Category Archives: سەرۆکایەتی زانکۆ

ڕۆژی شەممە 8ـی شوباتی 2025، بە سەرپەرشتی پ.ی.د.سیروان لەتیف حاجی ڕاگری کۆلێژی تەکنیکی سۆران، بە ئامادەبوونی پ.ی.د.هەتاو کەریم بەڕێوەبەری سەنتەری پەرەپێدانی کار لە زانکۆی پۆلیتەکنیکی هەولێر و مامۆستایان و قوتابییانی قۆناغی دووەم، لە مەڕاسیمێکدا هۆبەی سەنتەری پەرەپێدانی کار (CDC) لە کۆلێژی تەکنیکی سۆران کرایەوە.

لە مەڕاسیمەکە پ.ی.د. هەتاو کەریم بەڕێوەبەری سەنتەری پەرەپێدانی کار (CDC) لە زانکۆی پۆلیتەکنیکی هەولێر لە هۆڵی کۆنفڕانسی کۆلێژ، سیمینارێکی پێشکەش کرد و تیایدا ئامانجی کردنەوەی سەنتەرەکەی بۆ ئامادەبووان خستەڕوو، دواتر تیشکی خستەسەر ئامانج و چالاکییەکانی سەنتەر بۆ ئامادەکردنی قوتابییان بۆ بازاڕی کار.

هۆبەی سەنتەری پەرەپێدانی کار (CDC) لە کۆلێژی تەکنیکی سۆران بە مەبەستی پەرەپێدانی توانا و لێهاتوویی قوتابییان و کارمەندان دامەزراوە. ئەم سەنتەرە خزمەتگوزارییە جۆراوجۆرەکانی وەک ڕاهێنان، ڕاوێژکاری پیشەیی، و پەرەپێدانی پلانی کار دابین دەکات بۆ یارمەتیدانی قوتابییان لە گەشەکردنی پیشەیان و گەیشتن بە ئامانجەکانیان. هەروەها، CDC هەوڵ دەدات پەیوەندییەکی بەهێز لەگەڵ بازاڕی کار دروست بکات و یارمەتی قوتابییان بدات بۆ دۆزینەوەی دەرفەتی کار.

ژمارەیەک لە قوتابیانی کۆلێژی تەکنیکی تەندروستی و پزیشکی هەولێر سەربە زانکۆمان بەشدارییان لە پێشبڕکێی ThinkMed کرد کە لە میانی چالاکییەکانی پێشانگای تەندروستی نێودەوڵەتی مێدیكۆ بەڕێوەدەچێت.

 پڕۆژەی ThinkMed پێشبڕکێیەکی پزیشکی سەرنجڕاکێشە لە نێوان زانکۆ پزیشکییەکانی عێراق، لە ڕۆژی دووەمی (MEDICO 2025) دا جێگەی سەرنج بوو.

لە پێشبڕکێیەکەدا، قوتابیانی زانکۆی هەولێری پزیشکی بە ئەنجامی ٢٠ خاڵ بەرامبەر بە ١٨ خاڵ لە قوتابیانی کۆلێژی تەکنیکی تەندروستی و پزیشکی هەولێریان بردەوە.

 بڕیارە قۆناغەکانی دیکەی پێشبڕکێیەکە لە نێو پێشانگای نێوەدەوڵەتی تەندروستی میدیکۆ بەردەوام بێت.

بە سەرپەرپشتی پ.د.ئیدریس محەمەدی تاهیر هەرکی، سەرۆکی زانکۆی پۆلیتەکنیکی هەولێر، بەڕێوەبەری نوێی بەڕێوەبەرایەتی کاروباری یاسایی لە سەرۆکایەتی زانکۆی پۆلیتەکنیکی هەولێر دەست بەکاربوو.


لە ڕێوڕەسمێکدا سەرۆکی زانکۆی پۆلیتەکنیکی هەولێر فەرمانی گۆڕانکاری لە پۆستی بەڕێوەبەری بەڕێوەبەرایەتی کاروباری یاسایی لە سەرۆکایەتی زانکۆی پۆلیتەکنیکی هەولێری واژۆکرد.

لە ڕێوڕەسمەکەدا کە یاریدەدەرانی سەرۆکی زانکۆ، بەڕێوەبەری نووسینگەی سەرۆکی زانکۆ و بەڕێوەبەری کارگێری و خۆیەتی ئامادەی بوون، بەڕێز نمام سدیق وەک بەڕێوەبەری بەڕێوەبەرایەتی کاروباری یاسایی لە سەرۆکایەتی زانکۆ لە شوێنی سەرمەند حەمید کە پێشتر وێڕای ئەرکی بەڕێوبەری کارگێری و خۆیەتی، بەڕێوەبەری کاروباری یاساییش بە وەکالەت، دەست بەکاربوو.


لە وتەیەکدا، سەرۆکی زانکۆ پیرۆزبایی لە بەڕێز نمام سدیق کرد، وێڕای دەربڕینی پشتیوانی، هاوکات هیوای سەرکەوتنی بۆ خواست لە ئەرکی نوێیدا.
دواتر ئامادەبووان پیرۆزباییان لە بەڕێوەبەری نوێی بەڕێوەبەرایەتی کاروباری یاسایی کرد و دووپات پشتیوانیان بۆ کرد و ئومێدی سەرکەوتنیان بۆ خواست.

لەچوارچێوەی گرنگیدان بە پڕۆگرامەکانی تایبەت بە بەرزکردنەوەی ئاستی زانستی قوتابیانی زانکۆمان، زانکۆی ئەمریکی کوردستان – دهۆک سیمینارێک لەبارەی ناساندنی پڕۆگرامێکی تایبەت بە چۆنییەتی هاندانی لاوانی بەهرەمەند بە ئامانجی پەرەپێدان بە تواناکانیان و داهێنان بۆ بەرەنگاربوونەوەی ئەو ئاڵنگارییانەی کە رووبەڕووی کۆمەڵگا دەبنەوە، بۆ قوتابیانی زانکۆمان ئەنجام دەدات.

 بۆ ئەم مەبەستە سیمینارێک بەڕێوەدەچێت و لەمیانیدا باس لە ناساندنی ئەو پڕۆگرامە دەکرێت کە چەند تەوەرێک لەخۆ دەگرێت لەوانە “خوێندنی تەکنیکی، تەکنیکی تەندروستی، تەکنیکی کشتوکاڵ، تەکنەلۆجیای وزەی خاوێن، هەروەها گەیاندنی خزمەتگوزاری بانکی“.

بانگهێشت و هانی قوتابیانی زانکۆمان دەکەین بۆ بەشدارییکردن لەو سیمینارە بەتایبەتی قوتابیانی قۆناغی دووەم و سێیەمی بوارەکانی ئەندازیاری، تەندروستی و پزیشکی، تەکنەلۆجی و بازاڕگەری نێودەوڵەتی و زمان، کە لە کۆتاییدا ٤٢ قوتابی بەشداربووی سیمینارەکە لەدوای پرۆسەی چاوپێکەوتن دەست نیشان دەکرێن بۆ بەشدارییکردنیان لە خولێکی دوو هەفتەیی بۆ چۆنییەتی ئەنجامدانی پڕۆژە لە بوارەکانی ئاماژە پێکراوی سەرەوە و گشت خەرجییەکانی ئەو پڕۆگرامەش لەلایەن زانکۆی ئەمریکی کوردستان – دهۆک دابین دەکرێت.

شوێنی ئەنجامدانی سیمینارەکە: هۆڵی بۆنەکان لە سەنتەری رۆشنبیری لە کەمپی ١ی زانکۆمان
رۆژی دووشەممە رێکەوتی ١٠/٢/٢٠٢٥
کاتژمير (١٢:٣٠)ی نیوەڕۆ
بۆ زانیاری زیاتر دەتوانن کلیک لێـــــــــــرە بکەن.