Yearly Archives: 2022

رۆژی پێنج شەممە رێکەوتی 17ـی ئاداری 2022 یاریدەدەرانی سەرۆکی زانکۆ بۆ کاروباری زانستی، کارگێڕی و دارایی پێشوازییان لە شاندێکی رێکخراوی خاچی سووری نێودەوڵەتی کرد.

لە کۆبوونەوەیەکدا بە ئامادەبوونی سەرۆکی بەشی پەلی دەستکرد، گفتوگۆ کرا دەربارەی دابینکردنی ستافی وانەوتنەوە و ئامادەکردنی ستافی ناوخۆیی بۆ بەشی تەکنیکی پەلی دەستکرد و پاڵپشتییەکان لە کۆلێژی تەکنیکی تەندروستی و پزیشکی بەمەبەستی بەردەوام بوونی پرۆسەی خوێندن لە بەشەکە و وەرگرتنی قوتابیان لە ساڵانی داهاتوو.

شیاوی بەبیرهێنانەوەیە بەشی تەکنیکی پەلی دەستکرد و پاڵپشتییەکان لە کۆلێژی تەکنیکی و تەندروستی هەولێر وەک تاکە بەش لەسەر ئاستی عێراق و هەرێمی کوردستان لە ساڵی خوێندنی 2020-2021 لە زانکۆمان دامەزراوە بە پاڵشتی راستەخۆی رێکخراوی خاچی سووری نێودەوڵەتی و بە هەماهەنگی و هاوکاری هەردوو وەزارەتی خوێندنی باڵا و توێژینەوەی زانستی هەرێم و عێراق

رۆژی یەکشەممە رێکەوتی 13ـی ئاداری 2022 سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی پێشوازی لە سکرتێری کونسوڵخانەی هۆڵەندا لە هەولێر سوزان تۆسینگس و شاندێکی رێکخراوی سپارکی هۆڵەندی کرد.

لە دیدارێکدا کە هەریەک لە یاریدەدەرانی سەرۆکی زانکۆ بۆ کاروباری زانستی، قوتابیان و ژمارەیەک لە بەرێوبەرانی سەرۆکایەتی زانکۆ ئامادەیبوون، گفتوگۆ کرا دەربارەی پرۆژی هاوبەشی نێوان زانکۆمان و رێکخراوی سپارک، کە خۆی لە یارمەتی دانی ئاوارە و پەنابەران لە هەرێمی کوردستان دەبینێتەوە و بۆ ماوەی سێ ساڵ بەردەوام دەبێت.

ئامانجی سەردانی سکرتێری کونسوڵخانەی هۆڵەندا بۆ سەرۆکایەتی زانکۆ لە نزیکەوە ئاگاداربوون بوو لە پرۆژەکە و هەروەها تاوتوێ کردنی هاوکاری و پێویستیەکان تا لە ئایندەدا بۆ سەرخستنی پرۆژەکە وەک کونسوڵخانەی هۆڵەندا هەماهەنگ بن

رۆژی سێ شەممە رێکەوتی 8ـی ئاداری 2022 بە بۆنەی رۆژی جیهانی ئافرەتان زانکۆی پۆلیتەکنیکی هەولێر دیدارێکی لە ژێرناونیشانی (جیاوازی جێندەری لە دیدی کۆمەڵگە و ئایین) بە بەشداری د. هێشو رێبوار علی، د. مولود خضر قەرەنی و ئاڤان فارس جاف ئەنجامدا.

لە سەرەتای چالاکیەکەدا سەرۆکی زانکۆ پ.ی.د. کاوە عبدالکریم شێروانی وتەیەکی پێشکەش کرد و تیایدا بەخێرهاتنی وەزیری گواستنەوە و گەیاندن بەرێز ئانۆ جەوهەر و خانمان و ئەندامانی ئەنجومەنی زانکۆ و مامۆستایان و میوانەکانی کرد و پیرۆزبایی لە ئافرەتانی سەرۆکایەتی زانکۆ و کوردستان و جیهان کرد بە بۆنەی ٨ـی مارسەوە و هیوای خواست ئەم بۆنەیە ببێتە مایەی بەرەوپێشچوونی زیاتر لە بواری مافەکانی ئافرەتان لە کوردستان و جیهان، لە بەشێکی دیکەی وتەکەیدا سەرۆکی زانکۆ وتی: “ئێمە وەک زانکۆی پۆلیتەکنیکی هەولێر بە کاری خۆمانی دەزانین کە گفتوگۆی راشکاوانە لەسەر چۆنیەتی تێڕوانینی کۆمەڵگەی کوردستان لە ماف و ئەرکی ئافرەتان بکەین و دیبەیتی بۆ ئەنجام بدەین و و پاشان توێژینەوەی جددی لەسەر بکەین لە کۆتاییدا دووبارە پیرۆزبایی لە خانمان و ئافرەتانی کوردستان و جیهان دەکەم بەبۆنەی ئەم رۆژەوە.

دواتر دیدارەکە بە سەرپەرشتی د. سەلار عثمان دەستی پێکرد و پانێلیستەکان گفتوگۆیەکی چڕ و پڕیان کرد دەربارەی کێشە و ئاڵنگارییەکانی بەردەم ئافرەتان لە کۆمەڵگە و دامەزراوەکان و ژیانی رۆژانەیاندا. هەروەها بە گرنگی و پێزانینەوە باس لە توانای خانمان کرا لە سەرجەم کایەکانی ژیان سەرباری ئەوەی ئەرکی دایکایەتی و خێزانیشیان لەسەرە، ئەمە سەرەڕای ئەوەی ئایینەکانیش ئافرەتیان لە پێگەیەکی بەرز داناوە، دواتر دەرگای گفتوگۆ کرایەوە و میوانەکان راو سەرنجی خۆیان خستەڕوو وە لە لایەن پانێڵیستەکانەوە وەڵامیان درایەوە ، لە کۆتاییشدا سەرۆکی زانکۆ بڕوانامەی رێزلێنانی بەخشییە پانێڵیست و ئەندامانی لێژنەی ئامادەکاری دیدارەکە و دووبارە سوپاسی ئامادەبوونی میوانان و خانمانی کرد و رایگەیاند کە نووسراوی سوپاس و پێزانینی ئاراستەی فەرمانبەرانی ئافرەت لە سەرۆکایەتی زانکۆ کردووە.

ساڵانە سەرۆکایەتی زانکۆ لە رۆژی جیهانی ئافرەتاندا چالاکی تایبەت بەم بۆنەیە ئەنجام دەدات و بۆ ئەمساڵیش سەرۆکی زانکۆ سوپاس و پێزانین بە سەرجەم فەرمانبەرانی ئافرەت دەدات

رۆژی یەکشەممە رێکەوتـی 6ـی ئاداری 2022 لە هۆتێلی کانیۆن لە هەولێر بە ئامادەبوونی سەرۆکی زانکۆی پۆلیتەکنیکی هەولێر پ.ی.د. کاوە شێروانی و بەرپرسانی رێکخراوی سپارک و ژمارەیەک لە ئەندامانی ئەنجومەن و بەرێوبەرانی سەرۆکایەتی زانکۆ کۆتایی هات بە خولی مەشقکردنی بنیاتنانی تواناکانی قوتابیان لەچوارچێوەی پرۆژەی

(Innovation Hub Lab) .

شیاوی باسە پرۆژەکە بە پاڵپشتی وەزراەتی دەرەوەی هۆڵەندا بەرێوەچوو و ماوەی 4 رۆژی خایاند کە مەبەست لێی نزیک کردنەوەی زانکۆکان و کۆمپانیاکانی کەرتی تایبەت بوو لە رێگای دۆزینەوەی چارەسەر بۆ ئەو بەربەستانەی کە دێتەبەردەم کۆمپانیاکان لە لایەن قوتابیانی داهێنەر و خاوەن بیرۆکەی داهێنەرانە، بە بەشداری هەر دوو زانکۆی تەکنیکی باکوور و زانکۆی موسڵ و سێ کۆمپانیا لە بوارەکانی پسپۆڕی قوتابیانی بەشداربوو، رۆژی یەکشەممە کۆتایی بە خولەکە هات و بەشداربووان بروانامەی بەشدارییان پێبەخشرا.

Trainers (Experts):
Haya Jreaa- Trainer
Filipe Carrera-Lead trainer
Ali Al-Bawi -Trainer