Category Archives: سەرۆکایەتی زانکۆ

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، پێشوازیی لە ژمارەیەک خۆبەخشی رێکخراوی خۆبەخشی کوردستان Volunteer.krd کرد.

لە دیدارەکەدا کە سەرمەند بەرزنجی، بەڕێوەبەری کارگێری زانکۆمان ئامادەی بوو، خۆبەخشانی رێکخراوەکە کورتەیەکیان لەسەر کار و چالاکییەکان بۆ سەرۆکی زانکۆ خستەڕوو، هاوکات ئامادەیی خۆیان بۆ پێشکەشکردنی هەموو تواناکانی خۆیان بۆ زانکۆمان نیشاندا

لای خۆیەوە سەرۆکی زانکۆی پۆلیتەکنیکی هەولێر وێڕای بەخێرهاتنی شاندی رێکخراوی خۆبەخشی کوردستان، هاوکات هیوای بەردەوامی و سەرکەوتنی بۆ خواستن.

پ.د.ئیدریس محەمەد تاهیر هەرکی راشیگەیاند کە گرنگە رۆحییەتی خۆبەخشی لە هەموو کەسێکدا هەبێت، بەتایبەت لە دوای دەستەبەربوونی کار جا چ لە کەرتی گشتی بێت یان کەرتی تایبەت.

هەماهەنگی و کاری پێکەویی لە داهاتوودا، تەوەرێکی دیکەی دیدارەکە بوو.

هاوکات رێکخراوەکە وەک رێزگرتن لە ئەرکی مامۆستایانی زانکۆمان چەپکە گولێکیان پێشکەش بە پ.د.ئیدریس محەمەد تاهیر هەرکی کرد.

هەر لە چوارچێوەی کار و چالاکییەکانی رێکخراوەکە، بڕیارە لە چەند رۆژی داهاتوودا دیاریی تایبەت بەسەر ژمارەیەک لە مامۆستایانی زانکۆمان دابەش بکەن.

 

 

ڕۆژی چوارشەمە 11ـی ئۆکتۆبەری 2023، بەئامادەبوونی پ.د.ئیدریس محەمەد تاهیر هەرکی سەرۆکی زانکۆ و یاریدەدەرانی سەرۆکی زانکۆ و ئەندامانی ئەنجومەن، کۆبوونەوەی ئاسایی ئەنجومەنی زانکۆی پۆلیتەکنیکی هەولێر بەرێوەچوو.

لە کارنامەی کۆبوونەوەکەدا چەند پرسێک خرانە بەرباس و گفتوگۆ، و چەندین بابەت بڕیاریان لەبارەوە درا، کە تایبەت بوون بە کاروباری گشتی، کاروباری قوتابیان، کاروباری زانستی و خوێندنی باڵا ، کارگێری و دارایی و سەنتەری توێژینەوە، داواکاری قوتابیان، مۆڵەتی خوێندنی باڵا، ساڵنامەی خوێندن بۆ قۆناغی یەکەم، ساڵنامەی خوێندنی باڵا، کرێی خوێندن.

هەروەها لە کۆبوونەوەکەدا رۆژی بەڕێوەچوونی ئاهەنگی دەرچوونی قوتابیان دیاریکرا ئەم شێوەیەی خوارەوە:

رۆژی پێنج شەممە 19/10/2023، کۆلێژ و پەیمانگەکانی ناو سەنتەری شاری هەولێر و پەیمانگەی تەکنیکی خەبات لە هۆڵی سەنتەری رۆشنبیری زانکۆی پۆلیتەکنیکی هەولێر لە نێو کامپی کۆلێژی تەکنەلۆجی هەولێر بەڕێوەدەچێت بە پێی ئەو کاتەی بۆیان دیاریکراوە:

• کۆلێژەکانی تەکنیکی ئەندازیاری، کارگێری و تەندروستی، کاتژمێر 10 بۆ 11 بەیانی دەبێت.
• کۆلێژی تەکنەلۆجی هەولێر و پەیمانگەی تەکنیکی خەبات کاتژمێر 12 بۆ 1، پەیمانگەی تەکنیکی کارگێری هەولێر بەیانیان کاتژمێر 2 بۆ 3 و پەیمانگەی تەکنیکی کارگێری هەولێر/ ئێواران کاتژمێر 3 بۆ 4 دەبێت.
• ڕۆژی شەمە 21/10/2023 (لە هەمان هۆڵ) کاتژمێر 10:30 بۆ 11:30 ئاهەنگی دەرچوونی قوتابییانی پەیمانگەی تەکنیکی پزیشکی هەولێر بەڕێوەدەچێت.

هەرچی کۆلێژ و پەیمانگەکانی دەرەوەی سەنتەری شاری هەولێرە لە کۆلێژ و پەیمانگەکانی خۆیاندا ئاهەنگی دەرچوونیان بەم شێوەیەی خوارەوە بەڕێوەدەچێت:

• ڕۆژی یەکشەمە 22/10/2023، کاتژمێر 10 بۆ 11 پەیمانگەی تەکنیکی چۆمان و کاتژمێر 11 بۆ 12 پەیمانگەی تەکنیکی سۆران و کۆلیژی تەکنیکی شەقڵاوە کاتژمێر 3 بۆ 4 ئاهەنگی دەرچوونی قوتابییانیان سازدەکەن.
• ڕۆژی دووشەمە 23/10/2023، کاتژمێر 11 بۆ 12 پەیمانگەی تەکنیکی مێرگەسۆر و کاتژمێر 2‌بۆ 3 پەیمانگەی تەکنیکی کۆیە ئاهەنگی دەرچوونی قوتابییانیان ساز دەکەن.

شایانی باسە ڕۆژانی 24 تا 26ـی 10ـی 2023، پێشانگای هەلی کار بۆ سەرجەم دەرچووانی زانکۆی پۆلیتەکنیکی هەولێر لە ناو کەمپی کۆلێژی تەکنەلۆجی هەولێر بەڕێوەدەچێت.

زانکۆی پۆلیتەکنیکی هەولێر ناوی سێ یەکەمەکانی سەر ئاستی بەشە زانستیەکانی کۆلێژ(ئەو بەشانەی بڕوانامەی دبلۆم دەبەخشن) و پەیمانگە تەکنیکیەکان بۆ ساڵی خوێندنی 2022-2023 رادەگەیەنێت.

هەر دەرچوویەك گازاندەی هەیە لە ئەنجامەکان پێویستە لە ماوەی 48 کاتژمێر سەردانی بەش و راگرایەتی پەیمانگە و کۆلیژە تەکنیکیەکان بکات بۆ پێشکەش کردنی سکاڵاکەی.

کلیک لـــــــــــــــێــــــــــرە بکە بۆ بینینی لیستی ناوەکان.

بە ئامادەبوونی پ.ی.د نەجیب تۆما بتۆ یاریدەدەری سەرۆکی زانکۆ بۆ کاروباری زانستی بەشداری کردنی د. سەلار عثمان علی بە شێوەی ئۆنلاین کۆبوونەوەکانی پڕۆژەی کامپلۆس لە شاری لاریسا لە ووڵاتی یۆنان بەڕێوەچوو کە بۆ ماوەی 3 رۆژ 3تا5ـی ئۆکتۆبەری 2023 بەردەوام بوو.

ئەم پڕۆژەیە ئەنجام ئەدرێت لە لایەن زانکۆی پۆلیتەکنیکی هەولێر بە هاوبەشی هەندێ لە دەزگاکانی ئەورووپی (IRSEI ئیتالی ، CMA فەرەنسی ، iED یۆنانی ، VPL ئەڵمانی CEIPES هۆڵەندی).

ئامانجی پڕۆژەکە بەهێزکردنی تواناو کارامەیی گەنج و لاوانە لە ئاوارە و پەنابەرەکان لە شاری هەولێر و شاری لاریسا لە یۆنان بۆ ئەوەی بتوانن تێکەڵی کۆمەڵگابن یاخود ببن بە خاوەن پڕۆژەی تایبەت بە خۆیان.