Category Archives: کۆلێژی تەکنیکی سۆران

ڕۆژی پێنجشەممە 16ـی کانوونی دووەمی 2024، بە هاوکاری و هەماهەنگی نووسینگەی ڕێزدار مەلا مستەفا بارزانی، قوتابییانی قۆناغی یەکەمی بەیانیان و ئێواران لە بەشی پەرستاری – کۆلێژی تەکنیکی سۆران، گەشتێکی زانستی ـیان بۆ بارزان ئەنجامدا و له‌لایه‌ن بەرێز خه‌ڵات بارزانی، نوێنه‌ری سه‌رۆك بارزانی پێشوازی كران.

لەم گەشتە زانستییەدا، لەلایەن سەرپەرشتیارانی مۆنۆمێنت و بە ئامادەبوونی مامۆستا زرار موحسین محەمەد عەلی جێگری ڕاگری کۆلێژی تەکنیکی سۆران و مامۆستایانی بابەت، وانەی جینۆساید بەشێوەی مەیدانی لە مۆنۆمێنتی بارزانییە جینۆسایدکراوەکان لە بارزان پێشکەشی قوتابییان کرا.

 

ڕۆژی سێشەممە 14ـی کانوونی دووەمی 2025، بە پاڵپشتی و هەماهەنگی نووسینگەی ڕێزدار مەلا مستەفا بارزانی، قوتابییانی بەشی ئافرەتان و لەدایکبوونی کۆلێژی تەکنیکی سۆران / قۆناغی یەکەمی بەیانیان و ئێواران، گەشتێکی زانستی ـیان بۆ بارزان ئەنجامدا.

لە گەشتە زانستییەکەدا قوتابییانمان وانەی جینۆسایدیان بەشێوەی مەیدانی لە مۆنۆمێنتی ئەنفالی بارزانییەکان، لەلایەن سەرپەرشتیارانی مۆنۆمێنت و بە ئامادەبوونی پ.ی.د.سیروان لەتیف حاجی ڕاگری کۆلێژی تەکنیکی سۆران و مامۆستایانی بابەت وەرگرت.

له‌چوارچێوه‌ی سه‌ردانه‌ زانستییه‌كه‌یان بۆ ده‌ڤه‌ری بارزان تا به‌شێوه‌ی مه‌یدانی وانه‌ی جینۆساید بخوێنن، ڕاگری کۆڵێژ و مامۆستایان و قوتابییانی کۆلێژەکەمان ، سه‌ردانی مه‌زاری نه‌مرانییان كرد و له‌لایه‌ن شێخ خه‌ڵات بارزانی، نوێنه‌ری سه‌رۆك بارزانی پێشوازی لێكران.

 

ڕۆژی سێشەممە 17ـی کانوونی یەکەمی 2024، بە ئامادەبوونی پ.ی.د.سیروان لەتیف حاجی و د. ڕێبوار بابکەیی بەرپرسی لقی 10ـی پارتی دیموکراتی کوردستان و بەرپرسانی حکومی و حزبی و ئەندامانی ئەنجومەن و ماموستایان و بە هەماهەنگی لیژنەی نوێنەرایەتی قوتابییان و دەزگای پاراستنی ئاڵای کوردستان / نووسینگەی سۆران، رێورەسمێكی شایستە بەبۆنەی رۆژی ئاڵا سازكرا.

مەڕاسیمەکە، ووتار و شیعر و شانۆگەری و سروودی نیشتمانی و نەخشاندنی تابلۆی کوردستانی لەخۆ گرتبوو، كە سەرجەمیان باسیان لە بەرز و پیرۆزی ئاڵای كوردستان دەكرد.

ڕۆژی یەکشەممە 1ـی کانوونی یەکەمی 2024، قوتابییانی قۆناغی دووەمی بەشی ئافرەتان و لەدایکبوون بە سەرپەرشتی مامۆستایان (م. ئازاد حوسێن و م.ئەسعەد سەید عەزیز) لە وانەی پراکتیکی (Community health nursing) سەردانی بنکەی تەندروستی هەرێم یان لە سۆران کرد.

لە سەردانەکەدا قوتابییانمان ئاشناکران بە بەشەکانی بنکەی تەندروستی و گرنگی بنکە تەندروستییەکان لە پێشکەش کردنی خزمەتگوزارییە تەندروستییە سەرەتاییەکان، بەتایبەت بەشەکانی کوتان و چاودێری دایکانی دووگیان و چاودێری گەشەی کۆرپەلە.

بەناوی ڕاگرایەتی کۆلێژ و سەرۆکایەتی بەشی ئافرەتان و لەدایک بوون، سوپاسی بەرێوبەرایەتی تەندروستی سۆران و بەڕێوبەری بنکە و کارمەندانی بنکەی تەندروستی هەرێم دەکەین کە هاوکاری قوتابییانمان بوون.