لە ٧٢ ـەمین ساڵیادی دامەزراندنی هەردوو رێکخراوی یەکێتی قوتابیانی کوردستان و یەکێتی لاوانی دیموکراتی کوردستان شاندێکی پەیمانگەی تەکنیکی مێرگەسۆر بە مەبەستی پیرۆزبایی سەردانی لقی مێرگەسۆری یەکێتی قوتابیانی کوردستان و ناوەندی باڵای مێرگەسۆری یەکێتی لاوانی دیموکراتی کوردستان یان کرد.

د. طالب محمد شەریف عومەر ڕاگری پەیمانگەی تەکنیکی مێرگەسۆر، بە یاوەی شاندێکی پەیمانگەی تەکنیکی مێرگەسۆر بەمەبەستی گەیاندنی پەیامی پیرۆزبایی پەیمانگەی تەکنیکی مێرگەسۆر بەبۆنەی ١٨ شوبات ساڵیادی دامەزراندنی هەردوو رێکخراوی یەکێتی قوتابیانی کوردستان و یەکێتی لاوانی دیموکراتی کوردستان، سەردانی لقی مێرگەسۆری یەکێتی قوتابیانی کوردستان و ناوەندی باڵای مێرگەسۆری یەکێتی لاوانی دیموکراتی کوردستان یان کرد، لە لایەن هەردوو بەرپرسی لقی مێرگەسۆری یەکێتی قوتابیانی کوردستان و ناوەندی باڵای مێرگەسۆری یەکێتی لاوانی دیموکراتی کوردستان بە گەرمی پێشوازیان لێکرا.

د. طالب محمد شەریف ، بەناوی خۆی و پەیمانگەی تەکنیکی مێرگەسۆر پیرۆزبایی ساڵیادی دامەزراندنی هەردوو رێکخراوەکەی کرد ڕایگەیاند کە یەکێتیی قوتابیانی کوردستان و یەکێتی لاوانی دیموکراتی کوردستان لە ساتی دامەزراندنییانەوە قوتابخانەی خەبات و ھۆشیاریی نیشتمانی بوونە، ڕۆڵێکی سەرەکییان لە پێگەیاندنی سەرکردە و کادیرە پێشکەوتووەکاندا بینیووە و ڕاگری پەیمانگە هیوای خواست قوتابیان و لاوان بە دروشمی زانست ، خەبات ، داهێنان بەردەوام بن و بەرەو داهاتوو هەنگاو بنێن و کۆڵ نەدەن.

لە لایەن خۆیانەوە هەردوو بەرپرسی لقی مێرگەسۆری یەکێتی قوتابیانی کوردستان و ناوەندی باڵای مێرگەسۆری یەکێتی لاوانی دیموکراتی کوردستان سوپاسی ڕاگری پەیمانگە و شاندی یاوەریان کرد بۆ گەیاندنی پیرۆز بایە گەرمەکەیان لە ڕێکخراوەکانیان.

ڕاگەیاندنی پەیمانگەی تەکنیکی مێرگەسۆر
١٨ ـی شوباتی ٢٠٢٥

خولێکی تێنسی سەرمێز بۆ قوتابیان بەرێوەچوو

ئەمرۆ سێ شەممە ڕێکەوتی ۱۸ی شوباتی ۲۰۲٥، بە بۆنەی 18ی شوباتی یادی دامەزراندنی ڕێکخراوی یەکێتی قوتابیانی کوردستان، بە ئامادەبوونی بەرێز پ.ی.د. یوسف مستەفا ڕەسوڵ ڕاگری پەیمانگەی تەکنیکی خەبات و بەشێک لە مامۆستایانی ئەنجومەنی پەیمانگە و بەرپرسی کارگێری پەیمانگە ، لەدرێژەی کاروچاڵاکییەکانی یەکەی ڕاگەیاندن و چاڵاکیەکان بە هاوکاری لێژنەی قوتابیانی پەیمانگەکەمان، هەڵسا بە کردنەوەی خولێکی تێنسی سەرمێز بۆ قوتابیانی گشت بەشەکانی بەیانیان و ئێواران لە پەیمانگەکەمان .
هەوکات، یاری کردنەوەی خوڵ لە لایەن بەرێز ڕاگری پەیمانگە کرایەوە.
شیاوی باسە خولەکە پێکهاتووە لە 32 قوتابی، یارییەکانیش لە یانەی قوتابیان ڕۆژانە بەرێوەدەچێت.
 
 
 

ڕاگری پەیمانگە بە یاوەری شاندێک لە پەیمانگەی تەکنیکی مێرگەسۆر بەشداریان کرد لە یەکەمین ڤیستیڤاڵی ساڵانەی ( کولتوری و هونەری ) بەڕێوەبەرایەتی پەروەردەی مێرگەسۆر.

ڕۆژی سێ شەممە 18 ی شوباتی 2025 بەڕێز د. طالب محمد شەریف عومەر ڕاگری پەیمانگەی تەکنیکی مێرگەسۆر بە یاوەری شاندێک لە پەیمانگەی تەکنیکی مێرگەسۆر بەشداریان کرد لە یەکەمین ڤیستیڤاڵی ساڵانەی ( کولتوری و هونەری ) بەڕێوەبەرایەتی پەروەردەی مێرگەسۆر، کە بە بەشداری چەندین قوتابخانەی بنەڕەتی و ئامادەیی سنوری بەڕێوەبەرایەتی پەروەردەی مێرگەسۆر بەڕێوەچوو.

ڕاگەیاندنی پەیمانگەی تەکنیکی مێرگەسۆر

سیمینارێک لەبارەی رێگاکانی ئەنجامدانی فریاگوزاری سەرەتایی ئەنجامدرا

لەژێر چاودێری و ئامادەبوونی پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، بەڕێوەبەرایەتی تەندروستی و سەلامەتی زانکۆمان سیمینارێکی لەژێر ناونیشانی (ڕێگاکانی ئەنجامدانی فریاگوزاری سەرەتایی) بۆ فەرمانبەرانی هۆبەکانی (تەندروستی و سە لامەتی و بەشەناوخۆییەکان) لەسەر ئاستی کۆلێژ و پەیمانگەکان و فەرمانبەرانی سەرۆکایەتی زانکۆمان ئەنجامدا.

ئامانج لە سیمینارەکە کە بە هەماهەنگی نێوان زانکۆمان و لقی هەولێری رێکخراوی مانگی سووری عێراقی ئەنجامدرا، ئاشنابوون بوو بەڕێگاکانی فریاگوزاری سەرەتایی بەشێوەی پراکتیکی بۆ بەشداربووان و بەپڕاکتیزەکردنی ئەم زانستە لە شوێنی کارکردن و ماڵەوە لە کاتی پێویستدا.

پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، لە وتەیەکدا وێڕای دەستخۆشی لە بەڕێوەبەرایەتی تەندروستی زانکۆ بۆ ئەنجامدانی کار و چالاکییەکانیان و هیوای سەرکەوتن و بەردەوامی بۆ خواستن.

سەرۆکی زانکۆ دەستخۆشی لە لقی هەولێری رێکخراوی مانگی سووری عێراقی کرد بۆ هەماهەنگی و هاوکارییەکانیان لە گەڵ زانکۆمان، هاوکات جەختی لەوە کردەوە کە پێویستە هەمووان پەرە بە بەرزکردنەوەی ئاستی زانست و زانیاریی خۆیان بدەن لە سەرجەم بوارەکاندا و رایگەیاند، ئەنجامدانی ئەم سیمینارەش بەشێکە لە هەنگاوەکانی پەرەپێدان بە بەرزکردنەوەی ئاستی زانیاریی.

لەکۆتاییدا لەلایەن پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و پ.د.ئازاد حەسەن قادر، یاریدەدەری سەرۆکی زانکۆ بۆ کاروباری کارگێری و دارایی بڕوانامە بەسەر پێشکەشکارانی بابەتەکان کرا.