رۆژی یەکشەممه ١١/١٣ ٢٠٢٣، کۆبوونەوەی سێیەمی ئاسایی ئەنجوومەنی کۆلێژ ، بە سەرۆکایەتی م باکستان حمدامین یوسف ، سەرۆکی زانکۆ، بەڕێوەچوو. لە سەرەتای کۆبوونەوەکەدا، بەرێز سەرۆکی زانکۆ بەخێرهاتنی ئەندامانی ئەنجوومەنی کرد و دواتر بە تێروتەسەلی گفتوگۆ لە سەر خاڵەکانی کارنامەی کۆبوونەوەکە کرا و چەند بڕیارێک لەبارەیانەوە دەرکرا.
ڕۆژی دووشەممە ٢٠٢٢/١١/١٣ ، سەردانی بەڕێز ( م. پاکستان محەمەدئەمین یوسف ) ڕاگری کۆلێژ ، لەگەڵ ئەندامانی ئەنجومەنی کۆلێژ ، بۆ بەڕێوەبەرایەتی پەروەردەی سۆران بەمەبەستی پیرۆزبایی دەستبەکاربوونی بەڕێز ( م.حەسەن محەمەد ساڵح ) وەک بەڕێوەبەری پەروەردەی سۆران.
** سەردانی شاندی کۆلێژەکەمان بۆ لای بەڕێز (د.حەمرین مینە ئەحمەد ) بەمەبەستی پیرۆزبایی و دەست بەکاربوونی وەکو بەڕێوەبەری تەندروستی سۆران.
لە سەردانەکەدا هەردوولا ئامادەیی هاوکاری و هەماهەنگی زیاتریان بۆ زیاتر خزمەتکردنی قوتابیان و دەڤەرەکەمان دووپاتکردەوە.
*** ئەمڕۆ ڕاگری کۆلێژەکەمان بە یاوەری شاندێک سەردانی بەڕێز (محسن هاشم مزووری )یان کرد کە ئامانجی سەردانەکە بەمەبەستی گەیاندنی پیرۆزبایی و دەست بەکاربوونی ناوبراو بوو ، وەکو بەرپرسی لیژنەی ناوچەی سۆران.
ڕاگەیاندنی کۆلێژی تەکنیکی سۆران
٢٠٢٣/١١/١٣
ڕۆژی یەک شەممە ٢٠٢٣/١٠/٢٢ ، لەهۆڵی بۆنەکانی سۆران لەژێر چاودێری وەزیری خوێندنی باڵا وتوێژینەوەی زانستی ، رێورەسمی ئاهەنگی دەرچوونی قوتابییانی کۆلێژی تەکنیکی سۆران لەژێر ناونیشانی “خولی خۆڕاگری” بەڕێوەچوو کە تیایدا قوتابییانی ( بەیانیان و ئێواران )ـی هەریەکە لە بەشەکانی ( پەرستاری ، ئافرەتان و لەدایکبوون ، شیکاری نەخۆشییەکان ، تەکنەلۆجیای زانیاری ، ژمێریاری ، کارگێری کار ) سوێندیان خوارد و سەرۆکی زانکۆش بڕوانامەی دبلۆمی بە قوتابیانی دەرچوو بەخشی و قوتابیان دڵخۆشبوون بە دەرچوونیان.
ئاهەنگەکە بە ئامادەبوونی هەریەکە لە بەڕێزان هەڵگورد شێخ نەجیب ، سەرپەرشتیاری ئیدارەی سەربەخۆی سۆران و بەهرام عەریف یاسین بەرپرسی لقی 10 و ئەندامی کۆمیتەی ناوەندی پارتی دیموکراتی کوردستان و پ.د ئیدریس محەمەد طاهر هەرکی ، سەرۆکی زانکۆی پۆلیتەکنیکی ھەولێر و د.یوسف مصطفی ڕسوڵ یاریدەدەری سەرۆکی زانکۆ بۆ کاروباری قوتابیان و م. پاکستان محەمەدئەمین یوسف ڕاگری کۆلێژ و ئـەنجومەنی کۆلێژ و میوانانی حزبی و حکومی و کەسوکاری قوتابیان بەڕێوەچوو.
دەستخۆشی و ماندوونەبوون لە بەڕێز م. عەبدولباست مەلا عەلی سەرۆکی لیژنەی باڵای ئـاھەنگ کە سەرپەرشتی کارەکانی دەکرد و سوپاسی مامۆستایان و فەرمانبەران و بەرپرسانی لیژنەی قوتابیانی کۆلێژەکەمان بەیانیان و ئێواران و گشت ئەندامانی لیژنەی باڵای ئاهەنگی کۆلێژەکەمان دەکەین کە ھاوکارمان بوون لە بەڕێوەچوونی مەڕاسیمەکە ، پیرۆزبایی لە گشت قوتابیانی دەرچوو دەکەین و ھیوای دواڕۆژیکی گەش بۆ گشت قوتابیان دەخوازین .
ڕاگەیاندنی کۆلێژی تەکنیکی سۆران 
ڕۆژی دووشەممە ڕێکەوتی ٢٠٢٣/١٠/١٦ ( م. پاکستان محەمەد ئەمین یوسف ) ڕاگری کۆلێژی تەکنیکی سۆران پێشوازی کرد لە هەریەکە لە شاندی سەرۆکایەتی زانکۆی پۆلیتەکنیکی هەولێر سەرۆکی لیژنە بەڕێز ( ئەحمەد شێرکۆ ) و ئەندامانی لیژنە هەریەکە لە بەڕێزان ( ساڵح ڕەسوول محەمەدئەمین نوێنەری گەنجینەی سۆران ، ڕائید ڕەوەند نوێنەری بەرگری شارستانی سۆران ) .
دواتر ئەندامانی شاندەکە ، بە ئامادەبوونی (م. فاخر محەمەدئەمین) بەرپرسی هۆبەی بەشەناوخۆییەکان و ئەندامی لێژنە و لیژنەی تەندروستی و سەلامەتی کۆلێژەکەمان ، سەردانی بەشەناخۆیی کوڕانیان کرد بە مەبەستی بە کرێ گرتنی بینایەی بەشەناوخۆیی و نوێ کردنەوەی گرێبەست و پێدانی ڕێنمایی و هەبوونی خاڵەکانی مەرجی تەندروستی لە بینایەکەدا .
