Blog

لەچوارچێوەی گرنگیدان بە پڕۆگرامەکانی تایبەت بە بەرزکردنەوەی ئاستی زانستی قوتابیانی زانکۆمان، زانکۆی ئەمریکی کوردستان – دهۆک سیمینارێک لەبارەی ناساندنی پڕۆگرامێکی تایبەت بە چۆنییەتی هاندانی لاوانی بەهرەمەند بە ئامانجی پەرەپێدان بە تواناکانیان و داهێنان بۆ بەرەنگاربوونەوەی ئەو ئاڵنگارییانەی کە رووبەڕووی کۆمەڵگا دەبنەوە، بۆ قوتابیانی زانکۆمان ئەنجام دەدات.

 بۆ ئەم مەبەستە سیمینارێک بەڕێوەدەچێت و لەمیانیدا باس لە ناساندنی ئەو پڕۆگرامە دەکرێت کە چەند تەوەرێک لەخۆ دەگرێت لەوانە “خوێندنی تەکنیکی، تەکنیکی تەندروستی، تەکنیکی کشتوکاڵ، تەکنەلۆجیای وزەی خاوێن، هەروەها گەیاندنی خزمەتگوزاری بانکی“.

بانگهێشت و هانی قوتابیانی زانکۆمان دەکەین بۆ بەشدارییکردن لەو سیمینارە بەتایبەتی قوتابیانی قۆناغی دووەم و سێیەمی بوارەکانی ئەندازیاری، تەندروستی و پزیشکی، تەکنەلۆجی و بازاڕگەری نێودەوڵەتی و زمان، کە لە کۆتاییدا ٤٢ قوتابی بەشداربووی سیمینارەکە لەدوای پرۆسەی چاوپێکەوتن دەست نیشان دەکرێن بۆ بەشدارییکردنیان لە خولێکی دوو هەفتەیی بۆ چۆنییەتی ئەنجامدانی پڕۆژە لە بوارەکانی ئاماژە پێکراوی سەرەوە و گشت خەرجییەکانی ئەو پڕۆگرامەش لەلایەن زانکۆی ئەمریکی کوردستان – دهۆک دابین دەکرێت.

شوێنی ئەنجامدانی سیمینارەکە: هۆڵی بۆنەکان لە سەنتەری رۆشنبیری لە کەمپی ١ی زانکۆمان
رۆژی دووشەممە رێکەوتی ١٠/٢/٢٠٢٥
کاتژمير (١٢:٣٠)ی نیوەڕۆ
بۆ زانیاری زیاتر دەتوانن کلیک لێـــــــــــرە بکەن.

پ.ی.د.مراد امیر احمد ڕاگری کۆلێژی تەکنیکی تەندروستی و پزیشکی هەولێر و پ.ی.د.تیران جمیل پیرۆ ڕاگری پەیمانگەی تەکنیکی پزیشکی هەولێر بە نوێنەرایەتی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بەشداریی کرد لە سیمپۆزیەمی ئاراستە نوێیەکانی نەخۆشی شێرپەنجە لە هەرێمی کوردستان – عێراق کرد کە لەلایەن بەشی بایۆلۆجی/ کۆلێژی پەروەردە/ زانکۆی سەلاحەدین -هەولێر ڕێکخرابوو.

لە پەراوێزی سیمپۆزیەمەکەد، پ.ی.د.مراد امیر احمد، ڕاگری کۆلێژی تەکنیکی تەندروستی و پزیشکی هەولێر دەستخۆشی لە ڕێکخەرانی ئەو چالاکییە زانستییە کرد و ئومێدی خواست دەرەنجامەکانی خزمەت بە کەرتی تەندروستی و کۆمەڵگە بکات.

ئەمرۆ بەرواری ٤/٢/٢٠٢٥ ڕاگری پەیمانگە (د.تیران جمیل پیرۆ) وەکو نوێنەری زانکۆی پۆلیتەکنیکی هەولێر بانگێشتکرابوو لە زانکۆی سەلاحەدین بۆ بەشداریکردن لە ئەنجامدانی سیمپۆزیۆمێک لە ژێر ناونیشانی: (ئاراستە نوێیەکانی شێرپەنجە لەهەرێمی کوردستان–عیراق)
کە لە ژێر چاودێری بەڕێز سەرۆکی زانکۆی سەلاحەدین– هەوڵیر پ.ی.د.کامران یونس محمدامین، بەبۆنەی رۆژی جیهانی شێرپەنجە لە بەشی بایۆلۆجی کۆلێژی پەروەردە ڕێکخرابوو . لە سەنتەری رۆشنبیری و کلتوری زانکۆی سەڵاحەدین–هەولێر/ هۆلی کۆچەر بیرکار