چوار شەممە ڕێکەوتی: ٢٢/ئایار/ ٢٠٢٤بەڕێز (پ.ی.د.تیران جمیل پیرۆ) ڕاگری پەیمانگەی تەکنیکی پزیشکی هەولێر بە یاوەری بەڕێز ( مامۆستا محرم یاسین محمد) یاریدەدەری ڕاگر و بەڕێز ( مامۆستا نەبەز فیصل شاكر) سەرۆکی لێژنەی تاقیکردنەوەکانی پەیمانگە. سەردانی هۆڵەکانی تاقیکردنەوەی کرد. بۆ لە نزیکەوە ئاگادار بوون لە باش بەڕێوەچوونی ئەزموونەکانەکان لە پەیمانگە.
راگری پەیمانگەی تەکنیکی مێرگەسۆر سەردانی کۆمپانیای زۆم دەکات
ئێوارەی ئەمڕۆ چوارشەممە 22ی ئایاری 2024، د. طالب محەمەد شەریف راگری پەیمانگەی تەکنیکی مێرگەسۆر سەردانی کۆمپانیای (زۆم)ی کرد و لە لایەن سەرپەرشتیاری گشتی کۆمپانیاکەوە پێشوازی لێکرا.
لە دیدارێکدا هەردوولا کۆک بوون لەسەر دروستکردن و پەرەپێدانی پەیوەندی لە نێوان پەیمانگەی تەکنیکی مێرگەسۆر و کۆمپانیای زۆم، ئەوەش بەمەبەستی هاوکاری و هەماهەنگی نێوانیان لە پێشخستنی پەیمانگەی تەکنیکی مێرگەسۆر و هەروەها سوود وەرگرتن لە توانا مرۆیی و ئەکادیمییەکانی پەیمانگە.
هەر لەو دیدارەدا گفتوگۆ کرا دەربارەی پێداویستی بازاڕی کار لە دەڤەری مێرگەسۆر لە بوار و پسپۆڕییە کشتوکاڵییەکان، و جەختیان لە کارکردن بۆ پێگەیاندنی کادری ناوەندی بەپێی پێداویستییەکانی بازاڕی کار کردەوە.
لە تەوەرێکی دیکەی دیدارەکەدا گفتوگۆکرا لەسەر چەند بابەتێک کە خزمەت بە هەر دوو لا دەگەیەنن و، لەو چوارچێوەیەشدا بڕیاردرا لە داهاتوویەکی نزیکدا یاداشتێکی لێکتێگەیشتن لەنێوان هەردوو لا بە فەرمی واژوو بکرێت.
شاندێکی باڵای کونسوڵخانەی گشتی ئەمریکا لە هەولێر سەردانی پەیمانگەی تەکنیکی مێرگەسۆر دەکەن
ئەمرۆ سێ شەممە 21ی ئایاری 2024، شاندێکی کونسوڵخانەی گشتی ویلایەتە یەکگرتووەکانی ئەمریکا لە هەولێر بەسەرۆکایەتی پامێلا هاک یاریدەدەری کونسوڵی گشتی و دەگ مۆرو سەردانی پەیمانگەی تەکنیکی مێرگەسۆریان کرد لە لایەن ڕاگری پەیمانگە بەرێز د.طالب محمد شریف عمر و تەواوی ئەندامانی ئەنجومەنی پەیمانگە زۆر بە گەرمی پێشوازیان لێکرا.
سەردانەکە زیاتر سەردانێکی دۆستایەتی بوو بۆ زیاتر ئاشنایەتیان بە بەرنامە و پلانەکانی ئایندەی پەیمانگەی تەکنیکی مێرگەسۆر وە ئەو بوارانەی کە پێویستن بۆ پەرەپێدانی پەیمانگە.
لە کۆبوونەوەیەکدا کە ئەندامانی ئەنجومەنی پەیمانگە تیایدا بەشداربوون، راگری پەیمانگە باسی گرنگی سەردانەکەیان کرد و داوای کرد کە کونسوڵخانە هاوکاری پەیمانگە بکەن لە بەدەستهێنانی هاوکاری و گراند، هەروەها راگری پەیمانگە داوای لە شاندی میوان کرد هاوکاریان بن بەرەوپێشبردنی پەیوەندییەکانیان لەگەڵ زانکۆکانی ئەو وڵاتە و تاکو لەرێگەیەوە سودمەند بن لە راهێنان و ئالۆگۆری قوتابیان و ستافی ئەکادیمی و پێشخستنی توانای فەرمانبەران.
لە بەشێکی دیکەی کۆبوونەوەکەدا راگری پەیمانگە بە شاندی میوانی راگەیاند، کە لە پلانیاندایە دوو بەشی زانستی (بەشی هەنگەوانی و بەشی رووەکە پزیشکییەکانی) بکەنەوە بۆ ئەم مەبەستە داوای کرد کە لە چوارچێوەی پرۆگرامی پەرپێدانی ئابووری عێراق هاوکاری پەیمانگە بکەن.
دواتر راگری پەیمانگە چەند دیاریەکی پێشکەش بە شاندی کونسوڵخانەی گشتی ئەمریکا لە هەولێر کرد. و لای خۆیانەوە شاندەکەش زۆر سوپاسی راگر و ئەنجومەنی پەیمانگەیان کرد.
هەروەها شاندەکە خۆشحاڵی خۆیان نیشاندا کە پەیمانگەی تەکنیکی مێرگەسۆر لە ماوەیەکی پێوانەییدا لە بواری چالاکی زانستی و پەیوەندی نێودەوڵەتی پەرەی سەندووە کە (ئەنجامدانی چالاکی زانستی نێودەوڵەتی، هاوبەشی ئەکادیمی و دەستەخوشکی لەگەڵ پۆرتڤڵ کۆلێجی ئەمریکی لە کالیفۆرنیا) لەخۆگرتووە، لەو رووەشەوە شاندەکە پاڵپشتی خۆیان بۆ ئەو جۆرە هاوبەشییانە دووپاتکردەوە و بەڵێنیاندا هاوکاربن بۆ زیاتر پەرەپێدانی پەیوەندییەکان.
پاشان پامێلا هاک لە دەفتەری زێرینی پەیمانگە چەند یادەوەریەکی نووسی بە گرنگییەوە باسی پەیمانگەی تەکنیکی مێرگەسۆر و بەشەزانستییەکان و میوادارییەکەیانی کرد.
بۆ خوانی نیوەڕۆش پەیمانگەی تەکنیکی مێرگەسۆر بە چەندین خواردنی کوردەواری میوانداری شاندی میوانی کرد.
ئەمڕۆ سێشەممە ڕێکەوتی:٢١/ ئایار/ ٢٠٢٤ بەڕێز ( پ.ی.د.تیران جمیل پیرۆ) ڕاگری پەیمانگەی تەکنیکی پزیشکی هەولێر. پێشوازی لە بەڕێزان ( شاخەوان سلیم) سەرۆکی لقی هەولێری سەندیکای کارمەندانی تەندروستی و بەڕێز ( محمد عبدالقادر) جێگری سەرۆک و کارگێری لق و نوێنەری سەندیکا لە پەیمانگە، بەمەبەستی پیرۆزبایی و دەست بەکاربوونی بەڕێز ڕاگر سەردانی پەیمانگەیان کرد.
لەلایەن ڕاگرەوە بە گەرمی پێشوازی کران و جەخت لەسەر هەماهەنگی کارکردن کراوە لە نێوان پەیمانگە و سەندیکا بۆ خزمەت کردن بە کارمەندانی تەندروستی و بایەخدان بەلایەنی زانستیان
