Category Archives: سەرۆکایەتی زانکۆ

ئەمڕۆ چوار شـەممـە 30ـی تشرینی یەکەمی 2024 پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێری و دارایی بڕوانامەی ڕێزلێنان زانکۆمانی پێشکەش بە ژمارەیەک لە مامۆستایانی کۆلێژی تەکنیکی شەقڵاوە کرد، کە لە ساڵی خوێندنی 2023-2024 بەرزترین پلەیان لە پڕۆسەی دڵنیایی جۆریی بەدەست هێناوە.

 

 

ڕێوڕەسمەکە بە ئامادەبوونی پ.ی.د.عبدالخالق نادر ڕاگری کۆلێژی تەکنیکی شەقڵاوە و یاریدەدەری راگر و د.دلێر عەبدوڵا ئەحمەد بەرێوەبەری گشتی تۆماری زانکۆ و ئاکۆ جەعفەر بەڕێوەبەری دارایی سەرۆکایەتی زانکۆ و ژمارەیەک لە سەرۆک بەشەکان  و مامۆستایان بەڕێوەچوو، بڕوانامەی ڕێزلێنانی سەرۆکایەتی زانکۆی پۆلیتەکنیکی هەولێر بەخشرا بە بەشێک لە مامۆستایانی کۆلێژی تەکنیکی شەقڵاوە کە لە پڕۆسەی دڵنیایی جۆری بۆ ساڵی خوێندنی 2023-2024 سەرکەوتوو بوون.

هەروەها بڕوانامە بەسەر ئەو مامۆستایانە دابەش كرا کە نازناوی زانستیان بەرزکراوەتەوە.

 

ئەمڕۆ چوار شـەممـە 30ـی تشرینی یەکەمی 2024 پ.د.ئیدریـس محەمەـد تـاهیـر هەرکی سـەرۆکی زانکـۆی پۆلیتەکنیکی هەولێر، بە یـاوەری بەشێک لە ئەندامانی ئەنجومەن و مامۆستایانی زانکۆمان  بـەشـداریـان لـە سێیەم کۆنفرانسی نێودەوڵەتی بۆ ئەندازیاریی و تەکنۆلۆجیای داهێنەرانە لە زانکۆی سەلاحەدین کرد.

 

کۆنفرانسەکە بە ئامادەبوونی پ.د.عبدالفتاح عبدالرزاق  بریکاری وەزارەتی خوێندنی باڵا و توێژینەوەی زانستی بەڕێوەچوو، لەسەرەتای کۆنفڕاسەکە بریکاری وەزارەتی خوێندنی باڵاو توێژینەوەی زانستی باسی لە گرنگی و کاریگەری تەکنەلۆجیا لەسەر کاری ئەندازیاری کرد و ڕۆڵی پسپۆڕانی ئەم بوارەی بۆ پێشخستنی ئەندازیاری  بەگرنگ وەسفکرد.

 

ئەم کۆنفڕانسە دوو ڕۆژ دەخایەنێت و لەم دوو ڕۆژەدا 64 لەو توێژینەوانەی لە گۆڤاری زانکۆی سەلاحەدین پەسند کراون دەخرێنە ڕوو، لە ڕۆژی دووەم کۆڕبەندی لە خەیاڵەوە بۆ ڕاستی بەڕێوەدەچێت و ڕۆڵی تەلارسازە ناوەخۆییەکان دیاری دەکرێت.

 

ئێوارەی ڕۆژی دووشـەممـە 28ـی تشرینی یەکەمی 2024 شـانـدێکی زانکـۆی پۆلیتـەکنیکی هـەولێـر بە سەرۆکایەتی پ.د.ئیدریـس محەمەـد تـاهیـر هەرکی سـەرۆکی زانکـۆ، بە یـاوەری پ.د.کەیهـان زرار غەفـور ڕاگـری کـۆلێـژی تەکنـەلـۆجـی هەولێـر، پ.ی.د.تیـران جەمیـل پیـرۆ ڕاگـری پـەیمـانگـەی تەکنیکی پـزیشکی هـەولێـر و یـاریـدەدەری ڕاگـر م.تارق وەیسی صادق بـەشـداریـان لـە ڕێـوڕەسـمێکی ڕێزلێنان کـرد کـە لەلایـەن دامـەزراوەی پـڕۆگـرامـی وەزارەتـی دەرەوەی وڵاتـی هینـدسـتانـەوە ڕێکخـرابـوو.

لە مـەڕاسیمـەکـەدا بـڕوانـامـەی ڕێـزلێنـان بـەخشـرایـە چـەنـدیـن مـامـۆستـا و فـەرمـانبـەری سـەر بـە دامـودەزگـاکـانی هـەرێمـی کـوردستان، کـە لـە وڵاتی هینـدستـان بـەشـداری چـەنـدین خولـی جـۆراوجـۆریـان کـردبوو.

هاوکات لە چوارچێوەی ئەو ڕێوڕەسمەدا تەیار گۆران کتێبی خۆی بەناوی ‘فەلسەفەی گاندی لە هزری مندا’ پێشکەش بە ئامەدەبووان کرد.

شـایـەنی بـاسـە، دامـەزراوەی پـڕۆگـرامی وەزارەتـی دەرەوەی هینـدستان (ITEC) لـە ساڵـی “1964” دامەزراوە، کـاریـان هـاوکـاری و کـردنـەوەی خولـی ڕاهـێنانـی بـەردەوامـە بـە مـەبـەستی بنیـاتنـانی تـوانـا نێودەوڵـەتییـەکـان.

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەمەبەستی بەشداریکردن لە کۆبوونەوەی گشتی ئەندامانی ئەمینداریەتی یەکێتی زانکۆکانی دەریای ناوەڕاست، لە وڵاتی تورکیایە.

 

لە  رۆژانی کۆبوونەوەکەدا کە نوێنەری زیاتر لە ١٠٠ زانکۆ ئامادەبوون سەرۆکی زانکۆ کۆمەلێک دیداری ئەنجامدا لەگەڵ نوێنەری زانکۆکان و بەڵێنامەی لێکتێگەیشتن MOU  لەگەڵ زانکۆی ئیستەنبووڵ ئایدن واژۆکرد.

 

واژۆکردنی بەڵێنامەکە  بۆ گرینگیدانە بە بەرەوپێشبردنی پەیوەندیەکانی نێوان هەردووک لا و ئەنجامدانی توێژینەوەی زانستی بە هاوبەشی نێوان مامۆستایانی هەردوو زانکۆ و ئەنجامدانی راهێنانی هاوینە بۆ ئاڵوگۆڕی قوتابیانی هەردوو زانکۆ.

 

رۆژانی 23 و 24ی تشرینی یەکەمی 2024، وەفدێکی زانکۆی پۆلیتەکنیکی هەولێر کە پێک هاتبوون لە پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، د.تالب محەمەد شەریف ڕاگری پەیمانگەی تەکنیکی مێرگەسۆر، لە زانکۆی ئایدن لە ئیستەنبوول بەشداریان لە کۆبوونەوەی گشتی ئەندامانی ئەمینداریەتی یەکێتی زانکۆکانی دەریای ناوەڕاست کرد.

 

کۆنفرانسەکە بە بەشداری 102 زانکۆ لە وڵاتانی ئەوروپایی و ئەفریقایی و ئاسیاوی بەڕێوەچوو، زانکۆی پۆلیتەکنیکی هەولێر و زانکۆکانی دهۆک و زاخۆ و ئاکرێ و نۆلج لە کوردستان بەشداری کۆنفرانسەکە بوون.