ئەمڕۆ چوار شەممە رێککەوتی ٨ـی کانونی دووەمی ۲۰۲۰ بە سەرپەرشتی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی و ئامادەبوونی سەرجەم ئەندامانی ئەنجومەنەکە، کۆبوونەوەی ئاسایی خۆی لە پەیمانگەی تەکنەلۆجی هەولێر ئەنجامدا.
لە کۆبوونەوەکەدا باسی چەند پرسێکی تایبەت بە چۆنیەتی بەرێوەچوونی پرۆسەی خوێندن و تاقیکردنەوەکان کرا و چەند بڕیار و رێنماییەک پەسەند کران کە لە بەرژەوەندی گشتی و قوتابیان و مامۆستایانی زانکۆماندایە.
رۆژی چوار شەممە رێککەوتی ٨ـی کانونی دووەمی ۲۰۲۰ سەرۆکی زانکۆی پۆلیتەکنیکی هەولێر پ.ی.د کاوە عبدالکریم شێروانی بە یاوەری یاریدەدەری سەرۆکی زانکۆ بۆ کاروباری کارگێڕی و دارایی پ.ی.د. جودت جعفر خطاب سەردانی پەیمانگەی تەکنەلۆجی هەولێری کرد.
مەبەستی سەردانەکە لە نزیکەوە ئاگاداربوون بوو لە چۆنیەتی بەڕێوەچوونی کارەکانی پەیمانگەی ناوبراو، هەر لەمیانی سەردانەکەیدا سەرۆکی زانکۆ کۆبوونەوەیەکی لەگەڵ مامۆستایان و فەرمانبەران و قوتابیان ئەنجام دا و لە کێشە و گیروگرفتەکانیانی کۆڵیەوە بەمەبەستی چارەسەرکردن و بەرەو پێش بردنی کاروبارەکانی پەیمانگە.
شیاوی باسە ئەم جۆرە سەردانانە بەردەوامییان دەبێت بۆ گشت کۆلێژ و پەیمانگەکانی سەر بە زانکۆمان.
رۆژی سێ شەممە رێککەوتی 7ـی کانونوی دووەمی 2020 سەرۆکی زانکۆ پ.ی.د. کاوە عبدالکریم شێروانی پێشوازی لە سەرۆکی ئەنجومەنی زانکۆکانی نێودەڵەتی لە تورکیا د. ئۆرهان حیکەمت عەزیزئۆغلو و شاندی یاوەری کرد.
لە دیدارێکدا کە هەریەک لە یاریدەدەری سەرۆکی زانکۆ بۆ کاروباری زانستی، راگری کۆلێژەکانی تەکنیکی تەندروستی و ئەندازیاری، ئەمینداری ئەنجومەنی زانکۆ و بەرپرسی هۆبەی کۆمەک و یارمەتی لە بەرێوبەرایەتی پەیوەندییە ئەکادیمییەکان ئامادەیبوون، باس لە کارەکانی ساڵی داهاتووی ئەنجومەنەکە کرد و بریار وایە کۆبوونەوەکی گشتی لەم ساڵدا ئەنجامبدرێت.
شیاوی باسە پ.ی.د. کاوە شێروانی لە ئێستادا سەرۆکی لێژنەی کۆمیتەی ئەکادیمییە لە ئەنجومەنی زانکۆ نێودەوڵەتییەکان.
دواتر لە لایەن هەردوو سەرۆکی زانکۆ و سەرۆکی ئەنجومەنی ناوبراو پلاکێتی تایبەت بە زانکۆ و ئەنجومەنەکە ئاڵوگۆر کرا.
فۆتۆ: گۆران کەنعان
Video Player00:0003:05
ڕاپۆرت: کەناڵی تورکمان الی
ئەمڕۆ دوو شەممە رێکەوتی ٦ـی کانونی دووەمی ۲۰۲۰ سەرۆکی زانکۆی پۆلیتەکنیکی هەولێر پ.ی.د کاوە عبدالکریم شێروانی بە یاوەری یاریدەدەری سەرۆکی زانکۆ بۆ کاروباری کارگێڕی و دارایی پ.ی.د. جودت جعفر خطاب سەردانی کۆلێژی تەکنیکی تەندروستی هەولێری کرد.
سەردانەکە بەمەبەستی لە نزیکەوە ئاگاداربوون بوو لە چۆنیەتی بەڕێوەچوونی کارەکانی کۆلێژی ناوبراو، هەر لەمیانی سەردانەکەیدا سەرۆکی زانکۆ کۆبوونەوەیەکی لەگەڵ مامۆستایان و فەرمانبەران و قوتابیان ئەنجام دا و لە کێشە و گیروگرفتەکانیانی کۆڵیەوە بەمەبەستی چارەسەرکردن و بەرەو پێش بردنی کاروبارەکانی کۆلێژ.
شیاوی باسە ئەم جۆرە سەردانانە بەردەوامییان دەبێت بۆ گشت کۆلێژ و پەیمانگەکانی سەر بە زانکۆمان.