ئەمڕۆ ١٧/٢/٢٠٢٥ بە ئامادەبوونی ڕاگری پەیمانگە (د.تیران جمیل پیرۆ ) و یەکەی کارگێری پەیمانگە و لیژنەی قوتابیان ئاهەنگی یەکترناسینی قوتابیانی قۆناغی یەکەمی پەیمانگەی تەکنیکی پزیشکی هەولێر بەڕێوەچوو.وە لەهەمانکاتدا سوپاس وپێزانین بەخشرایە بەشێک لە فەرمانبەران و نوێنەری قوتابیان و ئەو قوتابیانەی پلەی یەکەمیان بەدەست هێناوە لەسەر ئاستی بەشەکانیان.
بەئامادەبوونی ڕاگری کۆلێژی تەکنیکی ئەندازیاری هەولێر بەڕێز پ.د.ئەیاد زەکی صابر و یاوەری یاریدەدەری ڕاگر بەڕێز د.بازیان یونس محی الدین، میوانداری بەرپرسی ڕێکخراوی مامۆستایانی زانکۆی پۆلیتەکنیکی هەولێر بەڕێز د.کۆڤان عومەر حەسەن بارزانی و ئامادەبوونی هەریەک لە نوێنەری سەنتەری پەرەپێدانی کار لە کۆلێژی تەکنیکی ئەندازیاری هەولێر بەڕێز م.دلڤین حەسەن عومەر و بەڕێزان سەرۆک بەشەکان و مامۆستایان و قوتابییان، وۆرکشۆپێکی گرنگ و پێویست لەلایەن بەڕێوەبەری سەنتەری پەرەپێدانی کار لە زانکۆی پۆلیتەکنیکی هەولێر بەڕێز پ.ی.د.هەتاو کريم خضر، لە کتێبخانەی کۆلێژ ئەنجامدرا .
مەبەست لەو وۆرکشۆپەکە بۆ ئاشنابوونی قوتابییانی بەشە زانستییەکانە به سەنتەری پەرەپێدانی کار لە زانکۆکەمان، بە ئامانجی بەهێزکردنی قوتابيان بۆ ئەوەی بە سەرکەوتوویی بچنە ناو بازاڕی کارەوە و کاراکردنی سەنتەرەکە لە نزیکەوە ببینن .
شایانی باسە کە سەنتەرەکە خزمەتگوزارییەکانی وەک ڕاوێژکاری پیشەیی، ڕاهێنانی کارامەیی پیشەیی، ئەنجامدانی وۆرک شۆپ و سیمیناری تایبەتمەند، دابینکردنی دەرفەتی مەشقکردن، پەیوەندیکردن لەگەڵ خاوەنکارەکان و دروستکردنی تۆڕی پیشەیی پێشکەش دەکات. هەروەها ڕێنمایی قوتابيان دەکات لەسەر ڕێڕەوی پیشەیی دروست بە هەڵسەنگاندنی توانا و ئامانجەکانیان.
ئەم سەنتەرە ڕۆڵێکی گرنگ دەگێڕێت لە کەمکردنەوەی کەلێنی نێوان کارامەیی ئەکادیمی و پێداویستیەکانی بازاڕی کار، یارمەتی قوتابی دەدات بە ئامادەیی زیاترەوە بچنە ناو جیهانی پیشەییەوە.
دوای تەوابوونی وۆرکشۆپەکە، بە پرسیاری جۆراوجۆری قوتابییانی ئامادەبوو ، بایەخی سەنتەرەکە زیاتر تیشکی خرایەسەر و لەلایەن بەڕێز پ.ی.د.هەتاو کریم خضر، وەڵامی پێویستییان درایەوە.
بە سەرپەرشتی پ.ی.د.سەرسام خەلیل شوانی ڕاگری پەیمانگەی تەکنیکی کارگێری، بە ئامادەبوونی پ.ی.د.هەتاو کەریم بەڕێوەبەری سەنتەری پەرەپێدانی کار و پەرەپێدانی پرۆگرامەکانی خوێندن لە زانکۆی پۆلیتەکنیکی هەولێر, سەرۆک بەشەکان، نوێنەرانی CDC بەشەکان، مامۆستایان و قوتابییانی قۆناغی دووەمی پەیمانگە.
پ.ی.د. هەتاو کەریم بەڕێوەبەری سەنتەری پەرەپێدانی کار (CDC) لە زانکۆی پۆلیتەکنیکی هەولێر لە هۆڵی کۆنفرانسەکانی زانکۆ، سیمینارێکی پێشکەشی کرد بە مەبەستی ناساندنی سەنتەری پەرەپێدانی کار لە زانکۆدا, و تیایدا ئامانجی کردنەوەی سەنتەرەکەی بۆ ئامادەبووان خستەڕوو، دواتر تیشکی خستەسەر دیدگا، خزمەتگوزارییەکان و هاوبەشەکانی و چالاکییەکانی سەنتەر لە داهاتوودا بۆ ئامادەکردنی قوتابییان بۆ بازاڕی کار خرایە ڕوو.
هەروەها بە مەبەستی پەرەپێدانی توانا و لێهاتوویی قوتابییان و کارمەندان دامەزراوە. ئەم سەنتەرە خزمەتگوزارییە جۆراوجۆرەکانی وەک ڕاهێنان، ڕاوێژکاری پیشەیی، و پەرەپێدانی پلانی کار دابین دەکات بۆ یارمەتیدانی قوتابییان لە گەشەکردنی پیشەیان و گەیشتن بە ئامانجەکانیان.
هەروەهاCDC هەوڵ دەدات پەیوەندییەکی بەهێز لەگەڵ بازاڕی کار دروست بکات و یارمەتی قوتابییان بدات بۆ دۆزینەوەی دەرفەتی کار.
