یاریدەدەری ڕاگر بەشەناوخۆیی کوڕانی بەسەرکردەوە

ئەمڕۆ ١٢/١/٢٠٢٥ سەرلەئێوارە یاریدەدەری ڕاگری پەیمانگە د.طارق ويسی صادق بە یاوەری م. رەوەند سلێمان بەرپرسی هۆبەی تەندروستی و سەلامەتی و بەرپرسی هۆبەی بەشەناوخۆیی م. رێباز وە فەرمانبەرانی سەرپەرشتیاری بەشە ناوخۆیی. سەردانی بەشەناوخۆیی کوڕانی قوتابیانی پەیمانگە کرد بۆ ئاگادار بوون لە نزیکەوە لە ڕەوشی بەشەناوخۆیەکەو بەدواداچوونی کەموکوڕیەکان وە چاودێری هەموو ئامێرەکانی سەلامەتی تایبەت بە بەشەناوخۆییەکان وەک ئامێرەکانی گەرمکەرەوە و ئاگرکوژێنەوە وە پێداویستییەکانی قوتابیان.

پەیمانگەی تەکنیکی مێرگەسۆر وۆرکشۆپێکی زانستی تایبەت بە خۆپاراستن لە نەخۆشییە ئاژەڵییەکان و چۆنیەتی زیادکردنی بەرهەمی تەندروست رێکدەخات

رۆژی سێ شەممە 14ی کانونی یەکەمی 2025، پەیمانگەی تەکنیکی مێرگەسۆر وۆرکشۆپێکی زانستی لە ژێرناونیشانی “خۆپاراستن لە نەخۆشییە ئاژەڵییەکان: هەنگاو و ستراتیژییەکان، لە زیادکردنی بەرهەمە ئاژەڵییەکان بەشێوەیەکی تەندروست” بەبەشداری مامۆستایانی زانکۆ و کەسانی پسپۆڕ لە بوارەکە، بۆ ئاژەڵدارانی سنووری سۆران و مێرگەسۆر رێکدەخات.

وۆرکشۆپەکە لە دوو پانێڵ پێکدێت بەبەشداری بەڕێزان (پ.ی.د. هێمن کاکەخان عەوڵا مامۆستای زانکۆی پۆلیتەکنیکی هەولێر، پ.ی.د. عەبدولقادر ئەحمەد حسێن مامۆستا لە زانکۆی سەڵاحەددین، د. شەهید رەمەزان عەزیز، سەرپەرشتیار لە کارگەی زۆم، پ.ی. سیڤان حەسەن بەکر مامۆستا لە زانکۆی پۆلیتەکنیکی هەولێر، د. سەیدەوان عومەر یوسف پزیشکی ڤێتێرنەری راوێژکار لە بەرێوەبەرایەتی ڤێتێرنەری سۆران).

بۆ ئەم مەبەستە ئاگاداری سەرجەم ئاژەڵدارانی سنوورەکە دەکەینەوە کە بەشداری بکەن لە وۆرکشۆپەکە ئەویش بە مەبەستی زیاتر خۆپاراستن لە نەخۆشییە گوازراوەکان لە وەرزی زستان و ، زیاد کردنی بەرهەمی ئاژەڵەکانیان بەشێوەیەکی تەندروست.

ڕاگەیاندنیپەیمانگەیتەکنیکی_مێرگەسۆر

 

لەژێر چاودێری پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، بە ئامادەبوون و سەرپەرشتیکردنی پ.ی.د.بۆتان مەجید ئەحمەد یاریدەدەری سەرۆکی زانکۆ بۆ کاروباری زانستی و خوێندنی باڵا، سێ کۆبونەوە تایبەت بەسێ بابەتی جیاواز لە سەرۆکایەتی زانکۆ بەڕێوەچوون.

 

لە کۆبوونەوەیەی یەکەمدا تایبەت بوو بە لێژنەی داڕشتنەوەی تێمپلەیتی ماستەرنامە و دکتۆرا لە زانکۆی پۆلیتەکنیکی هەولێر بۆ گشت پسپۆریە زانستی و مرۆڤایەتیەکان بە هەرسێ زمانی کوردی و عەرەبی و ئینگلیزی، کۆبونەوەکە بە ئامادەبوونی پ.ی.د.بۆتان مەجید ئەحمەد و ئەندامانی لێژنەکە بەڕێوەچوو.

 

کۆبوونەوەی دووەم تایبەت بوو بە ئامادەکاری بۆ بەشداریکردنی پڕۆژەی ڕایز کە لەلایەن زانکۆکانی وڵاتانی دەریای ناوەڕاست ئەنجام دەدرێت، ئەم پڕۆژەیە بۆ ماوەی دوو ساڵ بەردەوام دەبێت و زانکۆشمان بەشدارە لە چالاکیەکان و ئامادەکاریەکانی ئەم پڕۆژەیە.

 

لە کۆبوونەوەی سێیەمدا کە ئەویش بە سەرپەرشتی و ئامادەبوونی یاریدەدەری سەرۆکی زانکۆ بۆ کاروباری زانستی و خوێندنی باڵا بەڕیوەچوو، تایبەت بوو بە لێژنەی یەکسانکردنی بڕوانامەکانی زانکۆی لوبنانی فەرەنسی، لەڕێگای ئەنجامدانی سیمینار بۆ ئەم قوتابیانەی دەرچوی ڕاوندی سێ یەمی هەمان زانکۆن، بۆ یەکسانکردنی بروانامەکانیان لە پیشەیی بۆ ئەکادیمی.

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەشداری کرد لە دووەمین کۆبوونەوەی ئەنجوومەنی خوێندنی تەکنیکی لە عێراق كه‌ له‌لایه‌ن زانكۆى پۆلیتەکنیکی باشوور میوانداریی کرا و له‌ شاری بەسرە بەڕێوەچوو.

لە کۆبوونەوەکەدا کە سەرۆکی لیژنەی پڕۆژەی چاکسازیی خوێندن و مەشقی تەکنیکی و پیشەیی لە عێراق و راوێژکاری سەرۆک وەزیرانی عێراق، د.حامد خەڵەف ئەحمەد بەرپرسانی باڵای وەزارەتی خوێندنی باڵا و توێژینەوەی زانستی عێراق و سەرۆکی زانکۆکانی پۆلیتەکنیکی عێراق و هەرێمی کوردستان و یاریدەدەری سەرۆکی زانکۆی پۆلیتەکنیکی هەولێر بۆ کاروباری کارگێری و دارایی ئامادەی بوون، باس لە هەنگاوەکانی بەرەوپێشبردنی خوێندنی تەکنیکی وپیشەیی لە عێراق و هەرێمی کوردستان کرا.

دوای پێشکەشکردنی گوتارەکان، ئەجێندای کۆبوونەوەکە خرایە روو کە لە میانی چەند تەوەرێکدا باس لە گۆڕینی پەیمانگا تەکنیکییەکان بۆ کۆلێژی پۆلیتەکنیکی لە زانکۆ پۆلیتەکنیکییەکان کرا، سیستەمی چوارچێوەی بڕوانامەی تەکنیکی و پیشەیی، پەیوەندی زانکۆکانی پۆلیتەکنیک لەگەڵ رێکخراوە نێوەدەوڵەتییەکان و کۆمپیانیاکان بەمەبەستی هەماهەنگی و رەخساندنی هەلیکار بۆ دەرچووان، کردنەوەی بەشی زانستی نوێ کە گونجاوبن بۆ بازاڕی کار، هەروەها کردنەوەی خوێندنی باڵا لە زانکۆ پۆلیتەکنیکییەکان لەگەڵ چەند بابەتێکی دیکەیی هەنووکەیی خرانە بەرباس.