رۆژی سێ شەممە رێکەوتی ۹ـی نۆڤەمبەری ۲۰۲۱ لە درێژەی کاروچالاکییەکانی بەڕێوبەرایەتی تەندروستی و سەلامەتی زانکۆی پۆلیتەکنیکی هەولێر و بە هەماهەنگی لەگەڵ بەڕێوبەرایەتی گشتی تەندروستی هەولێر/ بەڕێوبەرایەتی کردەوە پزیشکییەکان، کۆتایی هات بە وۆرکشۆپێکی دوو رۆژەی تایبەت بە فریاگوزاری سەرەتایی بۆ مامۆستایان و فەرمانبەرانی کۆلێژی تەکنەلۆجی هەولێر.
خولەکە لە هۆڵی سیمینارەکانی کۆلێژی تەکنەلۆجی هەولێر لەلایەن بەرپرسی بەشی فریاگوزاری بەڕێز رزگار عبدالخالق عبدالرزاق وترایەوە و ماوەی دوو رۆژ بەردەوام بوو.
رۆژێ دوو شەممە رێکەوتی 4ـی ئۆکتۆبەری 2021 لە هۆڵی مەڵبەندی رۆشنبیری زانکۆی پۆلیتەکنیکی هەولێر بە ئامادەبوونی سەرۆکی زانکۆ پ.ی.د کاوە عبدالکریم شێروانی و بریکاری وەزیری خوێندنی باڵاوتوێژینەوەی زانستی د. عبدالفتاح عبدالرزاق و ژمارەیەک لە راوێژکار و بەرێوبەری گشتی وەزارەتی خوێندنی باڵا و یاریدەدەرانی سەرۆکی زانکۆ و ئەندامانی ئەنجومەنی زانکۆ، دیدارێک بۆ گوتەبێژی حکومەتی هەرێم د. جوتیار عادل لە ژێر ناونیشانی (کاروچالاکییەکانی حکومەتی هەرێم کوردستان لە ماوەی دوو ساڵی رابردوودا) بەڕێوە چوو.
سەرەتا سەرۆکی زانکۆ وتەیەکی پێشکەش کرد و تیایدا بەخێرهاتنی بریکاری وەزیری خوێندنی باڵا د. عبدالفتاح عبدالرزاق و بەرێوبەری گشتی و راوێژکارانی وەزارەتی خوێندنی باڵا و مامۆستایان و میوانانی کرد، هەروەها سوپاسی تایبەتی گوتەبێژی حکومەت د. جوتیار عادلی کرد بۆ ئەنجامدانی دیدارەکە تاکو لە نزیکەوە باس لە کاروچالاکییەکانی کابینەی نۆیەمی حکومەتی هەرێمی کوردستان بکات.
لە دیدارەکەدا کە پ.ی.د یوسف مصطفی رسول سەپەرشتی دەکرد د. جوتیار بەوردی باسی لە کار و چالاکییەکانی کابینەی نۆیەمی حکومەتی هەرێمی کوردستان کرد لە ماوەی دوو ساڵی رابردوودا، هەروەها باسی لەو کۆسپ و ئاڵنگارییانە کرد کە هاتووەتە پێش تیمی حکومەت لە ماوەی کارکردنیان، لە بەشێکی دیکەی دیدارەکەدا باسی لە پرۆسەی چاکسازی و گرنگی و ئەنجامەکانی کرد و چەند نمونەیەکی باس کرد کە بەهۆیەوە داهات بۆ خەزێنەی حکومەت گەڕاونەتەوە.
هەروەها گوتەبێژی حکومەت باسی کێشەکانی نێوان هەرێم و بەغدا کرد و هۆکار و لێکەوتەکانی بەوردی شیکردەوە، پاشان باسی لە بەرنامەی داهاتووی حکومەت کرد کە خۆی لە چەند پرۆژەیەکی ستراتیژی دەبینێتەوە یەکێک لەوانە دروست کردنی بانکی نیشتمانی کە لە ئێستادا لە قۆتاغی جێ بەجێ کردندای.
لە کۆتاییدا دەرفەت بە مامۆستایانی زانکۆ و میوانان درا کە پرسارەکانیان ئاراستە بکەن، لە وەڵامی پرسیاری یەکێک لە مامۆستایان کە دەربارەی دەست پێکردنەوەی پلە بەرز کردنەوەی فەرمانبەران کردی، گوتەبێژی حکومەت وتی بڕیارە لە پرۆژە یاسای بودجەی هەرێمی کوردستان بۆ ساڵی 2022 بە میکانزمێک جێگەی بکرێتەوە و پلە بەرز کردنەوە دەست پێبکاتەوە.
لە کۆتاییدا د. جوتیار سوپاسی سەرۆکی زانکۆی پۆلیتەکنیکی هەولێری کرد بۆ ئەو دەرفەتە کە بووە هۆی ئەوەی لە نزیکەوە مامۆستانی زانکۆ ببینێت و کاروچالاکییەکانی حکومەت بخاتەروو کە بۆ ماوەی دوو ساڵە دەست بە کاربووە.
لە چوارچێوەی کارو چالاکییەکانی بەرێوبەرایەتییەکانی رەخساندنی هەلی کار و پەیوەندییە نێودەوڵەتییەکانی زانکۆی پۆلیتەکنیکی هەولێر بە هەماهەنگی لەگەڵ رێکخراوی سپارکی نێودەوڵەتی سێ خولی راهێنان لە بوارەکانی زمانی ئینگلیزی بە دوو ئاستی جیاواز و کارگێڕی بۆ فێرخوازانی پەنابەری سووری و ناوخۆیی(عێراقی) لە شاری هەولێر.
رۆژی سێ شەممە رێکەوتی 2ـی نۆڤەمبەری 2021 لە کامپی کۆلێژی تەکنەلۆجی هەولێر خولی یەکەم دەستی پێکرد و لە لایەن مامۆستایانی زانکۆی پۆلیتەکنیکی هەولێرەوە دەوترێتەوە و خولەکان بۆ ماوەی دوو مانگ بەردەوام دەبن.
دوابەدوی نووسراوی فەرمانگەی خوێندن و پلاندانان و بەدواداچوونی وەزارەتی خوێندنی باڵا و توێژینەوەی زانستی ژمارە 15922 لە 24/10/2021 و فەرمانی زانکۆیی ژمارە 8903 لە 25/10/2021 رۆژی دووشەممە رێکەوتی 1ـی نۆڤەمبەری 2021 بەرێوبەرایەتی تۆماری گشتی زانکۆی پۆلیتەکنیکی هەولێر لیستی ناوی وەرگیراوانی یەکەم و دووەم و سێیەمی پەیمانگە تەکنیکییەکان لە کۆلێژەکانی زانکۆی پۆلیتەکنیکی هەولێر و زانکۆکانی دیکە بەپێی پسپۆڕی و بەشە هاوشێوەکانیان بۆ ساڵی خوێندنی 2021-2022 راگەیاند.
هەروەها بە پێی نووسراوی فەرمانگەی خوێندن و پلاندانان و بەدواداچوونی وەزارەتی خوێندنی باڵا و توێژینەوەی زانستی ژمارە 16314 لە 27/10/2021 و فەرمانی زانکۆیی ژمارە 9130 لە 1/11/2021 لیستی ناوی قوتابیانی وەرگیراو و وەرنەگیراو بە سیستەمی پۆلیتەکنیک لە لایەن بەرێوبەرایەتی تۆماری گشتییەوە راگەیاندرا بەم شێوەیەی خوارەوە:
