Blog

بەئامادەبوونی پ.ی.د عبدالخالق نادر قادر ڕاگری کۆلێژی تەکنیکی شەقڵاوە، ئەندامانی ئەنجوومەنی کۆلێژ و بەرپرسی هۆبەکان، ڕێورسمێک بۆ مامۆستایان و فەرمانبەرانی خانەنشین بوو لە کۆلێژی تەکنیکی شەقڵاوە ڕێکخرا.

لە سەرەتای رێوڕەسمەکەدا پ.ی.د عبدالخالق نادر قادر ڕاگری کۆلێژی تەکنیکی شەقڵاوە  لە وتەیەکدا ستایشی رۆڵی ئەو مامۆستا و فەرمانبەرانی خانەنشی بووی کرد لە بەرەپێشچوونی ئاستی زانستی و کارگێری کۆلێژ و هیوای سەرکەوتن و تەمەن درێژی بۆ خواستن.

دواتر چەند مامۆستا و فەرمانبەرێک وێڕای سوپاسگوزارییان بۆ راگریەتی کۆلێژی تەکنیکی شەقڵاوە بۆ رێکخستنی رێوڕەسمی رێزلێنان، هاوکات باسیان لە ئەزموونی کاری خۆیان کرد و هیوای بەرەپێشچوونی زیاتریان بۆ کۆلێژ خواست.

لە کۆتاییدا لەلایەن راگر و ئەندامانی ئەنجوومەنی کۆلێژی تەکنیکی شەقڵاوە قەلغانی رێزلێنان پێشکەش بە مامۆستایان و فەرمانبەرانی خانەنشین بوو کرا.

 

لەژێر چاودێری و بە ئامادەبوونی پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێری و دارایی و پ.ی.د.بۆتان مەجید ئاسنگەر یاریدەدەری سەرۆکی زانکۆ بۆ کاروباری زانستی و خوێندنی باڵا، پ.د.کیهان زرار غفور راگری کۆلێژی تەکنەلۆجی و پ.ی.د.سەرسام خەلیل شوانی راگری پەیمانگەی تەکنیکی کارگێری و ژمارەیەک لە بەرپرسانی حکوومی و حزبی و مامۆستایان و فەرمانبەران و قوتابیان، حەوتەمین پێشانگا و فێستیڤاڵی داهێنان و تەکنەلۆجی لە کۆلێژی تەکنەلۆجی هەولێر لە کەمپی یەکی زانکۆمان کرایەوە.

لە فێستیڤاڵ و پێشانگەکەدا کە ساڵانە ئەنجام دەدرێت، قوتابیان ئەو زانستەی لە چوار ساڵی خوێندنی بەکالۆریۆس یان دوو ساڵی دبلۆمی تەکنیکی لە کۆلێژی تەکنەلۆجی وەریانگرتووە بەکاری دەهێنن بۆ ئەنجامدانی پڕۆژە و پڕۆژەکانیان تیایدا نمایش دەکەن.

لە پێشانگاکەدا قوتابیان پڕۆژەکانیان لە بوارە جیاجیاکان خستەڕوو کە دەرخەری بەرزی ئاستی زانست و زانیاریانی نیشان دەدا.

بەشێکی پڕۆژەکانیش داهێنان و نوێگەری بوون کە دواجار خزمەت بە کەرتی گشتی و کەرتی تایبەت دەگەیەنن و دەبنە هۆی رەخساندنی هەلی کار بۆ قوتابیان لەدوای دەرچوونیان.

 

 

 

 

لە دووەمین ڕۆژی هەفتەی چالاکییەکانی گشتگیری دارایی بانکی ناوەندی عێراق بە بەشداری ژمارەیەک بانک و دامەزراوە و كۆمپانیای بواری دارایی لە کۆلێژی تەکنیکی کارگێڕی بە هەماهەنگی لەگەڵ کۆلێژی تەکنیکی ئەندازیاری لە کەمپی دوو زانکۆمان، چالاکییەک بەڕێوەچوو.

چالاکییەکە بە ئامادەبوونی پ.ی.د.محسن شریف شێروانی ڕاگری کۆلێژی تەکنیکی کارگێری و کازم نامق بەڕێوەبەری گشتی بانکی ناوەندی عێراق لقی هەرێمی کوردستان و ژمارەیەک لە مامۆستایان و فەرمانبەران و قوتابیانی کۆلێژ، دووەمین ڕۆژی هەفتەی چالاکییەکانی گشتگیری دارایی بانکی ناوەندی عێراق لە کۆلێژی تەکنیکی کارگێڕی بە هەماهەنگی لەگەڵ کۆلێژی تەکنیکی ئەندازیاری بەڕێوەچوو.

سەرەتای چالاکییەکە بە پێشکەشکردنی وتار لە لایەن هەریەک لە پ.ی.د.محسن شریف شێروانی ڕاگری کۆلێژی تەکنیکی کارگێری و کازم نامق بەڕێوەبەری گشتی بانکی ناوەندی عێراق لقی هەرێمی کوردستان دەستی پێکرد.

پ.ی.د.محسن شریف شێروانی و کازم نامق لە وتارەکانیاندا جەختیان کردەوە لەسەر پتەوکردنی پەیوەندی نێوان دامەزراوە ئەکادیمی و بانکییەکان، ڕەخساندنی هەلی کار بۆ قوتابیان.

لەم چالاکییەدا بە ئەنجامدانی سیمینارێک هەوڵدرا بۆ ئاشنا کردنی ئامادەبووان بە بانکی ناوەندی و چەمکی گشتگیری دارایی و بەرزکردنەوەی ئاستی هۆشیاری و ڕۆشنبیری بانکییان.

کۆتایی چالاکییەکەش بریتی بوو  لە ناساندنی خزمەتگوزاری و چالاکییەکانی بانکە بەشداربووەکان کە زیاتر لە ۲۰ بانک و دامەزراوە داراییەکان بوون.

لەژێر چاودێری پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و بە ئامادەبوونی پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێری و دارایی و پ.ی.د.یوسف مستەفا رەسول یاریدەدەری سەرۆکی زانکۆ بۆ کاروباری قوتابیان و پ.د.هاوژین صلیوە راگری پەیمانگەی تەکنیکی کۆیە و ژمارەیەک لە بەرپرسان و مامۆستایان و فەرمانبەران و قوتابیان، فێستیڤاڵی رۆژی پەیمانگەی تەکنیکی کۆیە بەڕێوەچوو.

 

یاریدەدەرانی سەرۆکی زانکۆ و میوانان بەشەکانی فێستیڤاڵەکەیان بەسەرکردەوە کە بە ئامانجی نیشاندانی کولتوور و کەلپووری کوردی ئەنجامدرا و تیایدا وێڕای نیشاندانی چالاکی قوتابیانی بەشە زانستییەکانی پەیمانگە، هاوکات چەند چالاکییەک ئەنجامدرا.

هەروەها ژمارەیەک کۆمپانیا کە بەرهەمەکانیان نیشاندا، هاوکات هەلی کاریان بۆ دەرچووانی پەیمانگە رەخساند.

 

جێی ئاماژەیە، لە چوارچێوەی گونجاندنی پڕۆگرامەکانی خوێندن لەگەڵ بازاڕ و رەخساندنی هەلی کار بۆ دەرچووان، زانکۆی پۆلیتەکنیکی هەولێر فێستیڤاڵی هاوشێوە لە گشت کۆلێژ و پەیمانگاکان ئەنجام دەدات کە تیایدا کۆمپانیاکانی کەرتی تایبەتیش بە نمایش کردنی بەرهەمەکانیان بەشداریی دەکەن، هاوکات هەلی کار بۆ دەرچووانی زانکۆمان دەڕەخسێنن.