رۆژی چوارشەممە رێکەوتی 1ـی ئەیلولی 2021 سەرۆکی زانکۆی پۆلیەتکنیکی هەولێر پ.ی.د. کاوە عبدالکریم شێروانی بە یاوەری ژمارەیەک لە ئەندامانی ئەنجومەنی زانکۆ سەردانی سەرۆکی نوێی زانکۆی سۆران پ.ی.د. شێروان شریف قرطاسی کرد، بەمەبەستی پیرۆزبایی کردن بەبۆنەی وەرگرتنی پۆستی سەرۆکی زانکۆی سۆران.
لە دیدارێکدا وێرای پیرۆزبایی کردن لە سەرۆکی نوێی زانکۆی سۆران رێکەوتنی سەرەتایی کرا لەسەر ئەنجامدانی چەند کارێکی زانستی لەنێوان هەردوو زانکۆ وەک ئەنجامدانی کۆنفرانس، وۆرکشۆپ، سیمپۆزیۆمی هاوبەش و کاری گۆڤارە زانستییەکان.
هەر لەو دیدارەدا بڕیار درا لە داهاتوویەکی نزیکدا چەند چالاکییەکی زانستی وەک وۆرکشۆپ و سیمپۆزیۆم ئەنجام بدرێت بەمەبەستی چارەسەر کردنی کێشەکانی هەرێمی کوردستان بۆ نمونە چارەسەری کێشەی کەم ئاوی و وشکەساڵی بە بەشداری و ئامادەبوونی پسپۆڕانی ئەم بوارە.
