Yearly Archives: 2020

مامۆستایەکی زانکۆی پۆلیتەکنیکی هەولێر بۆ ساڵی دووەم لەسەر یەک بڕوانامە و خەڵاتی رێزلێنانی وەک یەکێک لە قوتابییە نایابەکان لەسەر ئاستی زانکۆکەی لە وڵاتی چین بەدەست بێنی و خەڵاتێکی دارایی شایستە وەربگرێ لەلایەن ڕێکخراوی

CSC China scholarship council

مامۆستا (ڕوشن عثمان علی) مامۆستای بەشی کارپێکردن و کۆنتڕۆڵ لە پەیمانگای تەکنیکی کۆیە و هەڵگری نازناوی زانستی مامۆستایە و لە ئێستا دا قوتابی دکتۆرایە لە وڵاتی چین توانی بۆ ساڵی خوێندنی 2019 بۆ جاری دووەم (چونکە ساڵی 2018 هەمان ئاستی تۆمار کرد و هەمان شەهادەو خەڵاتی پێدرا) پلەی یەکێک لە قوتابییە نایابەکان لەسەر ئاستی زانکۆکەی بەدەست بێنی وە بڕوانامە و خەڵاتێکی دارایی شایستە وەربگرێ لەلایەن ڕێکخراوی

 CSC China scholarship council

پێدانی ئەو بڕوانامەو خەڵاتە چەند پێوەرێکی هەیە وەک لایەنی ئەکادیمی ،چالاک جۆراو جۆر، ڕێزگرتن لەیاساو ڕێنمایەیەکان چین و زانکۆکە، وە ساڵانە چەندین قوتابی لەسەر ئاستی زانکۆکانی چین هەڵدەبژێردرێن و خەڵات دەکرین.

مامۆستا رەوشەن نوێنەری فەرمی زانکۆی پۆلیتکنیکی هەولێرە کە لە ساڵی ۲۰۱٦ یەکێک بووە لەکاندیدە سەرکەتووەکان لە وەزارەتی خوێندنی باڵا بۆ خوێندنی دکتۆرا بە زەمالە لەوڵاتی چین. وە بۆساڵی 2019 بروانامەی ڕێزلێنانی پێبەخشرا لەلایەن سەرۆکایەتی زانکۆی پۆلیتەکنیکی هەولێر وەک یەکێک لەمامۆستا چالاکەکان هەڵبژێردرا کە دەورێکی کارای هەبوو لە پێشخستنی ئاستی زانکۆ بە بڵاوکردنەوە کۆمەڵێک توێژینەوەی زانستی ئاست بەرز کە لەهەموویان ئاماژە بەناوی زانکۆ و پەیمانگای تەکنیکی کۆیە کردبوو.

ئەمڕۆ سێ شەممە رێککەوتی ۱۹ـی ئایاری ۲۰۲۰ ئەنجومەنی زانکۆی پۆلیتەکنیکی هەولێر بە ئامادەبوونی سەرۆکی زانکۆ پ.ی.د کاوە عبدالکریم شێروانی و ئەندامانی ئەنجومەن کۆبوونەوەی ژمارە ۱۳ـی ئاسایی خۆی بەڕێوەبرد.

سەرەتا سەرۆکی زانکۆ بەخێرھاتن و دەستخۆشی لە ئەندامانی ئەنجومەن کرد کە لەماوەی کەرەنتینە بە شێوەی ئۆنڵاین کارەکانیان بەرێوەبرد، لە درێژەی کۆبوونەوەکەدا گفتوگۆ دەربارەی چەند پرسێک کرا و چەند راسپاردە و بڕیارێکی پەسەند کرد بەم شێوەیەی خوارەوە:

۱. دانانی ساڵنامەی تەواوکاری ئەمساڵی خوێندن ئەگەر بارودۆخەکە ئاسایی بووەوە.

۲. تاوتوێی رێنماییەکانی وەزارەت سەبارەت بە پڕکردنەوەی کۆرسیەکانی خوێندنی باڵا کرا.

۳. بەردەوامی خوێندنی ئەلیکترۆنی تاکو کۆتایی مانگی ئایار.

٤. ھەڵسەنگاندنی بەرێوەچوونی خوێندنی ئەلیکترۆنی

ئەمڕۆ بە ئامادەبوونی سەرۆکی زانکۆ پ.ی.د. کاوە عبدالکریم شێروانی و راگری پەیمانگەی تەکنەلۆجی هەولێر د. بۆتان مجید احمد، پرۆژەی ئامێری خاوێنکەرەوە (تەعقیم) کردن بۆ شوێنەگشتیی و مۆڵەکان لە پەیمانگەی ناوبراو کرایەوە.

ئامێرەکە لە لایەن ژمارەیەک مامۆستای پەیمانگەی تەکنەلۆجی هەولێر بە سەرپەرشتی مامۆستا هەڤاڵ احمد عبدالرحمن دروستکراوە، کە پێکهاتووە لە ژوورێکی بچووک و عەمبارێک کە گیراوەی خاوێنکەرەوەکەی تێدەکرێت و ژمارەیەک ئاوپرژێن بەمەبەستی پرژاندنی گیراوەی خاوێنکەرەوە.

لەم بارەیەوە سەرپەرشتیاری پرۆژەکە تایبەت بە سایتی زانکۆ ووتی :” ئەم ئامێرە مۆدێلێکە و دەتوانین بەپێی ویستی ئەو شوێنانە گۆڕانکاری تێدابکەین کە دەیانەوێ ئامێرەکە بکڕن”.
هەروەها دەربارەی تێچووی ئامێرەکە مامۆستا هەڤاڵ ووتی: نرخی یەک ئامێر شەش سەد دۆلارە، بەڵام ئەگەر کڕیار داوای زیاتر بکات نرخەکەی کەمتر دەبێتەوە.

ئەمرۆ ۱۱ـی ئایاری ۲۰۲۰ دوای دوومانگ لە مانەوە لەماڵەوە دەوامی ئاسایی مامۆستایان و فەرمانبەرانی سەرۆکایەتی زانکۆی پۆلیتەکنیکی هەولێر وەک زۆربەی دامودەزگاکانی دیکەی حکومەتی هەرێم بە جێبەجێ کردنی رێنماییە تەندروستیەکان دەستی پێکردەوە.

لە هەڵمەتێکی خاوێنکردنەوەدا بەبەشداری سەرۆکی زانکۆ و ژمارەیەک لە بەڕێوبەر و ژینگەپارێزانی سەرۆکایەتی زانکۆ سەرلەبەیانی ئەمڕۆ دەستکرا بەخاوێنکردنەوە و رێکخستنەوەی باخچەکانی سەرۆکایەتی زانکۆ، کە بەهۆی دەوام نەکردنەوە پێویستیان بە خاوێنکردنەوە هەبوو.