لە درێژەی بەسەر کردنەوەکانی بۆ کۆلێژ و پەیمانگەکان ئەمڕۆ شەممە ١١ى ئایارى ٢٠١٩ سەرۆکی زانکۆی پۆلیتەکنیکی هەولێر پ.ى.د. کاوە شێروانى بە یاوەری یاریدەدەری سەرۆکى زانکۆ د. جودت جعفرخطاب ، بەڕێوبەری کارگێڕی م. جمال یوسف گورگیس، بەڕێوبەری تۆماری گشتی م. سەرسام خلیل و بەرێوبەری پەرەپێدانی پرۆگرامەکانی خوێندن م. کۆڤان عمر سەردانى هۆلی تاقیکردنەوەکانیان کرد لە پەیمانگاى تەکنیکى خەبات بە مەبەستى ئاگادار بوون لە چۆنیەتى بەرێوەچوونى تاقیکردنەوەکان و چارەسەرکردنى کێشە و گرفتەکان و پرکردنەوەى کەموکورییەکان.
ڕۆژی چوارشەممە ڕێکەوتی 8/5/2019 شاندێکی دەزگای
PLACEWELL HRD CONSULTANT
ـی هیندی سەردانی سەرۆکایەتی زانکۆی پۆلیتەکنیکی هەولێریان کرد.
لە دیدارێکدا لەگەڵ یاریدەدەری سەرۆکی زانکۆ بۆ کاروباری کارگێڕی و دارایی پ.ی.د. جودت جعفر خطاب و بەڕێوبەری پەیوەندییە ئەکادیمییەکان د. ڕەنج سیروان ، شاندی میوان باسی دامەزراوەکە و کارەکانیان کرد کە خۆی لە دابین کردنی مامۆستا و توێژەر لە وڵاتی هیندستان بۆ زانکۆ و دامەزراوەکانی دیکە دەبینیەوە، دواتر باس لە دروست کردنی پەیوەندیی نێوان زانکۆی پۆلیتەکنیکی هەولێر و دامەزراوەکە کرا.
ڕۆژی سێ شەممە رێکەوتی ٢٠١٩/٥/٧ سەرۆکی زانکۆی پۆلیتەکنیکی ھەولێر پ.ی.د.کاوە شێروانی و یاریدەدەری سەرۆکی زانکۆ د.جودت لە دووەم رۆژی تاقی کردنەوەکان سەردانی پەیمانگای تەکنیکی کارگێری ھەولێریان کرد لە لایەن راگری پەیمانگا د.برزۆ دزەیی و یاریدەدەری ڕاگر م.دلاوەر پێشوازیان لێکرا لە درێژەی سەردانەکەیاندا لێژنە و هۆڵی تاقیکردنەوەکانیان بەسەر کردەوە و لەنزیکەوە گفتوگۆیان لەگەل قوتابیان دەربارەی رەوش و ژینگەی تاقی کردنەوەکان کرد، قوتابیانیش خۆشحالی خۆشیان دەربڕی بە سەردانی بەرێزیان.
بە مەبەستی لە نزیکەوە ئاگاداربوون لەتاقیکردنەوەکانی کۆتایی ساڵی خوێندنی 2018_2019 رۆژی یەکشەممە سەرۆکی زانکۆ پ.ی.د. کاوە عبدالکریم شێروانی بەیاوەری یاریدەدەری سەرۆکی زانکۆ بۆ کاروباری زانستی د.نجیب تۆما و هەردوو بەڕێوبەری پەرەپێدانی پرۆگرامەکانی خوێندن و پەیوەندییە ئەکادیمیەکانی سەرۆکایەتی زانکۆ لە یەکەم ڕۆژی دەستپێکی تاقی کردنەوەکان، سەردانی هۆڵی تاقیکردنەوەکانی کۆلێژی تەکنیکی ئەندازیاری هەولێریان کرد.
شیاوی باسە ئەمڕۆ 5/5/2019 تاقی کردنەوەکانی کۆتایی ساڵ لە کۆلێژەکان دەستی پێ کرد و بڕیاریشە لە ڕۆژانی داهاتوو تاقی کردنەوەکانی کۆتایی ساڵ لە پەیمانگکانی دەستپێبکەن.
