رۆژی دووشەممە رێکەوتی 8/4/2019 لە وڵاتی لوبنان شاندێکی زانکۆی پۆلیتەکنیکی هەولێر کە پێکهاتبوون لە 22 مامۆستای زانکۆ بەشداریان کرد لە خولی ڕاهێنانی تایبەت بە سیستەمی خوێندنی باوەڕ پێکراو لە ووڵاتانی ئەوروپی و جێ بەجێ کردنی لە ناوخۆ.
خوولەکە لە ووڵاتی لوبنان بەڕێودەچێ بۆ ماوەی شەش ڕۆژ بە مەبەستی سوود وەرگرتن لە سیستەمی خوێندن لە یەکێتی ئەوروپی
ECTS
وە جێبەجێ کردنی لە زانکۆکەمان.
رۆژى دووشەممە ٨/٤/٢٠١٩ زانکۆى پۆلیتەکنیکى هەولێر لەژێر چاودێری و ئامادەبوونی سەرۆکی زانکۆ پ.ی.د.کاوە شێروانى یەکەمین ڤیستیڤاڵی لە ژێرناونیشانى (گەشەپێدانى پێدانى کەرتى کشتوکاڵى و زانستە پراکتییەکان) لە کەمپی پەیمانگاى تەکنیکى خەبات ئەنجامدا بە شداری ژمارەیە لە کۆمپانیاى کشتوکاڵى و خواردەمەنى.
لە ڤیستیڤاڵەکەدا کە چەند بەرپرسێکی حزبی و حکومی ئامادەبوون، چەندین چالاکی جۆراوجۆرى زانستى و کشتوکاڵى و یاسایی و هونەرى و تەرفیهی و گۆرانى و هەڵپەرکێ ئەنجامدرا،
مەبەست لەم ڤیسیڤالە ئاشناکردنى کۆمپانیاکان بە بەشداربووان و قوتابیان و رەخساندنى هەلى کارە بۆ دەرچووانی زانکۆمان.
زانکۆی پۆلیتەکنیکی هەولێر بەشداری کۆبوونەوەیەکی تایبەت دەکات لەگەل زانکۆکانی کوردستان کەوا ئەندامن لە یەکێتی زانکۆکانی جیهانی بە ئامادەبوونی بەڕێز ئورهان حکمت ئازۆل سەرۆکی یەکێتی زانکۆکانی جیهانی
لە کۆبوونەوەکەدا کە ڕۆژی یەکشەممە ۷ی نیسانی ۲۰۱۹ ئەنجامدرا سەرۆک و نوێنەرانی زانکۆکانی سەڵاحەددین، دهۆک، پۆلیتەکنیکی هەولێر، پۆلیتەکنیکی دهۆک، سۆران، نەورۆز و زاخۆ ئامادەبوون تیایدا چەند تەوەر باسکران و دوو بڕیاری گرنگ درا :
یەکەم: هەوڵ بدرێت چالاکی یەکێتی زانکۆکان کارا بکرێت لە کوردستان لەڕێگای ئەنجامدانی وۆرک شۆپ و کۆنفراسی زانستی
دووەم: ئامادەکردنی یاداشتێک بۆ ئەنجوومەنی یۆک لە تورکیا لە ڕێگای کۆنسۆلخانەی تورکیا بۆ ئەوەی یۆک ڕۆلێکی باشی هەبێت لە دروست کردنی پەیوەندی پتەو لە نێوان زانکۆکانی کوردستان و تورکیا.
وەهەروەها یۆک دان بنێت بە لستی زانکۆکانی کوردستان کە لەلایەن وەزارەتی خوێندنی باڵای هەرێمی کورستان ئامادە کراوە
رۆژی یەکشەممە ۷ نیسانی ۲٠۱۹ کۆتایی هات بە خولێکی پێنج رۆژەی تایبەت بە بزنس لەژێر ناونیشانی چۆن دەبیت بە خاوەن کاری خۆت؟
( How to start your own business?)
کە لەلایەن سەرۆکایەتی زانکۆی پۆلیتەکنیکی هەولێر و ژووری بازرگانی وپیشەسازی هەولێر و بە سپۆنسەری رێباز فاوندەیشن لە هەولێر لەژێر ناوی خولی (پێشەنگ) کرابووەوە بڕوانامە بەسەر بەشدربوواندا دابەش کرا
لەبارەی چۆنیەتی بەڕێوەچوون و ئامانجی خولەکە مامۆستا زانیار جەبار مامۆستای یاریدەدەر لە زانکۆی پۆلی تەکنیکی هەولێر و هاوکات مامۆستای خولەکە رایگەیاند”. خولی پێشەنگ ماوەی پێنج رۆژی خایاندا بە بەشداری ۲٥ دەرچووی زانکۆ و پەیمانگاکان و وانەکان بە پراکتیکی و تیۆری وترانەوە بۆ ئەوەی قوتابیان بتوانن ببن بە خاوەنکار و سەرمایە و بزنسی خۆیان و راهێنانی پێویستیان وەرگرت”.
وتیشی” خولەکە لەلایەن زانکۆی پۆلی تەکنیکی هەولێر و ژووری بازرگانی و پیشەسازی هەولێر بەڕێوەدەبرا بە سپۆنسەر و پشتیوانی رێباز فاوندەیشن لە شاری هەولێر و ئەمڕۆش بڕوانامەی متمانە پێکراو دەبەخشرێتە بەشداربوان “.
هەر لەبارەی خولەکەوە دکتۆر نەجیب تۆما یاریدەدری سەرۆکی زانکۆی پۆلیتەکنیکی هەولێر رایگەیاند” کاری ئێمە وەک زانکۆ تەنیا ئەوە نیە بروانامە دوای دەرچوون بدەین بە خوێندکار و قوتابیان بەڵکو ئێمە لەدەرەوەی زانکۆش کاردەکەین هەلی کار بۆ دەرچووان بدۆزینەوە و پشتیوانی کەرتی تایبەت بکەین هاوشانی کەرتی گشتی، بۆ ئەوی بتوانن پشت بەخۆیان ببەستن و دەستی کاریان هەبێت لە بازاردا”.
رونیشیکردەوە” سەرۆکایەتی زانکۆی پۆلی تەکنیکی هەولێر بەردەوام دەبێت لەم جۆرە خول و راهێنانە بۆ بەهێزکردنی توانای تاک و دەرچووان تا بتوانن زیاتر گرنگی بە کۆمەڵگا و ژێرخانی وڵات بدەن لە بوارە جیاجیاکاندا و هیوای سەرکەوتن بۆ بەشداربووان دەخوازین و سوپاسی رێباز فاوندەیشن دەکەین کە پشتیوانی پرۆژەکەیان کرد”.
هەر لە مەراسیمەکەدا عمر محمد راوێژکاری سەرۆکی یەکێتی ژووری بازرگانی هەرێمی کوردستان رایگەیاند” هەموو ئەوانەی بەشداری خولەکەیان کردووە لەبەر ئەوەی لەلایەن دوو دامەزروەی گرنگ متمانە و بڕوانامەیان پێدراوە ئەوا دەتوانن ببن بەئەندامی یەکێتی ژوورە بازرگانیەکان، و هەموو ئاسانکاریەکیشیان بۆدەکرێت بۆ کارەکانیان”.
دواتر هیوا عبدالقادر بەرێوەبەری پرۆژەی ئایندەی گەش رایدگەیاند:” هەریەک لەوانە دەتوانن لەرێگای بانکەکانی ئێمە بەناوی بانکی ئایندەی گەش قەرزی بچووک وەرگرن و پڕۆژەی بچوکی خۆیان پەرەپێبدەن و بیکەن بە بزنسی خۆیان و ئامادەیی هەموو هاوکارییەکی ماددی و مەعنەوین بۆ بەشدربووانی خولەکە”.
وتیشی” سوپاسی سەرۆکایەتی زانکۆی پۆلیتەکنیکی هەولێر دەکەین بۆئەو هەنگاوە و گرنگیدان بە کەرتی تایبەت”.
لەکۆتایی مەراسیمەکەدا لە لایەن د. نجیب تۆما یاریدەدەری سەرۆکی زانکۆ ، عمر محمد راوێژکاری سەرۆکی یەکێتی ژووری بازرگانی هەرێمی کوردستان ، هیوا عبدالقادر بەرێوەبەری پرۆژەی ئایندەی گەش و بەرێوبەری پەرەپێدانی پرۆگرامەکانی خوێندن لە سەرۆکایەتی زانکۆ مامۆستا کۆڤان حسین بروانامەی باوەرپێکراو بەخشرایە بەشداربوانی خولەکە.