Author Archives: Hallo Majed

ئەمڕۆ سێشەممە 16ی نیسانی 2024، پ.د. ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر لەگەڵ بەڕێزان یاریدەدەری سەرۆکی زانکۆ بۆ کاروباری زانستی و خوێندنی باڵا و ژمارەیەک لە مامۆستایانی زانکۆمان، بەشداری کرد لە دیداری (دەرفەت و ئالنگارییەکانی بەکارھێنانی ژیری دەستکرد لە بڵاوکراوە ئەکادیمییەکاندا) کە بە چاودێری د.ئارام محەمەد قادر وەزیری خوێندنی باڵا و توێژینەوەی زانستی، لەلایەن فەرمانگەی توێژینەوە و پەرەپێدانی وەزارەتی خوێندنی باڵا و توێژینەوەی زانستی لە ھۆتێلی ھەولێری نێودەوڵەتی رێکخرابوو.

دیدارەکە بە ئامادەبوونی ھەریەک لە بریکارانی وەزارەتی خوێندنی باڵا و توێژینەوەی زانستی و وەزارەتی کارو کاروباری کۆمەڵایەتی، سەرۆک زانکۆکان، راوێژکاران و بەڕێوەبەرانی گشتی و یاریدەدەرانی سەرۆکی زانکۆ و مامۆستایانی زانکۆ و میوانانی ئەکادیمی دەستی پێکرد و چەند وتارێک پێشکەشکرا.

دواتر لە چوار پانێڵی جیاوازدا باس لە ئامراز و دەرفەتەکانی بەکارھێنانی ژیری دەستکرد لە بڵاوکراوە ئەکادیمییەکان تیشکیان خرایە سەر و ئەزمونی زانکۆ پێشکەوتوەکان و دەزگای چاپ و بڵاوکردنەوەو گۆڤارە نێودەوڵەتییەکانیش بۆ چۆنیەتی مامەڵەکردن لەگەڵ ژیری دەستکردو ئاڵنگارییەکانی بەکارھێنانی ژیری دەستکردیش لە بڵاوکراوە ئەکادیمییەکاندا تەوەرەکانی دیکەی دیدارەکە بوون.

جێگەی ئاماژەیە دیداری (دەرفەت و ئالنگارییەکانی بەکارھێنانی ژیری دەستکرد لە بڵاوکراوە ئەکادیمییەکاندا) بە دەرکردنی چەند ڕاسپاردەییەک کۆتایی بە کارەکانی ھێنا.

رۆژی دووشەممە 8ی نیسانی 2024، ڕاگری کۆلێژی تەکنەلۆجی پ. د.کیهان زرار غفور وەك وتاربێژی سەرەکی (Keynote Speaker) بەشداری کرد لە پێنجەمین کۆنفرانسی زانستی نێودەوڵەتی بە ناونیشانی (5th International Conference on Computing, Communication and Cyber-Security _IC4S’05) کە لە زانکۆی (Graphic Era Hill University, Bhimtal Campus, India) ئەنجامدرا.

لە کۆنفرانسەکەدا بەشێوەی ئؤنلاين راگری کۆلێژی تەکنەلۆجی هەولێر بابەتێکی لەژێر ناونیشانی (Privacy in the Era of Social Medi: Managing your Digital Presence) پێشکەش کرد.

رۆژی دووشەممە 8ی نیسانی 2024، پ.د. ئیدریس محەمەد تاهیر هەرکی پێشوازی لە بەڕێز ئاراکاوا میکیهیرۆ کونسولی ژاپۆن لە هەولێر کرد.

لە دیدارێکدا کە هەریەکە لە یاریدەدەرانی سەرۆکی زانکۆ بۆ کاروباری کارگێڕی و دارایی و زانستی و راگری کۆلێژی تەکنەلۆجی هەولێر و بەڕێوبەری نووسینگەی سەرۆکی زانکۆ ئامادەیبوون د. ئیدریس کورتە باسێکی دەربارەی مێژووی زانکۆمان و بەشەزانستییەکان و ژمارەی قوتابییان و مامۆستایان و لۆکەیشنی دامەزراوەکانی سەربەزانکۆمانی کرد.

لە لای خۆیەوە کونسوڵی ژاپۆن خۆشحاڵی خۆی بەسەردانەکەی بۆ زانکۆمان دەربڕی و رایگەیاند کە دڵخۆشە بە بوونی زانکۆیەکی پۆلیتەکنیکی لە هەرێمی کوردستان کە کار لەسەر  زانستە نوێیەکان و پێویستی بازاڕی کار دەکات.

لە بەشێکی دیکەی وتەکەیدا قونسولی ژاپۆن ئامادەیی قونسولخانەی دەربڕێ کە لە رێگەی باڵیۆزخانەی وڵاتەکەیەوە لە عێراق بۆ پێشکەشکردنی هەر هاوکارییەک بۆ دروستکردنی پەیوەندی نێوان زانکۆکانی وڵاتەکەی و زانکۆی پۆلیتەکنیکی هەولێڕ لە رووی زانستی و دابینکردنی هەندێک سوکلەرشیپ لە زانکۆکانی وڵاتەکەی.

 

لەدرێژەی کارو چالاکیەکان بۆ خزمەتکردنی توێژی قوتابیان، بڕیارە لە رۆژانی 4 و 5ی مایسی 2024، زانکۆی پۆلیتەکنیکی هەولێر پێشانگایەکی تایبەت بە تەکنەلۆژیا لە ژێر ناونیشانی (U-TECH) بۆ دەرچووان و قوتابیانی زانکۆمان بکاتەوە بەمەبەستی نمایشکردنی پڕۆژەکانیان و دەست کەوتنی هەلی کار.

پێشانگاکە لەژێر چاودێری پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر دەکرێتەوە لەژێر ناوی (یو_تێك)، و تیایدا سەرجەم ئەو پرۆژانە نمایش دەکرێن کە تەکنەلۆژیای تێدا بەکارهاتووە لەهەریەک لە بوارەکانى (ئەندازیارى، زانست، تەندرووستى، ئابوورى و هونەرى).

لەم پێشانگەیدا کەسانی خاوەن بیرۆکە(بەهرە شاراوەکان، شارەزاکان، دەرچووان، فێرخوازان) دەتوانن خەڵاتى ناوازە ببەنەوە.

شیاوی باسە ئەم پێشانگایە بەهەماهەنگی لەنێوان زانکۆی پۆلیتەکنیکی هەولێر و ئینستیتیوتی کوردستان بۆ داهێنان و نوێگەری و زانکۆی نۆلج رێکدەخرێت.

بۆ پێشکەشکردنی پرۆژەکان بۆ پێشانگاى یوتێک (U-TECH) ده‌توانن له‌ڕێگای پۆرتاڵی فه‌رمی پێشانگاكه‌ پرۆژەکانتان تۆمار بکەن کە خەڵاتی ناوازە دەبەخشرێتە باشترینەکان.

بۆ خۆتۆمارکردن تکایە کرتە لێـــــــــــــــرە بکە.