگۆی رێزلێنانی پێشکەش بە راگری پەیمانگە کرد لە بەرامبەر هاوکاریکردنیان لە بواری لۆجستیکی و تەکنیکی بۆ رێکخستنی چالاکییەکە.

راگەیاندنیپەیمانگەیتەکنیکی_مێرگەسۆر

 

راگری پەیمانگە وۆرکشۆپێکی تایبەت بە تێکەڵکردنی تەکنەلۆژیا لە پۆلی داهێنەرانە بۆ ژمارەیەک مامۆستای زانکۆ و قوتابخانەکان ئەنجامدا

ئەمڕۆ چوارشەممە 11ی ئەیلوولی 2024، د. طالب محەمەد شەریف راگری پەیمانەی تەکینیکی مێرگەسۆر لەژێر ناونیشانی “تێکهەلکێشکردنی تەکنەلۆجیا لە پۆلێکی داهێنەرانەدا” وۆرکشۆپێکی تایبەتی بۆ ژمارەیەک لە مامۆستایانی زانکۆ و مامۆستایانی قوتابخانەی یادی ناحکومی لە نێو کامپی پەیمانگەی تەکنیکی مێرگەسۆر رێکخست.

لە وۆرکشۆپەدا د. طالب تیشکی خستە سەر تایبەتمەندییەکانی مامۆستای سەردەم و ئەو بنەمایانەی کە مامۆستا لە باشەوە بۆ مامۆستای ئیلهامبەخش و گەورە دەگۆڕێت، هەروەها بەشێوەیەکی ورد باسی لە رێگاکانی “پەرەپێدانی خودی” لە لایەن مامۆستایانەوە کرد بە بەکارهێنانی تەکنەلۆژیا بۆ زیاتر خزمەتکردنی قوتابییان لە دامەزراوەکانی خوێندنی باڵا و پەروەردەدا.

لە وۆرک شۆپەکەدا کە بەشێوازێکی ئینتراکتیڤ پێشکەشکرا، چەند پلاتفۆرمێکی دیجیتاڵی تاقیکرانەوە و بە پێی پسپۆرییە جیاوازەکان کە سوود بە قوتابیان دەگەیەنێت، لە کۆتاییشدا بەشداربووان سوپاسی راگری پەیمانگەیان کرد و رایانگەیاند کە سوودێکی زۆریان لە وۆرکشۆپەکە بینیوە.

راگەیاندنیپەیمانگەیتەکنیکی_مێرگەسۆر

 

ڕاگری پەیمانگا پێشوازی لە پسپۆڕان و ئەکادیمییەکانی پەروەردەکردنی مێش هەنگ دەکات

ئەمرۆ دووشەممە 9ی ئەیلوولی 2024، د.طالب محمد شەریف عومەر راگری پەیمانگەی تەکنیکی مێرگەسۆر، پێشوازی لە تیمێکی پسپۆڕی هەنگەوانی و ئەکادیمی و بەرپرسی هەنگەوانانی هەرێمی کوردستانی کرد.

لە دیدارێکدا گفتۆگۆکرا لەسەر پێداویستی بەشەکان و بەرزکردنەوەی سەرچاوە ئەکادیمی و کردارییەکانی بەشی پەروەردەکردنی مێش هەنگ لە پەیمانگەی تەکنیکی مێرگەسۆر، و تیشکخرایە سەر چارەسەرکردنی ئەو کار و پێداویستی و ئاڵنگنرییانەی کە بەشی پەروەردەکردنی هەنگ ڕووبەڕووی دەبنەوە.

هەر لەو دیدارەدا پسپۆڕ و ئەکادیمییەکان تێڕوانینەکانیان لەسەر ڕەوتی ئێستای پیشەسازی، دەرفەتەکانی توێژینەوە، و بەکارهێنانی پراکتیکی پێویست بۆ پەرەپێدانی بەشەکە خستەڕوو. ئامانجی گفتوگۆکان ئەوە بوو کە قوتابیان تێگەیشتنێکی باشتریان لەسەر لایەنە زانستی و بازرگانییەکانی هەنگەوانی هەبێت، ئەمەش لەپێناو دڵنیابوون لەوەی کە ئامادەکارییەکی باشیان بۆ پیشەی داهاتوو لە بوارەکەدا کردووە.

بابەتەکانی سەرەکی کۆبوونەوەکە بریتی بوون لە باشترکردنی دەستڕاگەیشتنی قوتابیان بۆ دەرفەتەکانی کاری مەیدانی، بەرزکردنەوەی دامەزراوە تاقیگەییەکان بۆ لێکۆڵینەوە، و پەروەردەکردنی مێش هەنگ و هەماهەنگی لەگەڵ هەنگەوانانی ناوخۆیی.

بەرپرسی هەنگەوانانی هەرێمی کوردستان جەختی لە گرنگی ئەزموونی کردەیی کردەوە، بەشێوەیەک کە چۆن پشتگیری لە بەشداریکردنی قوتابیان بکرێت لەگەڵ کۆمەڵگەی هەنگەوانی ناوخۆیی.

ڕاگری پەیمانگە سوپاس و پێزانینی خۆی بۆ سەردانی پسپۆڕان و ئەکادیمییەکان دەربڕی و ئاماژەی بەوەکرد کە پەیمانگەی تەکنیکی مێرگەسۆر پابەندە بە پێشخستنی کشتوکاڵی بەردەوام و گونجاندنی بەرنامەکانی تایبت بە پەرەپێدانی دامەزراوەکە کە لەگەڵ پێداویستییە هەنووکەییەکانی گەشەسەندنی ناوچەکە و هەرێمەکەماندا بگونجێت.

لە دیدارەکە بە ڕێککەوتنێکی هاوبەش کۆتایی هات بۆ بەردەوامبوون لە هاوکاری نزیک بۆ دڵنیابوون لە سەرکەوتنی بەشی پەروەردەکردنی مێش هەنگ بەخێوکردن لە پەیمانگەی تەکنیکی مێرگەسۆر.

ئەم دەستپێشخەرییە پەیمانگەی تەکنیکی مێرگەسۆر هەنگاوێکی بەرچاوە لە پێشخستنی بواری ئەکادیمی کشتوکاڵی ئابووری و خزمەتگوزاری کۆمەڵایەتی لە ئیدارەی سەربەخۆی سۆران.

راگەیاندنیپەیمانگەیتەکنیکی_مێرگەسۆر

 

ڕاگری پەیمانگای تەکنیکی مێرگەسۆر بەشداری لە وۆرکشۆپێکی نێودەوڵەتی تایبەت بە دۆزینەوەی چارەسەر بۆ ئاڵنگارییەکان دەکات

ڕۆژانی پێنجشەممە و هەینی 5-6ی ئەیلولی 2024، د. طالب محەمەد شەریف عومەر ڕاگری پەیمانگەی تەکنیکی مێرگەسۆر-زانکۆی پۆلیتەکنیکی هەولێر بەشداری لە وۆرکشۆپێک کرد لەژێر ناونیشانی ” بە دۆزینەوەی چارەسەرێک ئاڵنگارییەکان لە رێگای دۆزینەوەی بەرهەمێک و ناساندی بە بازاری کار ” کە بۆ ژمارەیەک زانکۆ و پەیمانگە رێکخرابوو.

وۆرکشۆپەکە بۆ ماوەی دوو ڕۆژ لە هۆتێل ڕادیسۆنی هەولێر بەردەوام بوو و تایبەت بوو بە پرۆگرامێکی هەشت هەفتەیی بۆ بەستنەوەی قوتابیانی زانکۆکانی عێراق و ئوردن لەگەڵ قوتابیانی زانکۆکانی ئەمریکا بە مەبەستی بە دۆزینەوەی چارەسەرێک ئاڵنگارییەکان لە رێگای دۆزینەوەی بەرهەمێک و ناساندی بە بازاری کار .

مەبەست لە وۆرکشۆپەکە دۆزینەوەی باشترین چارەسەری بازرگانییە کە قوتابیان پەرە بە کارامەییەکانیان دەدەن بۆ هاوکاریکردن لە بواری کولتوورە جیاوازەکاندا و دۆزینەوەی چارەسەر بۆ کێشەکان، بەشێوەی تیم، ودۆزینەوەی بیرۆکەی بازرگانی داهێنەرانە بۆ چارەسەری گرفتەکان و دۆزینەوەی بەرهەمێک و ناساندنیان بە بازاری کار.

ئەم پرۆگرامە (The Global Solutions Sustainability Challenge) لە ژێر دەستپێشخەری ستیڤنز بەڕێوەدەچێت، کە لەلایەن رێکخراوی IREX ی ئەمریکییەوە جێبەجێ دەکرێت، پێشبڕکێیەکی دۆزینەوەی چارەسەری بەردەوام بۆئاڵنگارییەکان و بازرگانی کە قوتابیانی کۆلێژ لە ئەمریکا و ئوردن و عێراق لەسەر تیمە دوو نەتەوەییەکان بەیەکەوە لە تیمێکدا هاوکاری یەکتر دەکەن بۆ ئەوەی کار لەسەر چارەسەرێکی بەردەوام بۆ ئاستەنگە ناوخۆییەکانی پەیوەست بە ئامانجەکانی گەشەپێدانی بەردەوامی نەتەوە یەکگرتووەکان بکەن.

تیمە دوو نەتەوەییەکان لە ماوەی هەشت هەفتەدا لە ڕێگەی پرۆسەی بیرکردنەوەی دیزاینەوە بەشداری دەکەن بە بیرۆکەی چارەسەرێکی بەردەوام بۆ پێداویستییە ڕاستەقینەکان لە کۆمەڵگە ناوخۆییەکانیان.

پرۆگرامی گڵۆباڵ سۆڵیوشن ئاڵوگۆڕی لە رێگای ئۆنلاین بەکاردەهێنێت بۆ باشترکردنی لێکتێگەیشتن و توانای چارەسەرکردنی کێشە لە نێوان قوتابیادا. بە درێژایی چاڵێنجەکە، بەشداربووان پەرە بە تواناکانی هێزی کار دەدەن و تۆڕێک لەگەڵ پیشەوەرە پیشەسازییەکان دروست دەکەن.

چارەسەرە جیهانییەکان لەلایەن دامەزراوەی IREX جێبەجێ دەکرێت و لەلایەن دەستپێشخەری ئاڵوگۆڕی ئەم پرۆگرامە Christopher Stevens (JCSVEI) پشتگیری دەکرێت. JCSVEI پرۆگرامێکی نووسینگەی کاروباری پەروەردەیی و کولتووری وەزارەتی دەرەوەی ئەمریکایە کە لەلایەن پەیمانگای ئاسپێنەوە بەڕێوەدەبرێت.

راگەیاندنیپەیمانگەیتەکنیکی_مێرگەسۆر