Monthly Archives: حوزه‌یران 2024

لە ژێر چاودێری بەرێز ڕاگری کۆلێژ پ٠د(ایادزکى صابر) وسه رپەشتی بەرێز سەرۆکی بەشی ڕێگاوبان (م.بەفرین چەلەبی)سوپاس پێزانین پێشکەش بەو قوتابیانەی کە دوای تێکۆشانیان لەو ئامانجانەی کە دەیانویست بەدەست بهێنن ، بە هاوکاری سەرۆک بەش و مامۆستاکان .

⁃ پۆلێک لە قوتابیەکانی ئەندازیاری رێگاوبان بەشداری کردنیان لە خولی مەشقی هاوینە رێکخراوی IREX (IREX Internship Summer Training 2023-2024) پێدانی بروانامە بەو کەسانەی کە خولەکەیان بە پێی رێنمایەکان وە بە سەرکەوتووی کاتژمێری مەشقی هاوینیان ئەنجامداوە وە رێز لێنانێک لە لایەن سەڕۆك بەشی رێگاوبان (م.بەفرین چەلەبی) کە بەشداری ئەم IREX Program and Conference and Workshop and Mapping کردوە.

قوتابیەکان کە بەشداری لە IREX Program کردبوو

⁃ کۆمەلێک لە قوتابیان بەشدار بون لە چوارەمین کۆنفراسی سالانەی پلاتفۆرمی ڕەخساندنی داهێنانە لە زانکۆی سۆران

ئێمە وەک قوتابیانی زانکۆی پۆلیتەکنیکی هەولێر – کۆلێژی تەکنیکی ئەندازیاری – بەشی ڕێگاوبان توانیمان لە ئاستی 15 توێژینەوەی بەشە ئەندازیاریەکان پلەی یەکەم بەدەست بهێنین و خەڵاتی ڕێزلێنان لە لایەن سەرۆکی زانکۆ وەربگرین

ناونیشانی توێژینەوە :- Improving the Performance Asphalt Mixtures Using

Admixture ,

⁃ قوتابیانی کە بەشداری Workshop جیهانی داهێنان و نویکارییان کردوە,قوتابی کە بەشداری Mapping کردوە.

تیمی قوتابییانی زانکۆی پۆلیتەکنیکی هەولێر بە نوێنەرایەتی وڵاتی عێراق بەشدارییان کرد لە پێشبڕکێی جیهانی هواوی لە وڵاتی چین و توانیان پلەی دووەم بەدەست بهێنن لەسەر ئاستی جیهان کە تایبەت بوو بە بواری نێتوۆرکینگ.

ڕۆژی 22ی ئایاری 2024، تیمی قوتابییانی زانکۆی پۆلیتەکنیکی هەولێر کە پێکهاتبوون لە بەیار قەهار قوتابی قۆناغی چوارەمی بەشی ICTE لە کۆلێژی تەکنەلۆجی هەولێر و بەشار قەهار قۆناغی دووەمی بەشی ISE لە کۆلێژی تەکنیکی ئەندازیاری هەولێر بەسەرپەرشتی مامۆستا شیرین عەبدوڵڵا ئەنوەر بەڕێوەبەری سەنتەری ئەکادیمیای هواوی لە زانکۆی پۆلیتەکنیکی هەولێر لە وڵاتی چین بەشدارییان کرد لە پێشبڕکێی جیهانی هواوی و توانیان سەرکەوتنێکی گەورە بۆ زانکۆی پۆلیتەکنیکی هەولێر و خۆیان تۆمار بکەن و پلەی دووەم لەسەر ئاستی جیهان بەدەست بهێنن.

تیمی زانکۆمان بە نوێنەرایەتی سەرجەم زانکۆکانی عێراق بەشداربوون لە قۆناغی کۆتایی پێشبڕکێی جیهانی هواوی (ICT Networking) کە تیایدا 476 پێشبڕکێکار لە 161 تیم و لە 49 وڵات و هەرێم لەسەر ئاستی جیهان بەشداربوون.

شیاوی باسە تیمی زانکۆمان لە قۆناغی یەکەمدا لەسەر ئاستی عێراق سەرکەوتن بۆ قوناغی دووەم کە لە وڵاتی بەحرەین بەڕێوەچوو لەوێش پلەی دووەمیان بەدەستهێنا و گەیشتنە قۆناغی کۆتایی کە لە وڵاتی چین لە رۆژی 22ی ئایاری 2024 بەڕێوەچوو.

سەرەتای پێشبڕکێیەکە بەکۆی گشتی زیاتر لە 170 هەزار قوتابی لە زیاتر لە 80 وڵات و هەرێمەوە کێبڕکێیان کرد بۆ ئەوەی چانسی بەشداریکردنیان هەبێت لە قۆناغەکانی کۆتایی.

 

ڕاگری پەیمانگەی تەکنیکی مێرگەسۆر وەک قسەکەرێکی سەرەکی بەشداری کۆنفرانسێکی نێودەوڵەتی دەکات

رۆژی یەکشەممە 2ی حوزەیرانی 2024، دکتۆر طالب محەمەد شريف عمر راگری پەیمانگای تەکنیکی مێرگەسۆر / زانکۆی پۆلیتەکنیکی هەولێر، بە شێوەی ئۆنلاین (پلاتفۆرمی زووم) وەک میوانی فەخری لە کۆنفرانسی نێودەوڵەتی ساڵانەی Delhi School of Professional Studies and Research, University New Delhi India

لەژێر ناونیشانی “تەکنەلۆژیا، ئاشتی، خۆشگوزەرانی و پەروەردە”، لە 2ی حوزەیرانی 2024 لە هیندستان بەڕێوەچوو. لە وتارێکدا دکتۆر طالب محمد شريف عمر تیشکی خستە سەر ڕۆڵی سەرەکی تەکنەلۆژیا لە پەروەردەکردنی ئاشتی، خۆشگوزەرانی و پەروەردە.

لە وتارەکەدا، ڕاگری پەیمانگە جەختی لەسەر کاریگەری گۆڕانکارییەکانی پێشکەوتنە تەکنەلۆژییەکان لەسەر دەستپێشخەرییەکانی ئاشتی جیهانی، گەشەی ئابووری و دەرفەتەکانی خوێندن کردەوە. بە بەکارهێنانی داهێنانە پێشکەوتووەکان بۆ داهاتوو خستەڕوو کە تەکنەلۆژیا وەک ئامرازێک بۆ گۆڕانکاری ئەرێنی کاردەکات، کەلێنەکان پڕدەکاتەوە و کوالیتی ژیان بۆ کۆمەڵگاکان لە سەرانسەری جیهاندا بەرز دەکاتەوە.

راگری پەیمانگە جەختی لە گرنگی هەوڵە هاوبەشەکان لە نێوان ئەکادیمیا، پیشەسازی و حکومەت کردەوە بۆ بەکارهێنانی تواناکانی تەکنەلۆژیا لە چارەسەرکردنی ئاستەنگە جیهانییە زەقەکاندا. لە ڕێگەی هاوبەشی ستراتیژی و وەبەرهێنانی بەردەوام لە توێژینەوە و پەرەپێدان.

راگری پەیمانگە جەختیشی کردەوە کە تەکنەلۆژیا دەتوانێت هێزێکی بزوێنەر بێت بۆ دروستکردنی کۆمەڵگایەکی دادپەروەرانەتر و ئاوەدانتر و گوتی: “من خۆشحاڵم کە وەک میوانی فەخری بانگهێشتکراوم لە کۆنفرانسی ساڵانەی نێودەوڵەتی زانکۆی نیو دێلهی
و تیشکی خستە سەر ئەوەی کە لەڕێگەی پێشکەوتنی تەکنەلۆژیا، توێژەران و پەروەردەکاران دەتوانن ڕێگە خۆش بکەن بۆ داهاتوویەک کە ئاشتی، خۆشگوزەرانی و پەروەردە بۆ هەمووان دەستەبەر بکات، دووپاتیشی کردەوە پێکەوە دەتوانین جیهانێک دروست بکەین کە تەکنەلۆژیا وەک ئایدیاڵێکی هیوا و پێشکەوتن خزمەت بکات.”.

26 هەمین کۆنفرانسی ساڵانەی نێودەوڵەتی لە ژێر ناونیشانی حیکمەتی کۆن: خۆشگوزەرانی، ئاشتی و بەدیهێنان، لەوڵاتی هیندستان بەڕێوەچوو کە تیایدا پسپۆڕان، زانایان و پزیشکانی پێشەنگی بوارە جیاوازەکانی کۆکردبووەوە بۆ گفتوگۆکردن و هاوبەشکردنی تێڕوانینەکان لەسەر یەکتربڕینی تەکنەلۆژیا و پێشکەوتنی کۆمەڵایەتی.

راگەیاندنی پەیمانگەی تەکنیکی مێرگەسۆر

رۆژی یەکشەممە 2ی حوزەیرانی 2024، بەنوێنەرایەتی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.ی.د. موراد ئەمیر ئەحمەد راگری کۆلێژی تەکنیکی تەندروستی و پزیشکی هەولێر و پ.ی.د. تیران جەمیل پیرۆ ڕاگری پەیمانگەی تەکنیکی پزیشکی هەولێر سەردانی زانکۆی هەولێری پزیشکی – کۆلێژی زانستە تەندروستیەکانیان کرد.

لەو سەردانەدا شاندی زانکۆمان بەشداریان کرد لە چوارەمین  فێستیڤاڵی بەهارەی کۆلێژی زانستە تەندروستییەکانی زانکۆی هەولێری پزیشکی، کە چەندین چالاکی تەندروستی و فۆلکلۆری و هونەری و پاڵپشتی کردن لە (٥٠) پڕۆژەی لۆکاڵی لەخۆ گرتبوو.