بە ئامادەبوونی سەرۆکی زانکۆ ۆورکشۆپی گونجاندنی پڕۆگرامەکانی پسپۆڕی پەلی دەستکرد و پاڵپشتەکان لەگەڵ بازاڕی کاردا بەڕێوەچوو

بە ئامادەبوونی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێڕی و دارایی و پ.ی.د.موراد ئەمیر ئەحمەد ڕاگری کۆلێژی ڕاگری کۆلێژی تەکنیکی تەندروستی و پزیشکی هەولێر و نوێنەرانی وەزارەتی تەندروستی حکوومەتی عێڕاقی فیدڕاڵ و حکوومەتی هەرێمی کوردستان و رێکخراوی خاچی سوری نێونەتەوەیی و ژمارەیەک لە مامۆستایانی زانکۆمان، ۆورکشۆپ بە ناونیشانی گونجاندنی پڕۆگرامەکانی پسپۆڕی پەلی دەستکرد و پاڵپشتەکان لەگەڵ بازاڕی کاردا بەڕێوەچوو.

لە سەرەتای ۆورکشۆپەکەدا و پ.ی.د.موراد ئەمیر ئەحمەد ڕاگری کۆلێژی ڕاگری کۆلێژی تەکنیکی تەندروستی و پزیشکی هەولێر لە وتەیەکدا وێڕای بەخێڕهێنانی میوانان، هاوکات ئامانجی ۆورکشۆپەکەی خستەڕوو.

دواتر پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بە زمانی ئینگلیزی بەخێرهێنانی ئامادەبووانی بیانی وۆركشۆپەکەی کرد و سوپاسی بەڕێوەبەرایەتی سەنتەری پەرەپێدانی کاری کرد کە بە هاوکاری کۆلێژ و پەیمانگەکانی سەربە زانکۆ بەردەوامن لە بەڕێوەبردنی ئەم جۆرە وۆركشۆپانە.

 سەرۆکی زانکۆ راشیگەیاند، کە زانکۆمان بەردەوام لە هەوڵدایە بۆ ئەوەی ستراتیجییەتی کارەکانی خۆی لە بازاڕی کاردا بدۆزێتەوە.

دواتر د. ذکری عەلی عەزیز  سیمینارێکی بە شێوەی ( ئۆنلاین ) لەگەڵ نوێنەرانی زانکۆکانی عەرەبی پێشکەش کردو ناوەڕۆکی بابەتی وۆركشۆپەکەی شیکردەوە، دووەم سیمینار لەلایەن م. سەوزە سەعدی سەعید، مامۆستا لە کۆلێژی تەکنیکی تەندروستی و پزیشکی هەولێر پێشکەشکرا، لەکۆتاییدا بڕوانامەی ڕێز لێنان دابەشکرا.

لە دوو سیمیناری جیادا لە کۆلێژی تەکنەلۆجی و کۆلێژی تەکنیکی تەندروستی و پزیشکی پلان و دیدگای سەنتەری پەرەپێدانی کار ناسێندرا

لە درێژەی هەڵمەتی ناساندنی سەنتەری پەرەپێدانی کار بە هاوبەشاکانمان، لە دوو سیمیناری جیادا لە کۆلێژی تەکنەلۆجی و کۆلێژی تەکنیکی تەندروستی و پزیشکی، پ.ی.د.هەتاو کەریم بەڕێوەبەری سەنتەری پەرەپێدانی کار و پەرەپێدانی پرۆگرامەکانی خوێندن لە زانکۆی پۆلیتەکنیکی هەولێر کار و دیدگاو ئامانجی سەنتەری پەرەپێدانی کارو زانکۆی پۆلیتەکنیکی هەلێر بۆ قوتابیان، مامۆستایان، رێکخەر و نوێنەرانی سەنتەری پەرەپێدانی کار لە بەشە زانستیەکان و سەرۆک بەشەکان خرایە ڕوو

بە مەبەستی زیاتر کارکردن و هەماهەنگی کردن لەگەڵ لایەنە پەیوەندیدارەکانی بازاری کار.. هەروەها گۆرێنی بیر و بۆچوونی قوتابیان و دەرچووانمان بۆ ئەوەی چیتر بە دوای دامەزراندنی کەرتی گشتییەوە نەبن بەڵکو ڕوویان لە کەرتی تایبەت بێت و ببن بە خاوەنی کاری خۆیان بن..

لە کۆتاییدا بە تێبینی و پێشنیازەکان سیمینارەکە دەوڵەمەند کرا.

کۆبونەوەی ئاسایی ئەنجومەنی پەیمانگەئەنجامدرا

ئەمڕۆ ٢٣/٢/٢٠٢٥ بەئامادەبوونی بەڕێز ڕاگری پەیمانگە (پ.ی.د. تیــران جمـیل پیـرۆ) و یاریدەدەری ڕاگر (د.طـارق ويسـي صـادق) و گشت ئەندامانی ئەنجوومەن کۆبوونەوەی ئاسایی ئەنجوومەنی پەیمانگە ئەنجام درا.

ئاڵۆگۆڕی پۆستی بەڕێوەبەری سەنتەری پێداگۆجی زانکۆمان ئەنجامدرا

 لە ڕێوڕەسمێکدا پ.د.ئیدریس محەمەدتاهیر هەرکی، سەرۆکی زانکۆی پۆلیتەکنیکی هەولێر فەرمانی زانکۆیی ئاڵۆگۆڕی پۆستی بەڕێوەبەری سەنتەری پێداگۆجی واژۆ کرد.

 

لە ڕێوڕەسمەکەدا کە بە ئامادەبوونی پ.د.ئازاد حسن قادر، یاریدەدەری سەرۆکی زانکۆ بۆ کاروباری کارگێری و دارایی و پ.ی.د.رەنج سیروان عەبدوڵڵا بەڕێوەبەری گشتی سەنتەری توێژینەوەی زانستی و م.کۆڤان عومەر بەرپرسی رێکخراوی مامۆستایانی پۆلیتەکنیک و ژمارەیەک لە بەرێوەبەرانی زانکۆ ئامادەی بوون، فەرمانی لێبوورن بۆ بەڕێز پ.د.خلیل یونس لە ئەرکی بەڕێوەبەری سەنتەری پێداگۆجی زانکۆمان لەسەر داوای خۆی دەرکرا و بەڕێز م.فریدە علی عوسمان بەو ئەرکە راسپێردرا.

بەم بۆنەیەوە سەرۆکی زانکۆ ستایشی رۆڵی د.خەلیل یونس ی کرد کە لە ماوەی رابردوودا رۆڵی بەرچاوی هەبووە لە بەرەپێشبردنی سەنتەری پێداگۆجی و رایگەیاند کە ئەوان دەستبەرداری توانا و شارەزایی ناوبراو نابن و لە داهاتوودا ئەرکی دیکەی پێدەسپێردێت، هەروەها پیرۆزبایی لە بەڕێز م.فریدە علی عوسمان کرد و هیوای سەرکەوتنی بۆ خواست.

لای خۆیانەوە ئامادەبووان دەستخۆشیان لە بەڕێوەبەری پيشووی سەنتەری پێداگۆجی کرد و ئومێدی سەرکەوتنیان بۆ بەڕێوەبەری نوێ خواست و پشتیوانیان بۆ دووپات کردەوە.