Author Archives: admin

زانکۆى پۆلیتەکنیکى هەولێر ڕێکەوتننامەى نێودەوڵەتى واژوو کردووە لەگەڵ کۆلێژى

Imperial English UK

لە بەریتانیا بە مەبەستى پێشکەشکردنى کۆرسى زمانى ئینگلیزى وەکو پرۆگرامى خوێندن بۆ قوتابیانى قۆناغى یەکەم لە زانکۆکەمان. ئەم کۆرسە لە هەردوو سیمیستەر دەخوێندرێت و قوتابى

 12 ECTS

و بڕوانامەى نێودەوڵەتى وەردەگرێت دواى تەواو کردنى خوێندن بە سەرکەوتوویى.
ئەم کۆرسە لەلایەن مامۆستایانى پسپۆر و ڕاهێنراو دەوترێتەوە بە بەکارهێنانى سیستەمى ئەلیکترۆنى سەردەمیانە.
یەکێک لە ئامانجەکانى ئەم کۆرسە بەهێزکردنى توانستى زمانى ئینگلیزى قوتابیانە بۆ ئامادەکردنیان بۆ بازارى کار و پەرەپێدانى کارامەیى نەرمیان و دەوڵەمەندکردنى سی ڤی یان.
بۆ زانیارى:

تێچووى خۆتۆمارکردن بۆ هەر قوتابییەک تەنها پەنجا هەزار دینارە.

هەر قوتابییەک کە ئارەزووى خۆتۆمارکردنى هەیە پێویستە ناوى سیانى لە بەشى خۆى تۆمار بکات بە زووترین کات.

قوتابى دەتوانى سەردانى بەشەکەى خۆى لە کۆلێژ یان بەڕێوەبەرایەتى پەیوەندییە نێودەوڵەتییەکان لە سەرۆکایەتى زانکۆ بکات بۆ پرسیار و زانیاری.

رۆژی پێنج شەممە رێککەوتی 19ـی نۆڤەمبەری 2020 لە سەرۆکایەتی زانکۆ یاریدەدەری سەرۆکی زانکۆ بۆ کاروباری زانستی د. نجیب تۆما بتۆ لەگەڵ سەرۆکی زانکۆی تەکنیکی باکوور پ.د. علیاء عباس علی و شاندی یاوەری کۆبووەوە.

لە چوارچێوەی رێککەوتنی نێوان هەردوو زانکۆی پۆلیتەکنیکی هەولێر و زانکۆی تەکنیکی باکوور یەکەمین کۆبوونەوەی ئامادەکاری تایبەت بە یەکەمین کۆنفرانسی زانستی بۆ زانستی تەندروستی و (I.C.H.M.S) پزیشکی نێوان هەردوو زانکۆ ئەنجامدرا کە بڕیارە لە کۆتایی ساڵی داهاتوو بەڕێوەبچێت.

لە کۆبوونەوەکەدا کە بەرێوبەری کاروباری زانستی و خوێندنی باڵای زانکۆمان د. هێشو رێبوار ئامادەی بوو بڕیاردرا مانگی داهاتوو کۆبوونەوەی ئامادەکاری دووەم لە زانکۆی تەکنیکی باکوور ئەنجام بدرێت.

رۆژی چوارشەممە رێککەوتی 18ـی نۆڤەمبەری 2020 شاندێکی وەزارەتی پێشمەرگە و هاوپەیمانان سەردانی سەرۆکایەتی زانکۆی پۆلیتەکنیکی هەولێریان کرد و لەگەڵ بەرێوبەری ئۆفیسی پەیوەندییە نێودەوڵەتییەکانی زانکۆمان و مامۆستایانی سەرپەرشیاری خولی بەرێوەبردنی پرۆژە کۆبوونەوە.

شاندی وەزارەتی پێشمەرگە پێکهاتبوون لە بەرێزان مقدم شاخەوان سەلام و عمید جوهر جێگری بەرێوبەری چاکسازی لە وەزارەتی پێشمەرگە و  شاندی هاوپەیمانان پێکهاتبوون لە مقدم بنیامین(هێزی ئەڵمانی بۆ بەهێزکردنی تواناکان لە عێراق)، مقدم یاڤیس، رائد پیتەر، عقید بێرتریند لە کونسولخانەی هۆڵەندا، ئامانجی کۆبوونەوەکە بریتی بوو لە جێ بەجێ کردنی وانە وتنەوەی مامۆستایانی زانکۆمان لە خولەکە کە بریارە لە 6ـی دیسەمبەری 2020 دەست پێبکات و ماوەی دوو هەفتە دەخایەنێت، هەر لە کۆبوونەوەکەدا پێشنیار کرا کە زانکۆمان بەردەوام بێت لە کردنەوەی خولی دیکە بۆ ئەفسەرانی وەزارەتی ناوبراو.

خولەکە لە ناو بەرێوبەرایەتی چاکسازی وەزارەتی پێشمەرگە بەرێوەدەچێت، و پاڵپشتی دارایی لە لایەن هاوپەیمانانەوە پێشکەش دەکرێت. بریارە ئەفسەرەکان لە فەرمانگە و بەشی جیاوازەوە بەشدارییان پێ بکرێت، بۆ ئەوەی لە دوای خولەکە دەست بە پێشکەش کردن و بەرێوەبردنی پرۆژە لە فەرمانگە و بەشەکانی خۆیان.

سبەی كاژێر ٨:٠٠ شەو بەڕێز ئانۆ جوهر عبدالمسیح-وەزیری گواستنەوە و گەیاندنی حكومەتی هەرێمی كوردستان میوانی وێبیناری هەفتانەی زانكۆی پۆلیتەكنیكی هەولێرە.

بەڕێزیان وێبینارێك پێشكەش دەكەن دەربارەی” پێکهاتەکانی ( ماینۆریتی ) نەتەوەیی و ئاینی لە نێوان هەرێمی کوردستان و عیراقدا مێژوو، واقیع و ترس لە ئایندە”.

رێكەوت: ١٧-١١-٢٠٢٠ سێشەمە

دەتوانن لەرێگەی ئەم لینكەوە بەشداری وێبینارەكە بكەن:

Topic: ‘’پێکهاتەکانی ( ماینۆریتی ) نەتەوەیی و ئاینی لە نێوان هەرێمی کوردستان و عیراقدا مێژوو، واقیع و ترس لە ئایندە’’

Meeting ID: 816 4608 5585 Passcode: 881181