نووسینگەی یاریدەدەری سەرۆکی زانکۆ بۆ کاروباری زانستی و خوێندنی باڵای زانکۆی پۆلیتەکنیکی هەولێر لیستەکانی خاڵبەندی بۆ پلانی مۆڵەتی خوێندنی تایبەت بە مامۆستایان و فەرمانبەرانی سەر بە میلاکی زانکۆی پۆلیتەکنیکی هەولێری بۆ ساڵی 2023-2024 ـی راگەیاند، .
هەر فەرمانبەر یاخود مامۆستایەکی بەڕێز لە ئەنجامەکان رازی نییە دەتوانێت تانە لە ئەنجامەکان بگرێت لە رۆژی چوارشەممە 24/5/2023 تاکو کۆتایی دەوامی فەرمی رۆژی یەکشەممە 28/5/2023.
بۆ بینینی لیستی خاڵبەندی پسپۆڕییە جیاوازەکان لێــــــــــــــرە کلیک بکە.
رۆژی سێ شەممە 23ـی ئایاری 2023 سەرۆکی زانکۆ پ. د. ئیدریس محمدتاهیر هەرکی پێشوازی کرد لە بەڕێز عەلا ئەلزیادی، نوێنەری بەشی کاروباری مەعاریفی ئیسلامی لە عەتبەی عەباسی پیرۆز لە کەربەلا و شاندی یاوەری.
لە دیدارێکدا کە هەریەک لە یاریدەدەری سەرۆکی زانکۆ بۆ کارورباری زانستی و بەڕێوبەری پەیوەندییە نێودەوڵەتییەکانی سەرۆکایەتی زانکۆ و د.محمد زەهاوی رێکخەری بەشەکە ئامادەیبوون، شاندی میوان خۆشحاڵی خۆیان دەربڕی بەناسین و سەردانیکردنی زانکۆمان و رایانگەیاند بەخۆشحاڵیەوە ئامادەن هەنگاوی جددی بنێن بۆ هاوکاری و هەماهەنگی کردن بۆ بەهێزکردنی پەیوەندی زانکۆکەمان لەگەڵ زانکۆکانی تری عێراق بەگشتی و زانکۆکانی کەربەلا بەتایبەتی.
هەر لەو دیدارەدا سەرۆکی زاکۆ باسی لە گرنگی بوونی پەیوەندی و هەماهەنگی نێوان زانکۆکان و قوتابیانی کرد لەگەڵ یەکتری وەک پەیوەندی دروست کردن لە نێوان قوتابیانی زانکۆکەمان و قوتابیانی کەربەلا بۆ گۆرینەوەی راو تێبینی و زانست و زانیاری و شارەزابوون لەداب و نەریت و کلتوری یەکتری، هەروەها جەختی کردەوە لەسەر بەهێزبوونی پەیوەندییە ئەکادیمییەکان لەگەڵ زانکۆکانی کەربەلاو زانکۆکانی تری عێراق.
لە کۆتایی دیدارەکەشدا نوێنەری دامەزراوەکە 3 دانە کتێبی وەک دیاری پێشکەشی سەرۆکی زانکۆ کرد.
رۆژی دووشەممە رێکەوتی 22ـی ئایاری 2023 پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر سەردانی کۆلێژی تەکنیکی سۆرانی کرد و لەلایەن راگری کۆلێژ م. پاکستان محەمەد امین یوسف و مامۆستایانەوە پێشوازی لێکرا.
سەرۆکی زانکۆ پ.د. ئیدریس هەرکی بە مەبەستی ئاگاداربوون لە بەڕێوەچوونی تاقیکردنەوەکان سەردانی لێژنەی تاقیکردنەوەکانی کرد و لە دانیشتنێکدا ئەرک و ماندوبوونیانی بەرز نرخاندن و دەستخۆشی لە لێژنەی ناوبراو و مامۆستایان کرد، دواتر هۆڵەکانی تاقیکردنەوەی بەسەرکردەوە و لە نزیکەوە لە چۆنییەتی بەڕێوەچوونی تاقیکردنەوەکانی کۆڵییەوە. هەروەها بۆ ئاگاداربوون لە کێشە و گیروگرفتەکانی قوتابیان، لە نزیکەوە گفتوگۆی لەگەڵ ئەنجامدان.
هەر لەو سەردانەیدا د. ئیدریس هەرکی بەشێک لەو پڕۆژانەی بەسەرکردەوە کە لە ماوەی رابردوو ئەنجامدراون ئەوانەش کە ئێستادا لەبواری جێبەجێ کردندان.
رۆژی یەکشەممە رێکەوتی 21ـی ئایاری 2023 سەرۆکی زانکۆ پ.د.ئیدریس محەمەد تاهیر هەرکی هۆڵی تاقیکردنەوەکانی هەردوو کۆلێژی تەکنیکی کارگێڕی و ئەندازیاری هەولێری بەسەر کردەوە.
سەرۆکی زانکۆ لە سەردانەکەیدا لە چۆنیەتی بەرێوەچوونی تاقیکردنەوەکانی لە هەردوو کۆلێژەکە کۆڵییەوە و لە کێشە و گیروگرفتەکانی و قوتابیانی پرسی و لە نزیکەوە گفتوگۆی لەگەڵ قوتابیان کرد.
دواتر سەردانی لێژنەی تاقیکردنەوەکانی کرد و لەنزیکەوە و رێنوێنی پێویستی بە لێژنەکە دا و ڕاگەیاند: ڕاستە ماندوودەبن بەڵام کارەکەتان پیرۆزە و دەبێت ڕەزامەندی خوای گەورە بەدەست بهێنن و جیاوازی نەکەن و خۆتان بپارێزن، چونکە قوتابی هەیە شەونخونی زۆر دەکات و دایک و باوکی پێیەوە ماندوو دەبن بۆیە دەبێت ئەو هەوڵ و ماندووبوونەی قوتابی و دایک و باوکیانتان لەبەرچاوبێت.
لە کۆتایی سەردانەکەیدا د. ئیدریس هەرکی هاوڕێ لەگەڵ بەڕێوبەرایەتی ئەندازە و پرۆژەکانی سەرۆکایەتی زانکۆ لە ناو کەمپەکە باسیان لە دیاریکردنی شوێنێکی گونجاو کرد بەمەبەستی دروستکردنی یاریگایەکی شەش یاریزانی بۆ هەردوو کۆلێژ بۆ بۆ ئەنجامدانی چالاکییە وەرزشییەکانی قوتابیان و فەرمانبەران و مامۆستایان.
