Category Archives: سەرۆکایەتی زانکۆ

سیمینارێک لەبارەی ناساندنی پرۆگرامێکی “Innovation Challenge Bootcamp” تایبەت بە زانکۆی ئەمریکی کوردستان – دهۆک بۆ قوتابیانی زانکۆمان ئەنجام دەدرێت

لەچوارچێوەی گرنگیدان بە پڕۆگرامەکانی تایبەت بە بەرزکردنەوەی ئاستی زانستی قوتابیانی زانکۆمان، زانکۆی ئەمریکی کوردستان – دهۆک سیمینارێک لەبارەی ناساندنی پڕۆگرامێکی تایبەت بە چۆنییەتی هاندانی لاوانی بەهرەمەند بە ئامانجی پەرەپێدان بە تواناکانیان و داهێنان بۆ بەرەنگاربوونەوەی ئەو ئاڵنگارییانەی کە رووبەڕووی کۆمەڵگا دەبنەوە، بۆ قوتابیانی زانکۆمان ئەنجام دەدات.


 
بۆ ئەم مەبەستە سیمینارێک بەڕێوەدەچێت و لەمیانیدا باس لە ناساندنی ئەو پڕۆگرامە دەکرێت کە چەند تەوەرێک لەخۆ دەگرێت لەوانە خوێندنی تەکنیکی، تەکنیکی تەندروستی، تەکنیکی کشتوکاڵ، تەکنەلۆجیای وزەی خاوێن، هەروەها گەیاندنی خزمەتگوزاری بانکی“.


بانگهێشت و هانی قوتابیانی زانکۆمان دەکەین بۆ بەشدارییکردن لەو سیمینارە بەتایبەتی قوتابیانی قۆناغی دووەم و سێیەمی بوارەکانی ئەندازیاری، تەندروستی و پزیشکی، تەکنەلۆجی و بازاڕگەری نێودەوڵەتی و زمان، کە لە کۆتاییدا ٤٢ قوتابی بەشداربووی سیمینارەکە لەدوای پرۆسەی چاوپێکەوتن دەست نیشان دەکرێن بۆ بەشدارییکردنیان لە خولێکی دوو هەفتەیی بۆ چۆنییەتی ئەنجامدانی پڕۆژە لە بوارەکانی ئاماژە پێکراوی سەرەوە و گشت خەرجییەکانی ئەو پڕۆگرامەش لەلایەن زانکۆی ئەمریکی کوردستان – دهۆک دابین دەکرێت.


شوێنی ئەنجامدانی سیمینارەکە: هۆڵی بۆنەکان لە سەنتەری رۆشنبیری لە کەمپی ١ی زانکۆمان
رۆژی دووشەممە رێکەوتی ١٠/٢/٢٠٢٥
کاتژمير (١٢:٣٠)ی نیوەڕۆ
بۆ زانیاری زیاتر دەتوانن کلیک لێـــــــــــرە بکەن.

ڕاگری کۆلێژی تەکنیکی تەندروستی و پزیشکی و ڕاگری پەیمانگەی تەکنیکی پزیشکی بە نوێنەرایەتی سەرۆکی زانکۆ بەشدارییان لە سیمپۆزیەمی ئاراستە نوێیەکانی نەخۆشی شێرپەنجە لە هەرێمی کورستان کرد

پ.ی.د.مراد امیر احمد ڕاگری کۆلێژی تەکنیکی تەندروستی و پزیشکی هەولێر و پ.ی.د.تیران جمیل پیرۆ ڕاگری پەیمانگەی تەکنیکی پزیشکی هەولێر بە نوێنەرایەتی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بەشداریی کرد لە سیمپۆزیەمی ئاراستە نوێیەکانی نەخۆشی شێرپەنجە لە هەرێمی کوردستان – عێراق کرد کە لەلایەن بەشی بایۆلۆجی/ کۆلێژی پەروەردە/ زانکۆی سەلاحەدین -هەولێر ڕێکخرابوو.

لە پەراوێزی سیمپۆزیەمەکەد، پ.ی.د.مراد امیر احمد، ڕاگری کۆلێژی تەکنیکی تەندروستی و پزیشکی هەولێر دەستخۆشی لە ڕێکخەرانی ئەو چالاکییە زانستییە کرد و ئومێدی خواست دەرەنجامەکانی خزمەت بە کەرتی تەندروستی و کۆمەڵگە بکات.

 

زانکۆی پۆلیتەکنیکی هەولێر میوانداری سیمینارێکی کرد دەربارەی متمانە بەخشین بە دەزگاکانی پەروەردە و خوێندنی باڵا

ئەمڕۆ دووشەممە ڕێکەوتی  3/2/2025بە ئامادە بوونی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، د.محمد حسین کەلاری سەرۆکی دەزگای سەرپەرشتی و دڵنیایی جۆری لە وەزارەتی خوێندنی باڵا و توێژینەوەی زانستی، یاریدەدەری سەرۆکی زانکۆی پۆلیتەکنیکی هەولێر بۆ کاروباری زانستی و خوێندنی باڵا و بەشێک لە مامۆستایانی زانکۆکانی کوردستان، زانکۆمان هەستا بە میوانداریکردنی سیمینارێک کە لەلایەن وەزارەتی خوێندنی باڵاو توێژینەوەی زانستی بۆ گشت زانکۆ حکومی و تایبەتیەکان لە کوردستان ڕێکخرابوو.

 سیمینارەکە دەربارەی متمانە بەخشین بوو بە دەزگاکانی پەروەردەو خوێندنی باڵا لە کوردستان، لە هۆڵی بۆنەکانی زانکۆکەمان بەڕێوەچوو.

سەرەتای سیمینارەکە د.محمد حسین کەلاری بەخێر هاتنی میوانە بەڕێزەکانی کرد و دواتر سیمینارەکە لەلایەن د.هونەر عیسا ئەندامی بۆردی کوردستان بۆ متمانە بەخشین و ئەندامی بۆردی زانکۆی ئەمریکی کوردستان پێشکەشکرا.


لە کۆتایی سیمینارەکەشدا دەرگا کرایەوە بۆ پرسیار و ڕاگۆرین لە لایەن بەشداربووانی زانکۆکان.

 

ئاڵوگۆڕکردنی نوێنەری مامۆستایان لە ئەنجوومەنی زانکۆ کرا


ئەمڕۆ دووشەممە 3/2/2025 بە ئامادەبوونی پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ بۆ کاروبارەکانی کارگێڕی و دارایی، زانستی و خوێندنی باڵا، کاروباری قوتابیان و بەشەناوەخۆییەکان و بەرێوەبەری نووسینگەی سەرۆکی زانکۆ مەراسیمی دەستاو دەستکردنی نوێنەری مامۆستایان لە ئەنجوومەنی زانکۆ کرا.


سەرۆکی زانکۆ دوای بەخێرهێنانی بەشداربووانی مەراسیم ”سوپاسی هەوڵ و ماندووبوونی د.ئازاد ڕەمەزان نوێنەری مامۆستایان کرد، کە لە ڕابردوودا بوێرانەو ماندوونەناسانە بەرگری لە مامۆستایانی زانکۆ کردووە، بۆیە ئێمە دەست بەرداری ئەو ماندوو نەناسانە نابین کە خزمەتی زانکۆیان کردووە “
هیوای سەرکەوتنشی بۆ د. فەرهەنگ عەوڵا خواست لە ئەرکی نوێدا کە وەک نووێنەری مامۆستایان دەستبەکاربوو.