Category Archives: سەرۆکایەتی زانکۆ

رۆژی سێشەمە 12ـی ئەیلولی 2023، پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بە یاوەری یاریدەدەری سەرۆکی زانکۆ بۆ کاروباری زانستی و مامۆستا انزار بهجت ابراهیم به‌رێوه‌به‌ری ئه‌ندازە و پڕۆژەکانی سەرۆکایەتی چەندین پڕۆژەی نوێی لەناو کەمپی کۆلێژی تەکنەلۆجی هەولێر و پەیمانگەی تەکنیکی کارگێری هەولێر بەسەرکردەوە.

سەرۆکی زانکۆ و شاندی یاوەری بۆ لە نزیکەوە ئاگاداربوون لەچۆنیەتی بەرێوەچوونی پڕۆژەکان و کارکردن تێیاندا پڕۆژەکانیان بەسەرکردەوە کە خۆی لە چەند پڕۆژەیەکی گرنگ بۆ مامۆستایان و فەرمانبەران و قوتابیان دەبینێتەوە و لە رێگەیانەوە ژینگەیەکی تەندروست و لەبار بۆ خوێندن لەپەیمانگە و کۆلێژەکان دەڕەخسێت، پڕۆژەکان بریتین لە پڕۆژەی سەنتەری توێژینەوەو تەکنەلۆجیای زانیاری، پڕۆژەی پاشکۆی یاریگای وەرزشی لەکەمپی تەکنەلۆجی هەولێر، پڕۆژەی نۆژەنکردنەوەی شوورەی کەمپی تەکنەلۆجی ، پڕۆژەی دروستکردنی تاقیگەکان لەکەمپی تەکنەلۆجی.

ئەمڕۆ سێشەممە 12ـی ئەیلولی 2023، لەژێر چاودێری پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، خولی راهێنانی (دەستپێک) دەستی پێکرد، کە پرۆژەیەکی گرنگە و سوودی زۆری هەیە بۆ قوتابیان و دەرچووانی زانکۆی پۆلیتەکنیکی هەولێر بۆ دۆزینەوەی هەلی کار و بوون بەخاوەن کاری تایبەت بە خۆیان لەڕێگای پڕۆژەی داهێنان و پێشبڕکێ کردن.

پڕۆژه‌ی ده‌ستپێك پێشبڕكێیه‌كی تایبه‌ت بۆ ده‌ست پێشخه‌ری كارە کە زانكۆی پۆلیته‌كنیكی هه‌ولێر شانبه‌شانی شه‌ش زانكۆی دیکەی هه‌رێمی كوردستان تیایدا به‌شداره ‌و له‌ لایه‌ن دامه‌زراوه‌ی (GIZ)ـی ئه‌ڵمانییه‌وه‌ به‌ڕێوه‌ده‌برێت هاوکاری وه‌زاره‌تی خوێندنی باڵا و توێژینه‌وه‌ی زانستی و لەلایەن هەریەک لەڕاهێنەران مامۆستا کۆڤان عومەرو مامۆستا زانیار جەبار ڕاهێنان بە بەشداربووان دەکرێت، ئەم پرۆژه‌یه‌ پاڵپشتی دارایی ده‌كرێت له‌ لایه‌ن یه‌كێتی ئه‌وروپا،  ئەو پڕۆژەیە هانی ده‌رچووان و قوتابیانی زانكۆ ده‌دات بیرۆکەی کار و بزنسی خۆیان پەرە پێبدەن و کاربکەن بۆ دامەزراندنی کاری سەربەخۆی خۆیان، لەقۆناغی سه‌ره‌تادا (60)  ده‌رچوو و فێرخواز سوودمەند دەبن.

له‌ڕێگەی ئه‌م پرۆژه‌یه‌وه‌ قوتابیان و ده‌رچووانی زانكۆی پۆلیته‌كنیكی هه‌ولێر ده‌توانن به‌شداربن له‌ خولێكی ڕاهێنانی دوو ڕۆژه ‌و تیایدا كار ده‌كه‌ن له‌سه‌ر بنیاتنانی پرۆژه‌یه‌كی كار به‌شێوه‌ی تیم و دواتر دوو تیم هه‌ڵده‌بژێردرێن بۆ قۆناغی داهاتووی پێشبڕكێكه‌ شان به‌شانی تیمه‌كانی تری زانكۆ به‌شداربووه‌كانی ئه‌م پرۆگرامه‌، ئینجا ڕاهێنانی چڕیان پێ ده‌كرێت و له‌قۆناغی كۆتاییدا له ‌ڕێوره‌سمێكی شایسته‌ی تایبه‌تدا تیمه‌ سه‌ركه‌وتووه‌كان پرۆژه‌كانیان پێشكه‌ش ده‌كه‌ن.

ئامانجه‌كانی پڕۆژه‌ی ده‌ستپێك بریتین لە: گۆڕینی تێڕوانین و بیركردنه‌وه‌ی قوتابیان و ده‌رچوانی زانكۆ ده‌رباره‌ی كاركردنیان له‌داهاتوو، ئاشنا بوون بۆ ده‌ست پێشخه‌ری كارو پێشه‌نگی بازرگانی، هه‌نگاوه كرده‌ییه‌كانی بنیاتنانی كارو بازرگانی، به‌ره‌وپێشبردن و به‌رزكردنه‌وه‌ی توانای كاركردن به‌ تیم به‌شێوه‌یه‌كی كرداری.

رۆژی دووشەممە 11ـی ئەیلولی 2023، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پێشوازی کرد لە شاندێکی زانکۆی تۆرڤیرگاتای ئیتاڵی کە پێکهاتبوون لە بەڕێزان دکتۆر دانێل فیت پاڵدی و دکتۆرە گلارە فوئاد حەسەن.

لە دیدارێکدا کە ژمارەیەک ئەندامی ئەنجومەنی زانکۆ و بەڕێوبەری پەیوەندییە نێودەوڵەتییەکان ئامادەیبوون، دوای ناساندنی زانکۆمان بە شاندی میوان، گفتوگۆکرا دەربارەی دروستکردنی پەیوەندیی ئەکادیمی و زانستی لە نێوان زانکۆی پۆلیتەکنیکی هەولێر و زانکۆی تۆرڤیرگاتا، و هەردوولا کۆک بوون لەسەر واژووکردنی رێککەوتننامەیەکی لێکتێگەیشتن بەمەبەستی ئەنجامدانی چالاکی زانستی وەک کۆنفرانسی زانستی و ئەنجامدانی توێژینەوەی زانستی هاوبەش لە نێوان مامۆستایانی هەردوو زانکۆ.

هەر لە دانیشتنەکەدا تیشک خرایە سەر ستراتیژیەتی کارکردن و توانای زانکۆمان و ئەو بەرنامە سەرکەوتووانەی لەگەڵ زانکۆکانی دیکەی جیهانی وڵاتان بە هاوبەشی ئەنجامیان دەدات، بەتایبەتی ئاڵوگۆری قوتابیییان کە جێگای دڵخۆشییە زانکۆی پۆلیتەکنیکی هەولێر ساڵانە زیاتر لە 30 بۆ 40 قوتابی زانکۆمان لە دەرەوەی وڵات ڕاهێنان دەکەن کە بەهۆیەوە ئەزموون و زانست و زانیاری پێویست وەردەگرن بەسەرکەوتوویی راهێنانەکان تەواو دەکەن.

رۆژی یەکشەممە 10ـی ئەیلولی 2023، پ.د.ئیدریس محمد تاهیر هەرکی سەرۆکی زانکۆی پۆلیتەکنیکی هەولێر پێشوازی کرد لە شاندێکی رێکخراوی خاچی سووری نێونەتەوەیی.

لە دیدارێکدا کە یاریدەدەرانی سەرۆکی زانکۆ بۆ کاروباری زانستی، کارگێڕی و دارایی و بەڕێوبەری پەیوەندییە نێودەوڵەتییەکان و سەرۆکی بەشی پەلی دەستکرد و پاڵپشتەکان ئامادەیبوون، گفتوگرکرا دەربارەی بەردەوامی بوونی بەشی پەلی دەستکرد و پاڵپەشتەکان کە لە ئێستا کە خاچی سوری نێونەتەوەیی گشت خەرجیەکانی لە ئەستۆگرتووە هەروەها لە قوناغەکانی داهاتوو دوای ئەوەی بەرپرسیارییەتی ئەو بەشە دەکەوێتە ژێر چاودێری زانکۆمان.

هاوکات هەڵسەنگێنەرێکی نێونەتەوەییش یاوەری شاندەکە بوو کە هەڵسەنگاندن بۆ پرۆگرام و تاقیگەکانی بەشی پەلی دەستکرد و پاڵپشتەکان دەکات.