Yearly Archives: 2022

لەچوارچێوەی جێبەجێ کردنی ئەو ستراتیژیەتەی کە زانکۆی پۆلیتەکنیکی هەولێر بۆ بە نێودەوڵەتی بوون دایڕشتووە لە رێگەی بەرێوبەرایەتی پەیوەندییە نێودەوڵەتییەکان، مامۆستایەکی زانکۆمان دەبێتە وانەبێژ بۆ قوتابیانی ماستەر لە زانکۆی وارشۆ.

پ.ی.د. ولاء جودت علی جاف مامۆستا لە کۆلێژی تەکنیکی کارگێڕی هەولێر وەک مامۆستای وانەبێژ(ڤیزیتەر پرۆفیسەر) لە رێکەوتی 1/12/2021 تاکو 1/2/2022 لە بەشی ئابووری دارستان لە زانکۆی وارشۆ دەستبەکاربوو لە چوارچێوەی بەرنامەی ئاڵوگۆڕی ستاف لە نێوان هەردوو زانکۆ.

شیاوی باسە لە ماوەی رابردوودا زانکۆی پۆلیتەکنیکی هەولێر و زانکۆی وارشۆ یاداشتێکی لێکتێگەیشتنیان واژوو کرد کە خۆی لە چەند بوارێکی گرنگ دەبینێتەوە وەک ئەنجامدانی توێژینەوەی زانستی هاوبەش و ئاڵوگۆڕی ستاف.

بە هەوڵ و ماندووبونی توێژەران و ستافی ئەکادیمی زانکۆی پۆلیتەکنیکی هەولێر ، زانکۆمان سەرکەوتنێکی دیکەی گەورەی لە سایتەیشن و گۆگڵ سکۆڵار پرۆفایل لەسەر ئاستی کوردستان تۆمارکرد، کە لە کۆی بیست و پێنج زانکۆ لە هەرێمی کوردستان پلەی شەشەمی بەدەست هێناوە هەروەها لەسەر ئاستی زانکۆ پۆلیتەکنیکیەکانیش پلەی یەکەمی بەدەست هێناوە.
بەم بۆنەیەوە سەرۆکی زانکۆ پ.ی.د کاوە عبدالکریم شێروانی پیرۆزبایی خۆی ئاراستەی سەرجەم مامۆستایان و فەرمانبەران و قوتابیانی زانکۆ کرد بۆ ئەو سەرکەوتنە گەورەیە.

شاندێکی زانکۆی پۆلیتەکنیکی هەولێر بە سەرۆکایەتی سەرۆکی زانکۆ پ.ی.د.کاوە عبدالکریم شێروانی و بەیاوەری راگری کۆلێژی تەکنەلۆجی هەولێر پ.ی.د. بۆتان مەجید ئاسنگەر، سەردانی کۆمپانیای لوکاس نیولەیان لە وڵاتی ئەلمانیا کرد .

مەبەستی سەردانەکە گفتوگۆکردن بوو دەربارەی دابینکردنی ئامێری تاقیگەیی بۆ کۆلێژی تەکنەلۆجی هەولێر وەک کاری لە پێشینەی زانکۆ بۆ بەرەوپێشبردنی خوێندنی تەکنیکی و پراکتیکی لە زانکۆ. و دوای گفتوگۆو دیدار لەگەڵ بەرپرسانی کۆمپانیای ناوبراو، شاندی زانکۆ گەیشتنە ئەنجام بۆ کرینی چەندین ئامێری فێرکاری و تاقیگەیی.

هەر لە سەردانەدا شاندی زانکۆمان چاویان کەوت بە پرۆفیسۆر د. بەیکەر فەرنگیز مامۆستا لە زانکۆی تەکنیکی هۆچشول میتیلهیسن

Technische Hochschule Mittelhessen, or THM

ـی ئەڵمانیا. لە کۆبونەوەی شاندی زانکۆ لەگەڵ پرۆفیسۆر بەیکەر گفتوگۆ کرا، دەربارەی ئەو فەندەی کە لەلایەن رێکخراوی دادی ئەڵمانی دابینکراوە کە بە هەوڵ و ماندووبوونی بەردەوامی بەرێوەبەرایەتی پەیوەندییە نێودەوڵەتیەکانی زانکۆمان بەدەستهاتووە، کە بریارە لە ماوەیەکی نزیکدا بەو فەندە دوو تاقیگەی ووزەی خۆرو ووزەی نوێبووەوە

Solar Energy and Renewable Energy

ـی بە هەماهەنگی لەگەڵ پرۆفیسۆر بەیکەر و زانکۆی تەکنیکی هۆچشۆل میتیلهیسن دابین بکریت.

رۆژی سێ شەممە رێکەوتی 18ـی کانونی دووەمی 2022 لەچوارچێوەی دیداری هەفتانەی زانکۆی پۆلیتەکنیکی هەولێر، بەڕێوبەرایەتی چالاکییە دەرەکییەکان لە هۆڵی بۆنەکانی سەرۆکایەتی زانکۆ سیمنارێکی بۆ بەرێز م. عبدالرحمن صديق سەرۆکی دەستەی پاراستن و چاککردنی ژینگەی هەرێمی کوردستان لەژێر ناونیشانی (گۆڕانی کەش و هەوا و کاریگەری لەسەر ژینگە) رێکخست.

لە سەرەتای سیمنارەکەدا کە ژمارەیەک لە ئەندامانی ئەنجومەنی زانکۆ و بەڕێوبەر و مامۆستایان و قوتابیان ئامادەیبوون، ی.سەرۆکی زانکۆ بۆ کاروباری قوتابیان پ.ی.د. یوسف مصطفی رسول زۆر سوپاسی بەڕێز مامۆستا عبدالرحمن صديقی کرد بۆ ئەنجامدانی سیمنارەکە و هەروەها بەخێرهاتنی میوانانی کرد.

دواتر سیمنارەکە دەستی پێکرد و مامۆستا عبدالرحمن صديق بەوردی باسی لە گۆڕانکارییەکانی ژینگە و گەرم بوونی زەوی و هۆکارەکانی پیس بوونی ژینگەی بۆ ئامادەبووان رونکردەوە، هەروەها کۆمەڵێک داتای وردی لەبارەی ژینگە و گۆڕانکارییەکانی لە ماوەی ساڵانی پێشوو و ئێستا خستەڕوو.

پاشان باسی لە کۆمەڵێک پرسی تایبەت بە کێشەکانی ژینگە و ستراتیژی حکومەتی هەرێم و دەستەکەی بۆ چاکتر کردن و پاراستنی ژینگەی هەرێم کرد.

لە کۆتاییشدا دەرگای گفتوگۆ بەڕووی ئامادەبوواندا کرایەوە و پرسیارەکانیان ئاراستە کرد و لە لایەن سەرۆکی دەستەی ژینگەوە بە وردی وەڵام درانەوە.

دواتر یاریدەدەری سەرۆکی زانکۆ بۆ کاروباری زانستی د. نجیب تۆما پتۆ پلاکێتی زانکۆی پۆلیتەکنیکی هەولێری بەخشییە بەرێز مامۆستا عبدالرحمن و سوپاسی بەرێزیانی کرد بۆ ئەنجامدانی سیمنارەکە.