رۆژی دووشەممە رێکەوتی 22ـی نۆڤەمبەری 2021 سەرۆکی زانکۆ پ.ی.د. کاوە عبدالکریم شێروانی پێشوازی لە شاندێکی وەزارەتی ناوخۆ کرد، کە پێکهاتبوون لە بەڕێزان د.سامی جلال بەڕێوەبەری گشتیی دیوان وەزارەتی ناوخۆ عەمید سەرکەوت جلال بەڕێوەبەری بەڵگەکانی تاوان هەریم، مقدم ئاراس محمد بەڕێوەبەری تاقیگەی بایۆلۆجی (دی ئێن ئەی)
لە دیدارێکدا کە راگری پەیمانگەی تەکنیکی پزیشکی هەولێر، بەڕێوبەرانی پەرەپێدانی پرۆگرامەکانی خوێندن و دڵنیایی جۆری سەرۆکایەتی زانکۆ ئامادەیبوون، گفتوگۆکرا دەربارەی چۆنیەتی بەڕێوەچوونی کارەکانی کردنەوەی بەشی بەڵگەکانی تاوان لە زانکۆمان، هەر لەدرێژەی کۆبوونەوەکەدا چەند بڕیار و راسپاردەیەکی تایبەت بە کردنەوەی بەشەکە پەسەند کران و بڕیارە لە داهاتوویەکی نزیکدا هەنگاوە کردەنییەکانی تایبەت بە کردنەوەی بەشەکە دەستپێبکەن.
شیاوی باسە لەسەر پێشنیاری زانکۆی پۆلیتەکنیکی هەولێر بەشەکە دەکرێتەوە ئەمڕۆ دووهەمین کۆبوونەوە بوو کە لەنێوان هەردوولادا ئەنجام بدرێت بەمەبەستی کردنەوەی بەشی ناوبراو لە پەیمانگەی تکنیکی پزیشکی هەولێر.
